الموضوع: مساعدة عاجلة فى فرامل اليد

السلام عليكم لو سمحت يا رجالة عندى مشكلة فى فرامل اليد
من اسبوع وانا ماشى بالعربيى على 60 بدوس فرامل عشان اهدى عشان كنت داخل على ملف بدوس على دواسة الفرامل ملقتش فرامل خااااالص قومت مسقط غيار وشديت فرامل اليد والحمد لله ملبستش فحاجة رحت لبتاع الفرامل غيرلى مسامارين الفرامل الهوا بتوع العجل الخلفى وقالى ان السبب ان زيت الفرامل مفيش ولا نقطة فالعلبة قمت مليتها زيت باكم تانى وبعدين شدلى فرامل اليد يعنى بدل ما كانت الفرامل كانت بتعمل 5 تكات لفوق بات بتعمل تكتين بس قولت مفيش مشكلة المهم من شوية وانا بركن العربية بشد فرامل اليد لقيت الفرامل طلعت فايدى ومفيش فرامل يد قولت يبقى السلك قطععععع !!!
دلوقتى اعمل ايييييييية؟ والسلك دة هل ينفع اشوفة من تحت العربية ؟؟؟ ولما اروح لبتاع الفرامل دة تانى هيعمل اية عشان ابقى عامل حسابى وهل دا فعلا السلك ولا حاجة تانى ؟؟؟؟

هتروح لبتاع الفرامل وهو هيشوف السلك اتقطع خالص ولا فك بس

لو فك هيروح مركبهولك ويعملك رجلاش لفرامل اليد

(ومادام انت واخد على انها 5 تكات خليه يعملهالك على حاجة قريبة مش تكتين بس)

أما بقى لو السلك مقطوع فهتروح تشترى سلك جديد وهو هيركبهولك والدنيا ترجع طبيعى