الموضوع: ايها الرجل .تعلم من الرسول كيف تحب زوجتك

المشاركة الأصلية كتبت بواسطة waelfarid

في حالات عدم الرضا من الزوجة بييجي في بال الواحد ولن ترضي عنك ال...........والباقي مفهوم

ياراجل حرام عليك انت هتشبه الزوجه بدوول

المشاركة الأصلية كتبت بواسطة shiko85

تمام, بس معتقدش ده ممكن
لان معظم المشاكل بتيجى بالعشره, زى مشاكل البيت العاديه و ده مش هيتعرف الا بعد الزواج و العيشه فبيت واحد لكن مشاكل فترة الخطوبه هى قشره من المشاكل لان طبيعتها تختلف عن مشاكل بعد الزواج
و بعدين فتره الخطوبه فحالات كتير ملهاش لازمه لان كل طرف بيخبى حقيقته و بيدارى عيوبه و بيحاول يظهر بشكل مخالف للحقيقه سواء لرغبه فالأحتفاظ بالطرف الأخر او خداعه (وده كتير طبعا)
فتره الخطوبه مفيده فمعرفه بعض مميزات و عيوب كل الطرف بخيل طماعه عصبى عنيده طيب حنونه و هكذا (فى حاله صدق الطرفين يعنى) , لكن مش كل العيوب ولا المميزات هتبان

انا لا اذكر اي عيوب في مراتي كانت مش موجوده قبل الخطوبه

انت مش هتتصيد او تتربص ليها
من اول يوم تخطب وده اللي انا عملته اني قعدت مع مراتي وده كان بعد خطبه سمعتها من الشيخ وجدي غنيم الله يكرمه وقلتلها اننا عايزين فترة الخطوبه دي نتعرف كويس علي بعض ونناقش المشاكل اللي ممكن تحصلنا بعد لجواز ونشوف سيناريوهات لحاجات ممكن تحصل وهنتصرف ازاي فيها ومش عايزين نخبي شخصيات بعص

يعني ببساطه تطلب من خطيبتك انها تبقي علي طبيعتها وانت علي طبيعتك

مش عايز اقولك ان مقضتش يوم كويس في الخطوبه دي وكانت من اسوأ فترات حياتي بس ده ريحني بعد كده

المشاركة الأصلية كتبت بواسطة omar-saad

اولا انا مش متجوز
بس عارف ايه اللى ممكن يحصل
لان تجارب الناس اللى حوالينا بتقول كدة
انا عن نفسى هراعى ربنا فيها وهاعملها زى ماوصانا ربنا والرسول (ص)
لكن هى ؟؟؟؟؟؟
انا مش بقدم الغلط ولكن انا فى وسط كمية الستات اللى موجودين حوالين منى قربت افقد الامل فى واحدة ملتزمة ومتدينة كل هم البنات دلوقتى انا تصطاد عريس محترم
عربية وشقة تمليك وياريت تكون فى مكان راقى ويكون شيك ويصرف عليها
ولما تنول المراد تكشر عن انايابها
ويبان بقى الاصل والمعدن والتربية والشخصية اللى كانت مستخبية ودا حال 80% من الزوجات الا من رحم ربى
اروح فين بقى انا والغلابة اللى زى حلاتى
طافح علشان اجهز نفسى واكون اسرة وبيت واعف نفسى ووسع على رزقى
وكمان مغلب اهلى معايا فى الشقة والعفش و.....و....و....و الخ
وفى الاخر الاقى نفسى خدت مقلب حياتى
وارجع اقول يارتنى ماتجوزت

انا الحمد لله راجل رياضى جدا وبحب احافظ على جسمى وماحبش التخن ابدااااااا
واحب مراتى تكون زيي
لكن لو اللى حصل مثلا لاسباب قهرية
ابقى راجل ماعنديش دم لو اتكلمت معاها
انما طول ايوم اكل وفرجة على التليفيزيون ومكالمات على الفاضى والمليان
ويدوبك تقوم تعمل شغل البيت بالعافية وكل البنات دلوقتى ميح فى الطبيخ وتحمل مسؤلية المنزل مع ان الحياة دلوقتى اسهل بكتير من زمان
ايام ستى لما كانت بتغسل فى الطشت وتنقع وتغلى
انما دلوقتى الفول اوتوماتيك وغسالة اطباق وتكييف
واروح الاقى لبسى متوسخ برضه والاكل مش معمول علشان الهانم صحت متاخر
دا ميرضيش ربنا ابدا
الحياة مشاركة ولازم الستات يفهموا كدة انا عن نفسى بطحن شغل طول اليوم لحد واحدة او اتنين باليل ويدوبك لو اقدرت اروح اتغدى
فاعلشان اروح والاقى اللى اقوتلك عليه فوق
يبقى يا محلى حياة العزوبية
واضرب عن الجواز احسن
لكى فائق احترامى وتحياتى

يا خبر كل الهجوم ده وانت مش متجوز وما فيش زوجة اصلا عملت فيك حاجة يا شيخ حرام عليك

وبعدين لما تبذل مجهود عشان تكون بيت دى مش مشكلتها ولا ذ نبها عشان تحاسبها عليه او تمن عليها بيه ده دينك اللى بيطالبك بكده وقالك متحاولش تاخد بنات الناس الا لما يبقى عندك قدرة جسدية ومادية معينة واذا كانت الأمثلة اللى حواليك سيئة قوى كده طب ما انا كل امثلة الرجالة اللى حواليا تقريبا زى الذفت بس لسه عندى امل تقريبا حواراتكو هنا فى المنتدى اللى هتقضى عليه : )
وقلت 100 مرة قبل كده ان جالى ناس عندها شقتها وعربيتها ومقبلتش عشان الدين ومش انا بس اصحاب كتير ليا مش قادرين يتنازلوا عن الدين بس مش معنى كده ان لو جالى متسول وعنده دين هقبل لأن ربنا مقالش كده وقال يبقى فيه تكافؤ برضه ورضا


وبعدين فين ثقتك بالله انت لو نيتك كده فعلا وهتعاملها بما يرضى الله وهتديلها حقوقها خلى عندك حسن ظن بالله مع الأستخارة والستشارة طبعا وتحاول تحسن الأختيار انه مش هيوقعك ابدا فى اللى بتوصفه ده وهيرزقك بواحدة تقدرك وتفائلوا بالخير تجدوه لكن لو ظنيت انك هتبقى كويس وهى هتبقى بنت 60 * 70 ده اللى هتلاقيه وبعدين سورى يعنى متصدقش كل اللى بيتحكى اصلى شفت كتير وصاحبت كتير وطالما متطلقوش فعلى فى احتمال 80 % ان حكاياتهم كلها تهويل او لمنع الحسد او بيحكوا الوحش بس عمرك شفت حد جه قالك اما امبارح بقى انا ومراتى كنا فرحانين وعملت لى حتة عشوة ولا رحنا حتة فسحة ولا هيقوللك اصلا ده بتجى تشتكى ونشوفهم فى المطعم بالليل وقعدة كلها رومانسية الناس هتغمك بس فكبر ومتحاولش تسمع

المشاركة الأصلية كتبت بواسطة رزق

هي ليه كل مشاركات النساء بتبقي دفاع عن المراة و ذم في الرجل...
ليه مابتبقاش عمرها محايدة ذى مشاركات معظم الرجال

والله ضحكتنى حقيقى بجد لو كنت مستجد كنت سامحتك بس ده انت عضو برونزى بقى مشاركات معظم الرجالة محايدة لا حول ولا قوة الا بالله ده الذم فى الستات هو العلامة المميزة للمنتدى هنا ابحث كده فى تاريخ المنتدى وانت تعرف وتشوف اعدلها ببوز جزمة واديها الوش الخشب وسيبها تتفلق وانزل اتبسط

المشاركة الأصلية كتبت بواسطة shiko85

طيب و ليه الزوج بس اللى المفروض يستحملها, هو كمان له حق عليها
هى مش هتعمل حاجه غير انها تنكد عليه ؟؟!!! و بعدين مش فيه حديث شريف " أيما امرأة باتت وزوجها غضبان إلا لعنتها الملائكه " محدش بيقول عنه حاجه خالص ليه ؟؟
انا شايف ان المفروض ان الزوج يعامل الزوجه بنفس الطريقه اللى عايزها تعامله بيها و العكس طبعا, مش لما الزوجه تزعل الزوج تيجى تقوله علشان خاطرى و الحاجات دى و هو يسامحها فحين لو هو اللى زعلها الدنيا تتقلب ولا ينفع معاها حاجه خالص
انا والله بجد اتعقدت خلاص, حتى بالصدفه النهارده بقلب فالدش لاقيت برنامج و صادف انه كله عن الزواج و الخلافات و بجد حاجه تجيب احباط و انا اتعقدت و مش هتجوز خلاص



على فكرة الحديث ده اذا دعا الرجل امرأته الى فراشه فأبت واخد بالك وبعدين لو بحثت هتلاقيه ذكره عن المرأة هنا لكن بينطبق على الزوج كمان لأنه مطالب شرعا يعف مراته برضه حتى هو ممكن يتجوز عليها لكن هى ملهاش غيره وانا سمعت فى برنامج دينى انه لو امتنع عنها بدون سبب برضه هيتلعن


ثانى حاجة الرجل قوام وده معناه ان ظ…ط.ظ…ط¯ ط¹ط¨ط¯ ط§ظ„ظ‚ط¯ظˆط³ ظٹظƒطھط¨ : ط§ظ„ظ‚ظˆط§ظ…ط© طھط¹ظ†ظٹ ط®ط¯ظ…ط© ط§ظ„ط±ط¬ظ„ ظ„ظ€ط²ظˆط¬طھظ‡




القوامة.. دكتاتورية وتسلط أم تهذيب وتبسط؟

ودى عشان الناس اللى مش عاجبها المهر وشايفاه كلام فارغ وكمان مفروض تجهز منه !!

المهم يعنى انه عشان يكون راجل بجد مفروض يكون اقوى وحليم يصبر على اذاها ويتحملها عرفت بقى