لو مراتك سابت البيت واخدت الاولاد معاها بدون سبب يذكر تعمل ايه

**حماده عزو** · 24-09-2011 12:10 AM

فى الحالات ديه يفضل سماع رأى الطرفين قبل الحكم
بفتراض أن الطرف الثانى هيتكلم من وجهه نظره ومش هيطلع نفسو غلطان

**hossam_elwani** · 24-09-2011 12:20 AM

المشاركة الأصلية كتبت بواسطة حماده عزو

فى الحالات ديه يفضل سماع رأى الطرفين قبل الحكم
بفتراض أن الطرف الثانى هيتكلم من وجهه نظره ومش هيطلع نفسو غلطان

الموضوع مش للتحكيم وغلبت طرف على الاخر

انا بقول لو اى زوج مر بالموقف ده وهو مش غلطان والموضوع تلكيك على الهايفه يتصرف ازاى يعنى حضرتك خلى نفسك مكانى من وجهة النظر دى حتعمل ايه

**ابو ليلى** · 24-09-2011 12:29 AM

المشاركة الأصلية كتبت بواسطة hossam_elwani

بس انا حاخد بإجماع الاراء هنا وحسبها لحد ما حد يتمحك وساعتها ربنا يعمل الى فيه الخير

حضرتك مستنى اراء ايه وانت واخد قرار انك هتنتظر ( لحد ما حد يتمحك ) !!!!

**human** · 24-09-2011 12:31 AM

المشاركة الأصلية كتبت بواسطة hossam_elwani

عشان اريح الجميع السبب قلت الفسح والنزولات وكيس عيش ويميش رمضان وكعك العيد والحجات الهايفه دى ..

لو كده يبقى استمتع بالبيت لوحدك و محتاج تزور الموضوع بتاع اتجوز اجنبيه و حسن النسل

بص الموضوع محتاج ميزان حساس
مافيش حد هيقدر يوزنوا غيرك انت

لان انت العارف انت مقصر لغاية فين
و عارف برضه معدن مراتك تستاهل انك تروح تقولها كفايه كده

ده شغل نفس طويل بس لو عايز تبقى انت الكبير يبقى خد خطوتط و من غير تنازل و لا كلام فى اللى حصل

انا عايز مراتى تروح معايا و دمتم

**MaZaGAngeE** · 24-09-2011 01:16 AM

مهما كانت الاسباب الست متسيبش البيت , ممكن انا اسيبه لكن هيه لأ ...

**شريف** · 24-09-2011 01:42 AM

بسم الله الرحمن الرحيم
وإن خفتم شقاق بينهما فابعثوا حكما من أهله وحكما من أهلها إن يريدا إصلاحا يوفق الله بينهما إن الله كان عليما خبيرا
صدق الله العظيم

مش محتاجه كلام والد او عم الزوج يقعد قعده بره مع والدها او اخوها مثلا و توضح الامور

**waelfarid** · 24-09-2011 02:06 AM

سيب حبيبك علي هواه بكرة ييجي وديله علي قفاه
ماشاء الله تبارك الله صورة حد من عيالك اللي انت حاططها بتقول انها فرحانة بشبابها ومتبغددة بعيالها اللي انت شريك اساسي فيهم ربنا يخليلك عيالك ويهديها لك واللي متخنلها دماغها من اهلها ربنا يهديه ويبطل تهوية عالولعة وبعدين الاسباب بتاعة الياميش والكلام الفاضي ده انت اللي معاك الميزانية وبتبص لقدام ومعظم الناس كله خايف من بكرة لكن تقول ايه لقلة العقل

**minicooper20** · 24-09-2011 03:19 AM

منكم نستفيد بس برضو كارت الاطفال ده كارت قوى جدا
لانهم ولادك و التشتيت ده صعب عليهم
انا شايفك محتار جدااااااااااااااا

**r0xer** · 24-09-2011 03:30 AM

هي هتلعب بكارت العيال ولازم حضرتك تبقى عارف ومتأكد ومتيقن 100% انهم هيكرهو عيالك فيك لازم تبقى واثق من النقطة دي، يعني للأسف القوانين الحالية في صالح الست في موضوع الأطفال وبالتالي هتخسر كتير...هو دا الجواز للأسف مشروع فاشل لما الست تخلف ويبقى معاها مصدر قوتها وهما عيالها.

فحضرتك لو هتاخد قرار الانفصال او التهديد بيه لازم تدور الاول على حلول لموضوع الاطفال دا..دا غير الفيلم بتاع القايمة و المؤخر الخ...

حاول تصلح الامور احسن واديلها فرصة تانية وحاول تأكدلهم وتأكدلها ان لو الموضوع دا اتكرر تاني انك هتطلقها ومش هيهمك حاجة، واهو يبقى عملت اللي عليك و استنيت برضو لربما تكون اعصابها تعبانة من زن اهلها على ودانها.

القرار صعب بصراحة..ربنا يوفقك للخير

الموضوع: لو مراتك سابت البيت واخدت الاولاد معاها بدون سبب يذكر تعمل ايه

LinkBack

أدوات الموضوع

عرض

-

-

-

-

-

المواضيع المتشابهه

تعمل ايه لو مراتك موسوسه

تعمل ايه لو اكنشفت ان مراتك حوشت من وراك مبلغ كبير ؟؟؟

السيارة بدون مية في الرديتير تعمل ايه

للمتزوجين فقط ..بترسم شخصيتك قدام مراتك فى البيت ولا بتتعامل بطبيعتك معاها بدون تفكير

الكلمات الدلالية لهذا الموضوع

المفضلات

المفضلات

ضوابط المشاركة