العربية بتطفى لما بشيل رجلى من على البنزين:::: لمبة الزيت بتنور فترة أطول من المعتاد

**Elawany13** · 19-09-2011 01:57 PM

الأخوة الأفاضل الأعزاء
عندى استفسارين

الملاحظة الأولى
لما بدور العربية الصبح أو لما تكون باردة
لمبة الزيت اللى فى التابلوه بقت بتنور فترة أطول شويه عن الوقت اللى انا متعود عليه
ملاحظ انها بتتأخر حوالى 4 أو 5 ثوانى على ما بتطفى
كانت قبل كده بتطفى على طول بمجرد تشغيل العربية

مع العلم انى من 4 ايام مغير جوان كارتيرة الزيت للنظافة

الملاحظة الثانية
امبارح العربية كانت بتطفى لما بشيل رجلى من على البنزين
لما بمسك فرامل أو لما بمورها وانا ماشى

طفت كتير جدا امبارح
النهاردة عملتها مرة واحده بس

ياترى ايه سبب هذه المشكلة ؟
وما هو الحل

برجاء المساعده ... وجزاكم الله خيراً

**smsm_nabawy** · 19-09-2011 02:47 PM

طيب ،، أولاً المشكلة دي حصلت بعد ما غيرت جوان كرتيرة الزيت ؟؟

و لو بعديه ،، هل بعديه بفترة ولا بعديه على طول !!!
============================
ثانياً !!
مشكلة التبطيل دي ،، هل عربيتك أنجيكشان ولا كاربراتير ؟؟

**Elawany13** · 19-09-2011 03:03 PM

ايوه ظهرت بعد تغيير الجوان على طول

عربيتى كاربرتير 1400 سى سى

**smsm_nabawy** · 19-09-2011 03:26 PM

تمام ،، كده يبقى و الراجل بيغير الزيت ممكن يكون هز ساعة الزيت !!
طيب حضرتك زودت زيت أد ايه بعد موضوع تغير الكارتيرة ،، و مؤشر الزيت معاك ناقص ولا ؟؟

ممكن تكون مزودتش زيت كفاية !!
=====================
طالما العربية كاربراتير !! يبقى بكات عايزة تتنظف !!
بك السلانسيه بالتحديد ،، و أي ميكانيكي شاطر و فاهم ،، مجرد محتقوله الموضوع ده ،، حيقولك باكات ،، لن كان في حالة دوس الفرامل الهوا بيتنقل كده مش فاكر من السيرفو تقريباً

المهم فيه منفذ للهوا عن طريق الكاربراتير ،، و لما يكون بك السلانسيه فيه حاجة !! لما تيجي تدوس فرامل بيتخنق البك و مش بينزل هوا تقريباً او حاجة زي كده ،، كان في عضو هنا شرح الموضوع بظبط !! بس أنا مش فاكر التفاصيل أوي !!

متأسف أعذرني :((

**Elawany13** · 19-09-2011 05:50 PM

انا كنت مغير زيت جديد قبلها بيوم
والميكانيكى نزله فى جركن نظيف وحطه تانى
والمقاس مظبوط وزى الفل
هيه ساعة الزيت ديه بتبقى فين ؟
-----------------
روحت للميكانيكى دلوقتى قعد يظبط فى السلاسينة والهوا
وقالى لو المشكلة لازالت مستمرة بيقى تروح للكهربائى يكشفلك على بيك السلاسينة علشان هوه كهرباء

**Elawany13** · 19-09-2011 07:32 PM

هوه فيه ياجماعه منظف بيكات وكاربرتير بيتحط على التفويلة زى الإنجكشن ؟

**Elawany13** · 19-09-2011 10:11 PM

روحت لميكانيكى تانى
حل المشكلة فى 5 دقائق
لقى بك السيلانسية قاطع كهرباء
جاب القصافه وقطع حته من أوله
وركبه وظبط الهوا
وماشاء الله اتظبطت
قولتله بس انا قلقان وعاوز اجيب بيك جديد أفضل
قالى متقلقش
قولتله ياعم الحاج انا مسافر بكره وممكن يحصل موقف فى الطريق بسببه
قالى سافر ومتخافش
قولتله طيب مفيش اى آثار جانبية للجزء اللى اتقطع ده
زى زيادة استهلاك البنزين أو أى أثر جانبى تانى
قالى ولا اى حاجه
رأيكوا ايه فى الكلام ده ؟

**smsm_nabawy** · 19-09-2011 10:30 PM

لا ملهوش أي أثر جانبي !! و تمام أنك مغيرتش البك ،، لأنك مش حتلاقي زيه !! :)

ده الأصلي بتاع العربية !! :))
بالنسبة للساعة بتاعت الزيت بتكون في مخزن الزيت من تحت !! "حسب معرفتي"
ده كده حتلاقيها اتهزت او حاجة !! الي يهمك أن اللمبة بتطفي أولاً و أخيراً ! !! :)
طالما كده يبقى تمام !!

متنساش كمان ،، أن الجوان حكم الكارتيرة كويس ،، بالتالي مش حيبقى في تنفيس زيت ولا هوا منها !! و بالتالي زيادة وقت اللمبة على متقفل ممكن يكون طبيعي !! :)

**Elawany13** · 19-09-2011 10:34 PM

شكرا ياسمسم على مشاركتك
بصراحة انا كنت متنكد قوى بسبب ان العربية بتطفى على السلانسية
وعمال اتخيل ان العربية بتعملها معايا فى اسكندرية وزحمتها
وكل شويه تطفى واشغلها واعطل الطريق
واللى ورايا يتخنق أو يلبس فيا !!!

طيب حد يفهمنى ايه اللى هوه قطعه بالقصافه ده ؟
كده بيك السلانسيه مبقاش كهرباء ؟
ولو ملوش لازمة عملوه ليه ؟

**smsm_nabawy** · 20-09-2011 09:08 AM

بص لو عايز تتأكد عليها و انت في أليكس قولي،، أنا الورشة الي بتعامل معاها أصلاً الي بيشتغلوا فيها ،، بيشتغلو في النصر "توكيل الشاهين "

علشان كده ،، هما أساتذة شاهين بمعنى الكلمة !!! :)

الموضوع: العربية بتطفى لما بشيل رجلى من على البنزين:::: لمبة الزيت بتنور فترة أطول من المعتاد

LinkBack

أدوات الموضوع

عرض

العربية بتطفى لما بشيل رجلى من على البنزين:::: لمبة الزيت بتنور فترة أطول من المعتاد - انشر الموضوع فى :

-

-

-

-

-

-

-

-

-

المواضيع المتشابهه

لمبة الزيت مش بتنور لما الزيت بينقص - ابيزا 98

لمبة الزيت بتنور مع فرامل العربية

حاجة مش طبيعية .. طقطقة لما بشيل رجلى من على البنزيين !!

لمبة الزيت بتنور

لمبة الزيت بتنور لما العربية تسخن و لما اشيل رجلى من على البنزين

الكلمات الدلالية لهذا الموضوع

المفضلات

المفضلات

ضوابط المشاركة