محتاج مساعدة ابيع ولا اظبتها احسن

**hany_mossa** · 21-09-2011 02:43 PM

صباح الخير الاخوة الاعزاء اخوكم لسة شارى 127 فيورا من حوالى 3 شهور ونصف بس للاسف بعد مابدات افهم شوية فى العربيات حاست ان العربية فيها شوية مشاكل بجانب كلام الصنايعية عن البارومة ودة اكبر عيب فيها بغض التظر عن حالة الماكينة بس انا محتار دلوقتى اخلص من العربية دى وابعها ولا اصرف عليها واظبتها واقعد بيها كام سنة زيادة احسن ماابيع وازود فلوس وانا مش معايا , بفكر اعمل حاجة حاجة على قد الظروف اة رايكم ارجو الافادة كمان فى اسعار الصاح كلة بتاع ال 127 وعمرة الماكينة يعنى عايز اظبتها من الاخر

ااسف على الاطالة

**hany_mossa** · 21-09-2011 04:05 PM

مافيش حد عندة رد لمشكلتى خالص ؟؟

**shiko85** · 21-09-2011 05:27 PM

انت لازم تقرر الأول عايز تبعها ولا عايزها تفضل معاك سنه او 2
شوف ظروفك تسمح بأيه, معاك تزود و تجيب حاجه احسن ولا معاك تصرف عليها و قدام شويه ربنا يكرمك بحاجه احسن

**aboomar22** · 21-09-2011 06:24 PM

لو انت مالكش فى عمليه شد العربية والميكانيكه والسمكره اسمع كلامى اوعى تخش فى موضوع الشد ده هتصرف كتير والصنايعيه هتقرفك واللى يقولك بقرش هيوصلها ثلاثه وتعب ومجهود ولو اكتشف انك مش فاهم هيشتغلك يغرمك ويطلعلك شغل اى كلام بيع واللى هتصرفه توضيب كمل بيه وهات حاجه كويسه انا اتلسعت مرتين من الموضوع وبعد اول مرة قلت لا انا اتعلمت اتلسعت تانى وهديك مثال صغير كنت عايز اعمل شمبر والميكانيكى حبيبى بقى وهيوجب معايا قال سالته تتكلف كام قالى حوالى 700 اتكلفت 1800 هو بس خد اجرة ايده 600 هههه وشمبر بس مش عمرة

**hemalotfy** · 21-09-2011 10:49 PM

المشاركة الأصلية كتبت بواسطة aboomar22

لو انت مالكش فى عمليه شد العربية والميكانيكه والسمكره اسمع كلامى اوعى تخش فى موضوع الشد ده هتصرف كتير والصنايعيه هتقرفك واللى يقولك بقرش هيوصلها ثلاثه وتعب ومجهود ولو اكتشف انك مش فاهم هيشتغلك يغرمك ويطلعلك شغل اى كلام بيع واللى هتصرفه توضيب كمل بيه وهات حاجه كويسه انا اتلسعت مرتين من الموضوع وبعد اول مرة قلت لا انا اتعلمت اتلسعت تانى وهديك مثال صغير كنت عايز اعمل شمبر والميكانيكى حبيبى بقى وهيوجب معايا قال سالته تتكلف كام قالى حوالى 700 اتكلفت 1800 هو بس خد اجرة ايده 600 هههه وشمبر بس مش عمرة

+11111111

اللي هتصرفه ادفعه فرق في عربيه تكون حالتها احسن ولو حتى فيورا زي اللي معاك وسيبك من تعب وقرف الصايعية

انا للاسف بشد العربية دلوقتي سمكرة ودوكو مش عايز اقولك ان العربية دلوقتي بقالها 17 يوم عند السمكري ومخلصش شغل فيها مع اني مغير 4 ابواب ورفرين وعامل عتب جديد في التناية
يعني لو هو شغال بما يرضى الله كان خلصها في اسبوع
غير بقى المصاريف والبهدله