الموضوع: شويه استفسارات على السريع

المشاركة الأصلية كتبت بواسطة magdyelshikh

نور الصالون بيستمر والع مشكلة فى التيمر اللى مشغله او فيوز التيمر راجع علبة الفيوزات
ومش فاهم قصدك بكلمة (ما فيش حاجة على التابلو )

اقصد يعنى اقولك ان مافيش اى لمبه بيان على التابلو ان فى باب مفتوح

المشاركة الأصلية كتبت بواسطة tananybasha

تمام زى ما مجدى ما قال
دينامو استيراد احسن
اللى فى السوق كتاوت مضروبة شهر و تعيش انت
و خد الدينامو على تجربة

والله يا طنانى انا حالياً سايب العربيه عند الكهربائى لسه بيفكو وهايقولى فيه ايه بس بيقولى ممكن يكون شربون بس افكو الاول واشوف ايه الى بايظ

المشاركة الأصلية كتبت بواسطة SYD

علامة S في الطابلوه معناها Sport Drive الي هو الزرار الي في عصاية الفتيس الأوتوماتيك

لمبات الأشارة والفلاشر كلها لمبة واحدة مش زي باقي العربيات كل اتجاه ليه سهم منور

لمبة الأشارة بتهيس عندك ولو خدت مطب تشتغل وبعدين تفصل يا أما الدواية فيها لووز lose يا أما اللمبة نفسها مهيسة

اعتقد زراير الطابلوه لو باظت لازم تتغير

وفي انتظار الردود

والله المستعان
،
،

اه هى لمبه S دى Sport Drive و بتنور لما بفتح كونتاك العربيه وبتفصل تانى

بالنسبه للاشارات اليمين والشمال على لمبه واحده عليها سهمين بس الى انا اقصدو ان لما بنور الانتظار المفروض يكون فيه اشاره حمرا تانى مع السهم الاخضر تكون موجودة زى باقى عربيات خلق الله ولا مش موجوده فى اوبل :D

بالنسبة للمبه الصالون مفيش لها اى لمبات فى التابلو
اما الانتظار فله زرار موجود جنب زرار التكيف والمروحة بتاعت التكيف بداخل الزرار لمبة اضائتها باللون الاحمر بتبقى شغاله مع الفيشر بتاع الانتظار وهى غلسه اللمبه دى بتبقى بسلكة ولحام بالمكوة عايز كهربائى يكون عملها قبل كده علشان يعرف يغيرها لما تتحرق .

يبقى هى كده محروقه :d
الله المستعان بقى لما ابقى اعمل زياره تانيه للكهربائى ان شاء الله ابقى اعمل انوار التالبلو و رزار الانتظار علشان كده محروقه

نزلت النهارده عملت بنصيحتك يا استاذ مجدى وجيبت دينامو استيراد من صقر قريش عند واحد اسمو محمد امين
فكلى الدينامو قدامى من ماتور وحسبو على 250 ومرضاش ينزل فيه جنيه واحد روحت للكهربائى وركبو وبعد التركيب والتجربه طلع اشطه الحمد لله بس البطاريه بتفضى شحن بسرعه جداً هى بطاريه النسر الامانيه ميه مش جافه ،، وتاريخ الشراء بتاعها 24/6/2011 كده حد يفيدنى بقى اعمل فيها ايه ارجعها الضمان ولا ابيعها وادفع فرق فى واحده جديده جافه لان انا كده ماشى ببطاريه مش بتاعتى واخدها من عند الكهربائى :d