لو مراتك سابت البيت واخدت الاولاد معاها بدون سبب يذكر تعمل ايه

**wa7d_tany** · 24-09-2011 11:30 AM

مع احترامي لكامل اراء الاعضاء

بس انا مريت بنفس تجربتك بالظبط وصدقني كنت فى الاول باجي علي نفسي واتصل بيها او اجبها وبقت لعبة كل لما تيجي تزعل فى اي حاجة تسبلي البيت لغاية لما زهقت فى مرة ورحت قافل تلفوناتي خالص وحتي لما كان حد بيتصل علي حد من اهلي او اصحابي كنت بقلهم خلاص انا حتجوز
وفي النهاية رجعت وموضوع انها تسيب البيت دا انتهي خالص وعايش احسن من الاول بكتير

لازم تعمل واقفه علشان لو ضعفت حيتكرر الموضوع دا واكتر

**Islam_galal** · 24-09-2011 11:54 AM

لو عايز حل يبقي حكم من أهلك و حكم من أهلها
لأن محدش حيغلط نفسه و بصراحة ماقدرش أحكم من كلامك بس -سامحني
لو استقر الحكمين علي أنها مزوداها ، اعمل اللي قالولك عليه الزملاء و لا تتنازل
لو استقر الحكمين ان مشارك في الخطأ ، راجع نفسك و جل من لا يسهو

حكمك لوحده مش كفايه لأنك جوه المشكلة و مش شايف كل الأبعاد و حكمنا ناقص و مجروح

أهم حاجة ان الحكمين يكونوا بيراعوا ربنا و مشهود لهم بالحكمة

**ahmed2y** · 24-09-2011 12:29 PM

طب وانت زعلان لية انا شايف انها فرصة عظيمة لا تاتى الا قليل

عيش ورق بالك على الاخر ولا تكلمها ولا تروحلها وبركة يا جامع الى عاجبة يرجع اهلا وسهلا مش عاجبة برضو اهلا وسهلا

**Mangog** · 24-09-2011 12:55 PM

هاعمل بارتى طبعا وهاقضى لى كام يوم من ايام زمان واجيب صحابى ونتفرج على الماتشات ...... ولما زعلها يقل وتبدا تفكر فى الموضوع بموضوعية هتعرف تتفاهم معاها اكثر ........ وربنا يوفقك و يصلح بينكم المهم متبصش للفترة دى اكنها حاجة وحشة لا دى عادى اى اتنين بيحصل بينهم مشاكل و الواحد وهو زعلان بيعمل من حجات صغيرة حجات كبيرة و الغرض هو الموت عشاااااااان شوية اهتمام .. فابقى خلى بالك بس

**cyborg_ift** · 24-09-2011 03:23 PM

طبعا هتقعد حزين على العشره والعيال هيوحشوك وهتتخيل المواقف الجميله اللي مرت بينكم بس للأسف الموقف ده بالذات هيحتاج منك شوية حزم خروج المدام لبيت والدها مش سهل وتدخل اهلهه فيما لا يعنيهم برضه مش سهل والموضوع يستحق الصبر عليهه وتشوف هل هييجي بنتيجه ولا لأ وإن استمرت في العند يبقا لزم المواجهه والتهديد بالانفصال لإن في ستات ممكن تبعد عن جوزهه لفترات طويله مدام في حضن والدتهه

ربنا يصلح حالك ويهدي بيتك للصواب

أتذكر ان لما اتجوزت في أول سنه حصلت مشكله ومراتي بعتت لأخوهه فجالي البيت وقعدت تشتكيله قدامي وبعد ما خلصت كلام قالي ردك ايه على الموضوع ده

قولتله معنديش غير رد واحد خد أختك في إيدك وانت ماشي وسواء انا غلطان أو مش غلطان معنديش ان مراتي تطلع أسرار بيتي برا ومشي قفاه يقمر عيش ومن يومهه مراتي مخرجتش كلمه بره البيت لحد ما ربنا توفاهه

**hossam_elwani** · 24-09-2011 04:41 PM

المشاركة الأصلية كتبت بواسطة r0xer

هي هتلعب بكارت العيال ولازم حضرتك تبقى عارف ومتأكد ومتيقن 100% انهم هيكرهو عيالك فيك لازم تبقى واثق من النقطة دي، يعني للأسف القوانين الحالية في صالح الست في موضوع الأطفال وبالتالي هتخسر كتير...هو دا الجواز للأسف مشروع فاشل لما الست تخلف ويبقى معاها مصدر قوتها وهما عيالها.

فحضرتك لو هتاخد قرار الانفصال او التهديد بيه لازم تدور الاول على حلول لموضوع الاطفال دا..دا غير الفيلم بتاع القايمة و المؤخر الخ...

حاول تصلح الامور احسن واديلها فرصة تانية وحاول تأكدلهم وتأكدلها ان لو الموضوع دا اتكرر تاني انك هتطلقها ومش هيهمك حاجة، واهو يبقى عملت اللي عليك و استنيت برضو لربما تكون اعصابها تعبانة من زن اهلها على ودانها.

القرار صعب بصراحة..ربنا يوفقك للخير

ياما هددت ومفيش فايده

اما بخصوص القايمه والمؤخر ولا يهمنى اخر حاجه افكر فيها

اذل نفسى عشان شوية فلوس ملعونه الفلوس

**aif** · 24-09-2011 04:45 PM

مع كامل احترامي لجميع الآراء
الحكم على اي موضوع لايمكن يبقى منطقي ولا محايد ولا عادل الا بالسماع من طرفي النزاع
ولنا عبرة في قصة داود عليه السلام مع الخصمان
...
يعني ممكن اوي لو حد من الزملاء اللي بيقولو سيبك ومنها واتجوز عليها وطنشها والكلام الكبير ده ..... ممكن اوي اي حد فيهم لو سمع الموضوع من وجهة النظر الأخرى ....اللي هي هنا الزوجة
ممكن اوي يلاقي ان الزوج هو اللي غلطان وان هيا مظلومة ظلم بين
عموما انا ضد مناقشة هذه الامور بهذه الطريقة وفي هذا المكان
كلام من طرف واحد
كلام المفروض انه يتناقش في البيوت
كلام ممكن اوي يخضع للتسخين من ناس مش عارفة الحقيقة كاملة سواء كان بقصد او بغير قصد
نقاش يتدخل فيه ناس افتراضيين عمرك ما شفتهم ولا تعرف نيتهم وطريقة تفكيرهم
....
انا آسف ان رأيي قد يكون مش ح يلاقي قبول من صاحب الموضوع ومن كثبر من الاعضاء
...
اعمل زي ربنا ما قال
شوف حد من العقلاء من الطرفين ( اهلك واهلها ) ... واكرر العقلاء مش مجرد الناس الكبار .... يعني الناس اللي عندهم حكمة وخبرة وصبر ...... وحاول تحل مشكلتك في اضيق الحدود
ودايما تذكر انك بمجرد ما اصبح عندك اولاد اصبحت انت وزوجتك ملكهم مش ملك نفسكم
ربنا يوفقك للخير وللحق ولا تنسى وصية الرسول عليه الصلاة والسلام ..... رفقا بالقوارير

**hossam_elwani** · 24-09-2011 04:51 PM

متشكر لكم جميعا لاهتمامكم وارائكم

معلش ياجماعه حبيت افضفض وانتم اغلى الناس عندى لانى دايما عارف انى بتعامل مع ناس محترمه

**أحمد كمال** · 24-09-2011 06:40 PM

اثبت حالة انها ناشز و طلقها ....... و الله ما هينفع غير كده ........ الموتور المفوت تغييره احسن من تعميره

-

الموضوع: لو مراتك سابت البيت واخدت الاولاد معاها بدون سبب يذكر تعمل ايه

LinkBack

أدوات الموضوع

عرض

-

-

-

-

المواضيع المتشابهه

تعمل ايه لو مراتك موسوسه

تعمل ايه لو اكنشفت ان مراتك حوشت من وراك مبلغ كبير ؟؟؟

السيارة بدون مية في الرديتير تعمل ايه

للمتزوجين فقط ..بترسم شخصيتك قدام مراتك فى البيت ولا بتتعامل بطبيعتك معاها بدون تفكير

الكلمات الدلالية لهذا الموضوع

المفضلات

المفضلات

ضوابط المشاركة