الموضوع: رابطه الزهقانين من السيراطو< ملاكها>

المشاركة الأصلية كتبت بواسطة qau

بصراحه كفايه ظلم في العربيه بقي انا كان معايا 2 سيراتو وعمري مشفت الي بتحكو عليه ده هي فعلا عفشه ناشفه شويه وميحسش بيها غير الي قاعد ورا بس مع الوقت بتنعم وايه وضعيه الجلوس غير مريحه دي جديده دي كمان وكمان الركن وكمان وضعيه الطاره غريبه دنت شلفطتها والله ده الواحد كانو راكب توك توك علي كده وهو مش واخد باله انا نفسي الناس تتكلم بموضوعيه شويه واي عربيه في الدنيا فيها عيوب وبما اني شايف انك منسق قسم هوندا فخد عندك الهوندا سيفيك انا ركبتها واقدر اقولك انها واطيه وهتاخد بيها كل المطبات في مصر وده عيب رهيييييييييييييييب رد عليا بقي

انا بظلمش عربية انا عامل موضوع فى قسم الهوندا على اللانسر ومتهيألى دية يابانى ومطلع فيها عيوب الدنيا والحمد لله ملاكها واللى جربوها محدش فيهم قال حاجة

وعموما بردة السيفيك مش خالية من العيوب وفيها عيوب واقولهالك لو عايز

1- موضوع الانخفاض دة مش عيب العربية دة عيب البلد مش هقدر اقول علية عيب لكن الكلمة الاصح لاتناسب طبيعة شوارع البلد

2- عفشتها بردة ناشفة بس مش سيراتو يعنى

3- سعرها مبالغ فية جدا وخصوصا ال vti

4- السيارة غير مريحة فى الكنبة الخلفية وضيقة شوية

5- فراملها مش بالقوة الكافية + فيها عيب ضعف خفيف فى الكهرباء اثناء تشغيل التكييف ولما بيفصل ويشتغل

6- وبردة عشان تبقوا عارفين خاماتها لاترقى ابدا الى خامات الموديلات السابقة وخصوصا من 92 الى 2000

معلش انتوا بس المشكلة انكوا متعصبين اوى لموضوع الكيا مش عارف لية , خدوا الموضوع ببساطة شوية مش كدة دية عربيات فى الاول وفى الاخر وانا قولت التجربة بكل ثقة وقولتلكوا كمان عيوب السيفيك مش موضوع انخفاض وبس لأ انا قولتلكوا اللى اغلبكوا مايعرفوش

المشاركة الأصلية كتبت بواسطة AutoTycoon

باشا الراجل اللي انت بترد عليه عنده كل العربيات الكوري = خامات بلاستك + وضعية جلوس غير مريحة

كبر مخك... زي ما قال الريس

ياباشا هو انت شايف غير كدة ولا انا بتحامل على العربية لو انت شايف ان العربية خاماتها ممتازة يبقى ربنا يحليها فى عينك كمان وكمان ويباركلك فيها , دية حرية شخصية وانا قولت اللى انا شايفة

المشاركة الأصلية كتبت بواسطة medo_elgezy

رسالة الى منسق قسم هوندا و للعلم انا من بورسعيد بلد الهوندا ولا جدال على ذلك و انا كنت من ملاك هوندا سيفيك من 3 سنين و لمدة 10 سنوات و بعتها و جبت سيراتو 2010 توب لاين و كان نفسى اجيب سيفيك بس كانت غالية قوى علية يعنى كان ساعتها البيز لاين lxi وكيل 148.5 و توب لاين 177 و 188 بفرش جلد و انا ركبي عندى فى بورسعيد هوندا سيفيك 2007 جاية من امريكا و اكتشفت الطامة الكبرى انها مش شبه الى عندنا و اكتشفت انها خط انتاج يابانى اما الى عندنا فخط انتاج ماليزى و لما دخلت على موقع هوندا اليابانى و الماليزى لم اجد فيهم الموتور 1600 و انه صنع لمصر خصيصا لانها تنزل cc1800 و 2000cc وعندى البوريشورز بتاعتهم و للعلم ان السيفيك التوب لاين انها تركى و الذى اخبرنى بهذا هو وكيل هوند فرع بورسعيد ,و لما جبت الكيا حلوة فيها امكنيات كويسه و سعرها مناسب للفيها 119 خليجى سعودى و البيبان جلد و الطبلوه ربر و الفرش جلد و خاماته كويسه و ثبتها معقول يعنى بسافر بيها كويسه و فعلا عفشتها مش واو ناعمة بس كويسة و انا قولت فى عقل بالى لما تبوظ هنزل اجيب عافشة كونى الى هى الناعمة بس مش فاكر اسمها و اهيه ماشية و مقضية الغرض و بتقول ماما و بابا و انا عارف انه مفيش مقارنة بين هوندا و كيا بس انا بحكيلك تجربة واقعية

طيب تمام ماحنا كلنا عارفين ان المحرك دة مابينزلش غير فى مصر وشرق اسيا

عموما ياباشا عشان تبقى عارف حاجة يمكن كتير مايعرفهاش ان السيفيك يابانى كقطع غيار وتقفيل واللى يقولك غير كدة يبقى مايعرفش حاجة بس كل جلد العربية + القواعد انتاج تايلاندى غير كدة مافيش

وبالنسبة للسيفيك فهية محركها 1800 سى سى فقط لاغير بقوة 138 حصان بالظبط

اما ال2000 سى سى فدة بينزل فى السيفيك الكوبية وسيدان او ماتسمى بال si ودية قوتها 197 حصان وشكلها مختلف تماما

عموما مافيش سيفيك تركى ابدا واللى قالك كدة يبقى مايعرفش حاجة حتى لو التوكيل معلش السيفيك كلها وارد اليابان , السيتى اللى اقولك اة ببتقفل خارج اليابان لكن السيفيك لايمكن

عموما دة رأيى ومهما قولتوا وعملتوا دية تجربة وانا بحكيها وبشوفها لحد وقتنا هذا بعد 18000 الف كيلو بالعربية

ومعلش كلمة اخيرة ياريت ياملاك الكيا يبقى عندكوا روح تتقبلوا نقض السيارة اكتر من كدة لان حتى الفيرارى فيها عيوب لان الكمال لله وحدة وعمرك ماهتلاقى حاجة كاملة فى الكون مهما عملت دية فى الاول وفى الاخر عربية وعربية كورى سعرها لايتعدى ال125 الف جنية وفيها اوبشن قد كدة متخيل تبقى راكب عربية عاملة ازاى هل هتبقى بالكفاءة اللى انت متخيلها كان كلة جابها وساب بقى البى ام والمرسيدس