شويه استفسارات على السريع

**Mr7mix** · 21-09-2011 12:20 PM

السلام عليكم ورحمة الله وبركاته،،

ازيكو يا شباب يارب تكونو بخير .. عندى شويه اسئله كده فى تابلوه الفيكترا B

1- لمبات البيان فى التابلوه عندى مشفتش منهم حاجه بتنور غير
* لمبه البنزين و حرف S و البطاريه و فرامل اليد والنور العالى
* الاشارات والانتظار لمبه خضراء فقط ( مع ان المفروض يكون فى لمبه مختلفه مع الانتظار)
وبعدين لمبه الاشاره كتير جداً مش بتكون شغاله يعنى بفتح اشاره او انتظار بتنور خارج العربيه لكن على التابلوه مش بتنور و شويه الاقيها بتشتغل بمزاجها وتفصل بمزاجها

2- كنت عند الميكانيكى وبنظف الانجيكشن و فصل فيشه الماف تقريباً وقالى بص على لمبه الاتشيك انجين هتلاقيها منوره طبعاً ملقيتش اى نور على التابلوه ولا حتى اعرف شكلها ايه من ساعه لما جيبت العربيه ومش عارف بقى الاتشيك انجين دى الى هى حرف S ولا غيرها

3- شاشه الحراره الجو والساعه مش شغالين بالمره وبحاول اظبت الساعه ولا زرار شغال دى بتتغير ولا بتتصلح ؟؟

4- من يوم ما جيبت العربيه و لمبه البطاريه دايماً مسريه و الكهربائى قالى ده ممكن تكون جلب الدينامو او كتاوت ضعيف والحمد لله والدينامو قطع شحن من 4 ايام روحت بقيس شحن الدينامو مع الانوار والتكيف طلع بلحه يعنى مافيش شحن خالص

وان شاء الله فى الويك اند بتاعى هاقضيه عند الكهربائى هاعمل الدينامو و عاوز اشوف المشاكل التانيه دى تتحل ازاى وعاوز اعرف ايه المبات الى المفروض تكون شغاله وبتشتغل امتى علشان اعملها بالمره

**Mr7mix** · 21-09-2011 12:26 PM

اه نسيت كمان حاجه لاقيت فيشه تحت كرسى السائق دى بتاعت ايه ؟؟

و لما بيكون فى باب مفتوح المفروض تنور على التابلوه ولا مافيهاش اصلا ؟؟

لمبه الصالون على طول مسريه حتى لو عامل لوك للعربيه بس شغاله ديلاى مظبوط وانا مغير لمبه الصالون مركب بورده 36 لمبه تلجى ده صح انها تبقى مسريه كده ؟؟

**forget** · 21-09-2011 12:53 PM

بس كده,, أنت اقتصادى اوى فى اسئلتك بس والله تقريبا جمعتلى الحاجات اللى عوز اعرفها من زمان,منتظرين الردود

**forget** · 21-09-2011 12:55 PM

مفيش حد بيرد علينا ليه

**magdyelshikh** · 21-09-2011 02:22 PM

بص يا برنس لمبة الصالون كده صح لازم تبقى مسرية علشان دى لمبات ليزر على كارته فده العادى بتعها بقلها سنتين عندى مسرية كده والحمد لله مفيش مشكلة .
المفروض انها تنور مع فتح اى باب من الاربعة والا يبقى زراير نور الابواب محتاجة صيانه يتبص عليها من كهربائى كويس ..
الفيشة اللى تحت الكرسى دى فيشه مجهزة علشان لو ركبت كراسى متحركة زى كراسى البى ام دبليو .
بالنسبة للمبة الدينمو اللى مسرية ضعف شحن من الدينمو محتاج كتاوت شحن داخلى وللأسف مش بينجح الموضوع ده ناس جربته ميت مرة فاأنا رأى زى ما عملت عندى دينمو استراد وخد بالك من الحته دى بتاع فكترا بى 120 امبير بشرط التجربة على الاقل اسبوع .
بالنسبة للمبات التابلو محتاج انه يتحل من كهربائى محترم بتاع اوبل علشان فكه فيه صنعه واحتراف مش ساهل علشان ميكسر الفبرات ومكان المسامير اللى مثبتاه وبيتم تنضيفة بقماشة قطن نظيفة من الداخل وبيشيك على كل اللمبات المحروقه او المسوده بتتغير والناقص بيتكمل من الاستيراد مفيش منهم فى السوق جديد الا لمبتين فقط والباقى اللى فى الطابلو بيبقوا بكعب بلاستك ثابته فيه اللمبه وبالمرة تشيك على الفيوز المسؤل عن نور الطابلوه فى علبة الفيوزات ...
بعد كده كله يرجع فبريكه وتدعى لاخوك مجدى بالستر فى الدنيا والاخرة ومتنساش كلمة كهربائى محترم فهمان فى الاوبل

**ashrafnoby** · 21-09-2011 05:03 PM

الله ينور عليك ياعم مجدى انت جبت المفيد اهم حاجه كهربائى فاهم وكويس علشان ميبخربش حاجه

**Mr7mix** · 21-09-2011 06:32 PM

الله ينور عليك يا مجدى باشا بس لما بيكون فى باب مفتوح عندى نور الصالون بيفضل منور لكن ما فيش حاجه على التابلو

وبعدين طيب لو الدينامو طلع سليم من جوه ومحتاج كتاوت بس ممكن اغير الكتاوت ولا لازم دينامو استيراد
اصل بصراحه بقلق اوى من الحاجات الاستيراد دى وبعدين ملقيتش حد عندو ضمير بيبيع قطع غيار استيراد

والكهربائى الى بيفهم الحمد لله موجود :d

**tananybasha** · 21-09-2011 11:22 PM

تمام زى ما مجدى ما قال
دينامو استيراد احسن
اللى فى السوق كتاوت مضروبة شهر و تعيش انت
و خد الدينامو على تجربة

**tananybasha** · 22-09-2011 12:22 AM

للعلم اليليدات بتفضل مرية عشان لازم يكون كهربا استعداد 1.2 فولت واصله لدايرة الديلاى

-

الموضوع: شويه استفسارات على السريع

LinkBack

أدوات الموضوع

عرض

شويه استفسارات على السريع - انشر الموضوع فى :

-

-

-

-

-

المواضيع المتشابهه

شويه استفسارات عن الفرنا

شويه استفسارات يا اوبلاويه :)

شويه استفسارات

شويه استفسارات بسيطه

شويه استفسارات d:

الكلمات الدلالية لهذا الموضوع

المفضلات

المفضلات

ضوابط المشاركة