اركب تكييف ولا ابيع احسن ...........؟

**casper_Dj30** · 13-06-2008 04:27 PM

السلام عليكم ...................
اولا: اتمني تقبلوني معاكم عضو جديد في المنتدي..
يا جماعة انا معايا عربية نوفا ريتمو(الشكل الجديد)
موتور 1500
العربية فابريكة دواخل و خوارج مفيهاش بارومة خالص
انا بعد ما جبتها غيرت فيها العفشة قولت علشان احافظ علي الشاسية.......
الموتور بتاعها مش قادر ااقول علية حلو و لا وحش لكن اللي اقدر اقولة انة عمرة ما كسفني و سحبة كويس بوصل للمية من غير ما احس و لا اسمع صوت نهائي
المهم دلوقتي :انا عايز اركب فيها تكييف مع العلم ان العربية موديل 1984
هل دة ممكن و هتبقي كفأتة ازاي و تقريبا يكلف كام ؟؟؟
في ناس بتقولي لا بيع و هات عربية زيرو بتكييفها
بس فعلا العربية دي مريحاني لان كرسيها مريحة و صالونها واسع جدا وقطع غيرها متوفرة جدا و اي ميكانيكي يعرف يشتغل فيها بسهولة (باختصار مميزات الفيات) و تعتبر وسط ما بين العربيات الحديثة و القديمة
و شكلها من برة حلو قوي مقارنة بالشكل القديم
فهل اركب تكييف احسن و لا ابيعها
و لو بعتها اطلب فيها تقريبا كام؟؟؟؟؟؟

**SEATLOVER** · 13-06-2008 04:42 PM

انا رايى تخليها معاك يا casper
العربية دى حلوة جداً ..بس لو ليك سكة فى قطع غيارها
و التكييف ممكن يركب عليها و سعرة بيبتدى من 2.5 للتكيفات اليابانى
ولو عايز تبيع السعر معاك لحد 25 على حسب الحالة العامة
لآن العربية دى لها زبونها

ومن جهة الشكل فالعربية كانت سابقة وقتها ولا تختلف كتير عن الفليشيا الحديثة

ربنا يوفقك فى اى اختيار إن شاء الله

**dr_abooody** · 13-06-2008 06:40 PM

ركب تكييف خسارة تبيع
و الجديد كلة مكلف في التصليح

**Ramy_Tantawi** · 13-06-2008 06:46 PM

أنا رأيي زي ما الأخوه قالولك برضه طالما حضرتك حابب العربيه ومرتاح معاها ومفيش فيها مشاكل الحمد لله ومتأقلم معاها ومبسوط من اصلاحها وكله تمام الحمد لله ويا رب دايما يبقى خساره تبيع العربيه وتخسر كل ده والتكيف تركيبه أمره سهل ان شاء الله الياباني تكيفاته محترمه وكنت زمان مركب نوع اسمه ساندنج على الشاهين وكان كويس مشاكله الوحيده كان في عزل العربيه وده لعدم خبرتي في الموضوع ده لكن تم التعامل مع المشكله الحمد لله وكله بقى تمام ..........توكل على الله وركب التكيف وربنا يكرمك ان شاء الله .

**Dr.A.Nabil** · 13-06-2008 06:51 PM

والله انا لي راي في العربيات عموما
انا مش باحب العربيه يكون عمرها اكتر من 10 سنين بالكتير اوي

لو في مقدورك تشتري زيرو
ومش عايزنك في الفلوس

يبقى هاتلك عربيه زيرو وافرح بيها ونعنش نفسك واتمتع وحس بالجديد
كفايه تشم ريحتها لما تركبها كده

وفي الاخر القرار ليك

**hazem_khidr** · 13-06-2008 07:18 PM

انا رايى تخليها معاك يا casper
العربية دى حلوة جداً ..بس لو ليك سكة فى قطع غيارها
و التكييف ممكن يركب عليها و سعرة بيبتدى من 2.5 للتكيفات اليابانى
ولو عايز تبيع السعر معاك لحد 25 على حسب الحالة العامة
لآن العربية دى لها زبونها

ومن جهة الشكل فالعربية كانت سابقة وقتها ولا تختلف كتير عن الفليشيا الحديثة

ربنا يوفقك فى اى اختيار إن شاء الله

+1:)
العربيه دي الجولف بتاع الفيات
و التكييف يركب عليها عادي ممكن تكييف ريجاتا يقوم بالغرض
و نصيحه اوعي تبيع عربيه مريحاك الا لو حتجيب زيرو