الموضوع: هى الخطوبة أتفشكلت لية ؟

اختار ألا تختار ... ودبر ألا تدبر

المشاركة الأصلية كتبت بواسطة أحمد كمال

الأقارب كالعقارب

مش بالظبط
لان خالتي دي قبل الحوار ده كانت زي امي بالنسبالي
بس هي حبت تقلب وتعيش في دور حماتي
الخساره الوحيده اصلا من حوار الخطوبه هي ان خالتي مبقتش زي زمان بالنسبالي
:(

المشاركة الأصلية كتبت بواسطة stoon

نصيحة اخوية ولا بلاش على رايك اخوية دى بتجيب نصايب.....بلاش غرور انا حسيت من كلامك بغرور شديد حضرتك حاسس بانك شخص يعنى الواد اللى هوا ماتزعلش منى انك ماتتعوضش
اولا من كلامك انا شايف ان تجربتك الاولى انت اللى خربتها بنفسك لانك حاسس بالدونية مع ان ابوك يشرفك مقاول حد يطول وانت مصرى المهم مايفرقش الجنسية التانية ايه اهم حاجة ابوك مصرى خلينا فى المهم فى الحوار ده كله ماكلمنتش عن نفسك معاك مؤهل ايه وبتشتغل ايه وانت جاهز ولالا وكنت تقدر تفتح بيت ولالا وقت تجربتك الاولى ياصديقى (انت اتلككت للبنت دى علشان تهرب من وعدك) وصدقنى انك ماحبتهاش لانك كنت حاتنسى كل حاجة لها وعلى فكرة هى لو كلمتك تلاقيها علشان تانيب الضمير ليس اكتر واكيد هى دلوقتى بتتحسر مش عليك علشان اديتك فرصة تانية
(تجربتك التانية) برده ماحبتهاش وعلى فكرة من الكلام برده اللى انت كاتبه قريبتك ماكنتش حاتموت عليك ولاغيره هى ولامامتها علشان اتلككو لك على الغسالة ياصديقى (كما تدين تدان)زى ماعملت فى الاولى فعلت فيك الثانية
على فكرة هما الاتنين اللى سبوك يارب تكون اخدت الكلام بسعة صدر

اولا كلامك متقبله على عيني وراسي
ثانيا انا فعلا مغرور
بس مش مغرور بمعنى متكبر
لا انا مغرور بمعنى اني عارف قيمتي
وقيمتي بالنسبالي ميعلاش عليها واحده بنت ابوها عنده كام نجمه فوق كتقه
ولا بنت خالتي فكرت ان من غيرها مش حقدر اعيش
غير كده انا يا فندم مع احترامي الشديد لكل النجوم والنسور وظباط الشرطه
فانا ضفر ابويا بوزاره الداخليه كلها
وده انا عارفه ومقتنع بيه فمستحيل ( انا ) احس بالدونيه
ويؤسفني اقولك برضو اني مش من النوع اللي بيتلكك يعني لو كنت عايز اخلع كنت خلعت بيس خالص
اللي هو نظام خلينا صحاب وبس :)
لكن تقدر تقول ان الموقف ده كان القشه التي قسمت ظهر البعير
وعلى فكره انا والدي مش مصري انا مكتسب الجنسيه لوالدتي
وده بالنسبالي ميفرقش حاجه مصري هندي امريكي عفريت ازرق
مولود هنا ومتربي هنا
ومن ناحيه انها كلمتني ففعلا اكيد زي ما حضرتك بتقول هي كلمتني وانتيمتها كلمتني وكل صحابها في السكشن بتاعها كلمني كان ناقص تبعتلي دكاتره الكليه علشان خاطر تأنيب الضمير :)
ومن ناحيه الغساله يا سيدي فانا مكنتش حجيب غساله اصلا كنت حخليها تغسل الهدوم في الترعه هههههههه

الموضوعين فيهم تفاصيل اكتر من اللي مكتوب
المكتوب يعتبر خلاصه وجهه نظري
اللي هي صح
ومن ناحيه اني متكلمتش عن نفسي معايا مؤهل ايه ولا جاهز ولا لا
فانا والحمد لله كنت جاهز ساعتها وجاهر اكتر بكتير دلوقتي عن ساعتها والحمد لله انا اقدر افتح بيت من اول ما دخلت جامعه
الا لو انت تقصد افتح فيلا
فانا مقدرش افتح فيلا ممكن بيت بس :)

المشاركة الأصلية كتبت بواسطة ahmed crash

بص انت كلمة واحده تتوجهلك وش كده ومتناقشنيش فيها انت





( برررررررررررررررررررررررر ررررررررررررررررررررررنس)

ههههههههههه بجد والله انت فعلا برنس والي عملته عين وراس ورجل العقل كمااان ... واخيرا لقيت حد بيفكر زيي

انا حبيتك لله فلله كده ربنا يكرمك بالي احسن منهم كلهم يااااااااااااارب يااا برنس

نورت حزب المفتريين ياباشا :)

المشاركة الأصلية كتبت بواسطة a7med_pharma

قالي السيد الوالد(والدها) .. الشبكة 40 ألف
وشقة في القومية (المهندسين بتاعت الزقازيق)..
قولتلها :" طيب ينفع كده .. يعني أبيع الصيدلية والعربية علشان أجيبلك شبكة وشقة"
قالت :" لو بتحبني تجيبلي " .............علامة تعجب على وشي كبيررررررررررررة جداااااااااا


مع العلم
إني كنت ناوي على شبكة محترمة (لكن مش لغااااااية الــ 40 الف) , وكنت هقعد في بيتنا الي في البلد في شقتي (4 غرف +حمامين+3 بلكونات+في الدور التاني + جنينة كبيرة حوالين البيت وجراش للعربية )بشكل مؤقت لحد ماأخد شقة في مدينة


وهذا ماكان
إشمعنى يعني بنت خالتها تتشبك بــ 25 الف وهتقعد في فيلا في العبور

طيب مقلتلوش ليه يشوف جوز بنت خالتها لو عايز واحده تانيه من نفس العائله ؟
:))
واهو تسكن في الدور اللي فوق في الفيلا :)