تجربتى اليوم مع الانوس فى سوق السيارات

**aslam555** · 24-09-2011 01:27 PM

المشاركة الأصلية كتبت بواسطة aliyosef

اسعار السوق متغالى فيها جدا علشان الفصال
زود ان كل اللى هناك تسأله العربيه فيها ايه يقولك ولا الهوا واديك شوفت
انا بحب اشترى من على اى ويب عربيات مستعمله بتكون مضمونه اكتر
1/ انك هاتشوف العربيه اما عند بيت صاحبها او شغله ولو مش كده اديلوا ميعاد متأخر هايقابلك عند بيته وفى الحاله دى عايز ضمان ايه اكتر من بيته يعنى لو فيه حاجه هاتروقه عند بيته
3/ هو فعلا رفعها على النت علشان يبيع لانه مش هايعطل نفسه ويقبلك انت وغيرك وبعدين يطلع بيتمن العربيه زى السوق
2/ حاول قوى تجيب عربيه فابريكه جووبره هاتشترى وانت مطمن يعنى لاربع ولاحادث ولاحاجه وبعدين انت رشها لنفسك ولمزاجك لو محتاجه
دى تجاربى فى شراء عربيتين
وربنا يديك الأحسن

والله كلامك مظبوط وتمام هتكون مضمونه اكتر بس معلش مواقع زى ايه الى ممكن اشترى منها وتكون مضمونه .
كمان عايزنى اروقه عند بيته يعنى فى منطقته انت عايزنى انا الى اتروق بقى ههههههههه

تحياتى لك .

**osama.m** · 24-09-2011 01:28 PM

دايما عربيات السوق بيبقى اغلبها مش سليم .. اللي خابطة و اللي موتور عايز يتغير و دايما التجار بيعتمدوا في شغلهم على الزبون اللي خبرته ضعيفة عشان يلبس عربية مغيرة ربع و ياخدها على اساس انها فبريكة

**aslam555** · 24-09-2011 01:30 PM

المشاركة الأصلية كتبت بواسطة yyy

الاسعار دى هبل..بس عايز اعرف مين اللى بيشترى بالاسعار دى؟؟؟؟

ماهو علشان هى فعلا اسعار هبل حبيت اشتركم معايا فى الى انا شوفته

**aslam555** · 24-09-2011 01:34 PM

طب السعر الحقيقى لموديل 2001 كام وايه المواقع الى ممكن تكون مضمونه نشترى منها

**aslam555** · 24-09-2011 01:42 PM

المشاركة الأصلية كتبت بواسطة osama.m

دايما عربيات السوق بيبقى اغلبها مش سليم .. اللي خابطة و اللي موتور عايز يتغير و دايما التجار بيعتمدوا في شغلهم على الزبون اللي خبرته ضعيفة عشان يلبس عربية مغيرة ربع و ياخدها على اساس انها فبريكة

كلامك صح ومظبوط انا شوفت ناس بتشترى وبتعد هناك بس منهم لله الى بيخدعوهم الى بيشترى ده بيبقى دافع دم قلبه وتحويشه عمره فيها حسبنا الله ونعم الوكيل

**aslam555** · 24-09-2011 01:46 PM

المشاركة الأصلية كتبت بواسطة احمد المصرى

انا عايز اشترى عربيه الايام دى وكنت بفكر فى السوق مع انى مش مرتاح ليه مع انى عمرى ما رحت هناك بس عدم راحه نفسيه وبعد كلامكم دا لغيت فكره السوق نهائى ان شاء الله وربنا يكرمنى بعربيه اقدر اشتريها من اى حد محترم ان شاء الله

بلاش وعن تجربه علشان كده انا بعد ما رجعت حبيت انقلكم الى بيحصل هناك وربنا يوفق ويوفقنا معاك يظهر ان مافيش امامنا غير المواقع زى ما قالو بعض الاعضاء بس نضمن منين انهم برضو مش تجار؟؟؟؟؟؟؟

**aslam555** · 24-09-2011 01:49 PM

المشاركة الأصلية كتبت بواسطة vantroy

انا مع الاراء السابقة - وعن تجارب شخصية - ابعد عن السوق والتجار والسماسرة .... كله هايلبسك فى حيطة ومن غير ما يلبسك الحزام كمان

عليك وعلى مواقع البيع وعلى اقل اقل من مهلك فى الشراء ... ودايما معاك واحد فاهم فيهم ... د

وبالنسبة للاسعار ففعلا الاسعار شدة اليومين دول ....لكن انت وشطارتك فى الشراء ممكن العربية سعرها يبقى عالى لكن تخلصها بسعر معقول ....

وربنا يوفقك وتلاقى عربية كويسة

انا مع حضرتك فى كل كلامك بس ليه الاسعار شده اوووى كده هل بسبب العيد والكل عايز يشترى ويعيد بيها ولا علشان فتره الصيف الاسعار بتكون غاليه لانى حاسس كده ان الاسعار مرفوعه 5000 فى كل عربيه وايه المواقع الى حضرتك ترجحها واشكرك

**VANTROY** · 25-09-2011 12:03 AM

المشاركة الأصلية كتبت بواسطة aslam555

انا مع حضرتك فى كل كلامك بس ليه الاسعار شده اوووى كده هل بسبب العيد والكل عايز يشترى ويعيد بيها ولا علشان فتره الصيف الاسعار بتكون غاليه لانى حاسس كده ان الاسعار مرفوعه 5000 فى كل عربيه وايه المواقع الى حضرتك ترجحها واشكرك

بالنسبة للاسعار فانا مش عارفلها سبب ... فى اللى بيقول علشان الثورة والاستيراد وقف والجديد بقى اغلى فالمستعمل بيعلى
واللى بيقول علشان الصيف.... وكله بيقلد كله....المهم فاصل ودوحر ولطم الراجل لغاية ما يقولك خد العربية وكلب لولو هدية معاها

بالنسبة للمواقع فدى كتير ... لعل افضلها - ودا اللى جبت من خلاله عربيتى - هو كار كونتاكت

وبالتوفيق

**maka** · 25-09-2011 12:53 AM

متزعلوش منى الكلام ده مش مظبوط اوى انا اشتريت من السوق كذا عربية اخرهم لانوس اتوماتيك انا وواحد صاحبى و كانت عربية بيتى

الوحش كتيير و الحلو مش باين منه لكن 1: - لازم تتعب و تدور و تجرد السوق 2- تبقى واخد معاك صنايعى بيفهم و صبور 3- تبقى عارف توب العربية اللى هتشتريها علشان تعرف تحدد السعر صح

اخيرا التوكل على الله و الاستخارة قبل الشراء و طالما الواحد اتوكل على ربه مفيش عبد هيخدعه باذن الله