هى الخطوبة أتفشكلت لية ؟

**MOUSTAFA_SAAD** · 24-09-2011 11:38 PM

المشاركة الأصلية كتبت بواسطة donzi

ايه دا ازاي كدا ؟؟

عملوا اعادة تقييم للمشاركات ومعظم الاعضاء فقدوا عدد من مشاركتهم
انا اتبرعت بحوالى 200 وشويه

**SHNORY** · 24-09-2011 11:46 PM

المشاركة الأصلية كتبت بواسطة moustafa_saad

عملوا اعادة تقييم للمشاركات ومعظم الاعضاء فقدوا عدد من مشاركتهم
انا اتبرعت بحوالى 200 وشويه

1200مشاركه والسكينه علي رقبتي في التبرع
المفروض يغيروا لقبي لفاعل خير ههههههههههههه

**أحمد كمال** · 25-09-2011 12:14 AM

المشاركة الأصلية كتبت بواسطة SHNORY

1200مشاركه والسكينه علي رقبتي في التبرع
المفروض يغيروا لقبي لفاعل خير ههههههههههههه

ههههههههههههههههههههههههه ههههههههههههههههههههههههه هههههههههههههههههه

**husseinsalah** · 25-09-2011 10:22 AM

اييييييييييية فكرتونى بالذى مضى....
عموما انا كنت ساعتها بشتغل فى مواقع وما فيش وقت اخطب لان اجازتى محدودة وولاد الحلال (طبعا هم كتييير اوى بس قول يا جواز) دلونى على واحدة متدينة وجميلة بس ياعينى مالهاش حظ لانها اطلقت بعد كتب كتابها بكام يوم وان كتب الكتاب دة كان شرط ابوها لاى واحد يتقدم ويتم الاتفاق علشان مابيعترفش بالخطوبة..
قلت ومالة واقنعت نفسى ان فيش مشكلة وشفتها واستريحتلها وتمت الخطوبة (لان ابوها اتعلم الدرس)
وشافوا شقتى اللى فى نفس منطقتى وهى كمان من منطقتى ياعنى المستوى واحد
وفى يوم لاقيت مامتها بتتصل بى وتقولى ان المنطقة مش عجبانى واحنا كمان هنسبها ونروح مكان تانى فبيع شقتك وتعال خدلك شقة جبنا....!
طبعا ساعتها قلت دى اللى عندى ودى امكانياتى (واالله لو حتى اقدر اجيب قصر انا موتى سمى ان حد يرجع معايا فى اى اتفاق)

فلاحظت ان امها هى اللى بتتكلم معايا فى اى طلبات مش ابوها ودة شيىء بينرفزنى جداااااااااا (مع احترامى للامهات لكن بحب الكلام مع راجل البيت)
امها مرتبطة بيها جدا ودة شيىء مايطمنش فعيزاها جنبها رغم ان المسافة بينى وبين مكانهم الجديد مايزدش عن 6 كم وكانت النتيجة الحتمية معلش اصل مافيش نصيب ..... وكان ردى بالسلااااااااااااااااااام ة

وبعدها اعزرونا اصل البنت شكلها معمول لها عمل دى مش اول مرة تحصل لها كدة و...و.... لكن كان خلاص قضى الامر.

نصيحة اخيرة لاى خاطب اوعى تخدك الجنتلة فى اى طلب زيادة عن الاتفاق حتى لو قدرت تجيب اضعافة وان شالله ترسى على فشكلة الموضوع ،المبدأ دة هريحك كتير اوى بعدين .

**ahmed2y** · 25-09-2011 12:06 PM

المشاركة الأصلية كتبت بواسطة Sherifmt

فجأه وبعد ما كنا متفقين علي كل شيء وحب وخطوبة وانا بجهز الشقه والدتها طلبت تضاعف قيمة الشبكة علشان بنتها مش أقل من صاحباتها وطظ في ظروفي ... يمين شمال مفيش فايدة وسط المناقشة وقدام أهلها وقفت وقلت للبنت دي ظروفي ومش جديدة عليكي ومامتك مصممة هل انتي معايا ولا مع أمك؟ قالت انا مع ماما طبعا قولتلها يبقي خلينا أخوات أحسن وسيبتهم بيبصو لبعض و مشيت ......... للأسف كانت بنت خالتي.......وانا ماشي كنت حاسس بقوه كرامتي واعتزازي بنفسي وحتي اليوم فخور بالموقف ده واللي بعدها حسيت في العيله بيعملولي الف حساب واللي ما في حد فيهم الا وكلمني يتوسط علشان أرجع لكن الموضوع كان انتهي بالنسبه لي تماما وعرفت ان ده حصل علشان ربنا بيحبني يمكن لو كنت اتنازلت ساعتها كنت دخلت نفسي في دايرة مشاكل ملهاش أخر علشان خالتي من نوع الستات المستقويه وبعدها سبحان الله ظروفي اتيسرت من حيث لا أحتسب وبدون مقدمات قابلت وخطبت واتجوزت بعدها ب 85 يوم فقط أنسانة هي حب حياتي بجد ربنا يباركلي فيها وفي ولادنا... نسيت اقول ان الكلام ده من 14 سنه ولله الحمد.

حكايتك رسالة للناس الى بتزعل وتشيل الهم وتفتكر انها نهاية العالم ومحدش عارف الخير فين احيك على موقفك

**inspiron** · 25-09-2011 08:06 PM

بنحب بعض من 7 سنين وكنا متعلقين ببعض جدا ومتفاهمين وكانت علاقة صافية.وأهلها كانوا بيحبوني جدا وبيحترموا أهلي.كانت بنت محترمة وبنت ناس وعلي مستوي خلق ودين عالي.وأهلها شرحه...
وأبويا كان معايا لحد 6 شهور فاتوا..وأمي بقي كانت بتسعي بكل جهودها في تخريب الموضوع..بدون أي أسباب شرعية ولا منطقيه.فقط لرغبتها في زواجي من إبنة صديقتها الله يفحرها مطرح ما هي قاعدة.ولما هي فشلت في الفكرة دي إنتقمت مني وبذلت كل جهدها في فشل إرتباطي بالبنت اللي بحبها.وإستعملت معايا أسلوب مهين.وكانت النتيجة إن والد البنت كلمني وحدث ما حدث والموضوع إنتهي.والبنت ضايعة وأنا ربنا يعلم بحالي من ساعتها.......إيه رأيك

**mohamed_e36** · 25-09-2011 09:26 PM

المشاركة الأصلية كتبت بواسطة the_last_rebel

بعد حب ومشاعر جميلة...دامت خمس سنوات

وجواز سنين طويلة...ييجي تمن تسع سنوات

ومن علينا ربنا...ورزقنا بأحلى البنات

افترقنا بكل بساطة...لإختلاف الأجندات

ظهرت الحقيقه...وبدأت المشاحنات

وياريتها بطريقة نبيلة...زي مابتقول الروايات

لكن بكل خسة...وخداع ومؤامرات

سألت عالحب اللي بيننا ...انسى الحب مات

وبعد سنين طويلة...اكتشفت أني وسيلة

والعلاقة مجرد...خد وهات

ومنها لله سوزان مبارك...والافلام والتمثيليات

وكل اللي شارك...في خراب عقول الستات والبنات

ويا خسارة العمر اللي ضاع ...يا خسارة العمر اللي فات

اه والله عندك حق المسلسلات والافلام خربو الدنيا والقوانين اللي اتعملت وادت صلاحيات كتير للمرأه
وحسستها ان الراجل حاجه ملهاش لازمه
فالست تتجوز وتخلف ومع اول مطب تطلب منك الطلب مش عاجبك خلاص اروح بيت امي وانته الخسران
ولو مش عاجبك طلقني........ وتعالى طلق بقا تبقا لبست في الحيط وخسرت كل حاجه وهيا اخدت كل حاجه
الولاد والشقه لا وكمان نفقه
عشان كده الواحد لازم يختار واحده بنت حلال وتكون عايزه تعيش وعايزه تكون اسره مش بتتجوز عشان متعتها الشخصيه وعشان تخرج وتصرف وتتدلع

-

-

الموضوع: هى الخطوبة أتفشكلت لية ؟

LinkBack

أدوات الموضوع

عرض

-

-

-

-

المواضيع المتشابهه

مبروك الخطوبة .. الاستاذ احمد سعد

هل انت مع ام ضد الخطوبة في الجامعة !!

استشارة في فترة الخطوبة

10 نصائح ايام الخطوبة (للبنات)

الخطوبة موضوع محير فعلا

الكلمات الدلالية لهذا الموضوع

المفضلات

المفضلات

ضوابط المشاركة