تقريرى و أنطباعى الشخصى عن الكارينز بعد 2000كيلو/شهر

**haithaam2002** · 19-01-2012 09:10 PM

اخي الفاضل انا بفكر في الكيا كارينز عشان انزلها مصر لكن قلقان من قصه ان دا اخر موديل هينزل منها لان دا بيكون عيب في استمرايه تواجد قطع الغيار بكره وبعده
في موديلات بتفضل مستمره زي الالنترا - السيراتو - الكورلا ودا بيخلي سعرها ثابت نسبياً ومهما تقدم بتلاقي حاجاتها متاحه علي طول

الاختيار التاني عندي السيراتو او النترا

**koshary** · 10-02-2012 12:06 AM

تقرير مميز بارك الله فيك

**sharief95** · 16-02-2012 04:30 AM

تقرير محترم جدا جدا جدااااااا ولكن مشكلة الكيا حاجة واحدة فقط ان لها موديلات كتير جدا وانه الموديل ممكن ينزل 5 سنين وبعد كده تطلع موديل جديد يقولك ده مكان القديم وباسم تاني يقوم مموت العربية القديمة في اعادة السعر وحاجات تانية ودي سياسة بيعية للشركة علشان تزود مبيعاتها لما تنزل شكل جديد بكاماليات اكتر على عكس الهيونداي لها موديلات ثابتة على مر السنين وليكن على سبيل المثال الالنترا سواء شكل قديم او جديد سعرها محفوظ في كل الاشكال انا لية واحد صاحبي عنده سيراتو الشكل القديم كان شاري مو 2008 ب 90 الف تعب عقبال مابعها وخسر فيها لان الناس لم تعد متقبلة الشكل ده فهي دي مشكلة الكيا ولكنها شركة محترمة في كل موديلاتها بلا منازع ولكن هذه هي مشكلة الكيا

**ehab_hamed** · 12-03-2012 03:17 PM

انا متهيأ لى لو حد من توكيل كيا كتب على العربيه مش حيكتب عنها تقرير بالجمال والحلاوه دى. انا عايز اشترى العربيه دى فعلا بس موضوع انها مش حتبقى موجوده فى 2013 وده مقلقنى شويه.

**ashouhdy** · 12-03-2012 05:13 PM

البرايد والسيفيا و الاسبكترا بقالهم بتاع 10 سنين مبينزلوش و قطع الغيار متوفرة وذى الفل ....

الاحتمال الوحيد ان يكون شكل الجديد احلى ... بس اشك ان كيا حتنزل نفس العفشة المالتى لينك فى الجديد .. وبكدة يبقى الكارينز الحالية صفقة على سعرها بجد

**oshiman** · 15-04-2012 11:49 AM

--------------

ممنوع كتابة اللغة العربية بأحرف انجليزية
مشرف 3ب
16/4/2012
4.54pm

**ashouhdy** · 16-04-2012 01:52 PM

الحمد لله علي كل شئ وربنا يبارك فيك و يحفظك .... العربية عييها الوحيد بالنسبة ليا دلوقت هو استهلاك البنزين ... جوة البلد حوالي 170كيلو في الصفيحة و علي الطرق السريعة 250 كيلو .... الاتنين بالتكييف و سواقة رياضية ... يعني انا رجلي تقيلة شوية علي البنزين ... غير كدة و لله الحمد كل يوم بتثبت انها افضل من عربيات اوروبي كتير اغلي منها كمان من الحجم للاتساع للاعتمادية لقوة التكييف الي تساوي قوة الموتور كمان ... الحمد لله وماشاﺀ الله وربنا يحفظنا جميعا