مشكلة مكررة ، بس استحملونى: العربية غــول بنزين

**Egyzizo** · 24-09-2011 02:30 AM

أنا عارف ان المشكلة دى أثيرت من قبل .. بس برضه مش عارف أمشى فيها ازاى.

العربية 127 فيورا موديل 85 ، معايا من 3 سنين ، من ساعة ما جبتها وهى بتاكل بنزين بشراهة ، الصفيحة بتعمل 150 كيلو فقط (جوه البلد أو على السريع مابتفرقش) .. مع العلم بأن الموتور 900 سى سى فقط ..

رحت لميكانيكى من حوالى سنة ، فقام بحل الكاربيراتير وغسيله وضبطه ، ولم يتم حل المشكلة.

قمت بعمل عمرة للموتور (لأنه كن بيجيب زيت كتير من كل حتة) ، وقلت أكيد بعد العمرة الموتور هيرد فيه الروح وكل حاجة هتتعدل بما فيها استهلاك البنزين ، فوجئت بعد العمرة ان الاستهلاك مازال عالى.

رجعت للميكانيكى اللى عمل العمرة ، وقال ان بعد 500 كيلو من العمرة ، هيعمل ظبط للتاكيهات ، ودى هتظبط الاستهلاك ، وبعد 500 كيلو رجعت له ، وقام بظبط التاكيهات ، ومازال الاستهلاك عالى برضه.

رجعت له تانى ، فقام بتغيير بك البنزين من مقاس 127.5 إلى مقاس 115 ، وقمت بمعايرة العربية بعدها فوجدت ان الاستهلاك مازال 150 كيلو فى الصفيحة.

برجاء النصيحة ، ممكن أعمل ايه بعد كده؟ لأن حرام 127 تكون بستهلك بنزين أكتر من العربيات الـ 1600 ..
ومازاد الطينة بلة ان بنزين 80 فيه أزمة فبألاقى نفسى كل عشر أيام دايخ أدور على بنزين علشان التنك فضى .. فى حين ان اختها العربية الـ 128 لما بأفولها ، بانسى أنا مونت امتى من بعد الزمن بين التفويلة والأخرى (بتعدى أكتر من شهر بين التفويلة والتانية).

**Egyzizo** · 24-09-2011 02:21 PM

نحن نقدر أى مساعدة ولو بسيطة ..

**ahmedtunning** · 24-09-2011 02:46 PM

ريحة العادم مظبوطه ؟؟؟ بمعني وانت ماشي بتشم ريحه غريبة

**egyptiandiver** · 24-09-2011 03:15 PM

بعها يا مدير و ريح دماغك. أنا كان عندي 131 موديل 82 و كل مصلحها من اليمين تضرب من الشمال أعدلها من فوق تتعوج من تحت ...ونة شايف من البروفيل بتاعك معاك لوجان الحمد لله يبئة بلاش وش واللي يشتري يصلح يا عم! هتعد تجري من مكانيكي لسمكري لبهيجي لكهربائي و التصليح يكون حلو أو لأ حسب الظروف و هتصرف و تتعب و العربية هتفضل موديل أديم بردو و مفيش حاجة مضمونة و في مصر التصليح غالي و قطع الغيار متضمنش مظبوطة ولا.... = صدقني أنا قلبي عليك وعلى تعبك و وقتك و فلوسك ربنا يعملك الخير - أحمد سامي

**Egyzizo** · 24-09-2011 05:45 PM

المشاركة الأصلية كتبت بواسطة ahmedtunning

ريحة العادم مظبوطه ؟؟؟ بمعني وانت ماشي بتشم ريحه غريبة

مش مظبوطة ، بمعنى ان وانا ماشى فعلاً باشم رائحة غريبة، كأن الشكمان جوه العربية خصوصاً لما أكبس عليها.

**Egyzizo** · 24-09-2011 05:47 PM

المشاركة الأصلية كتبت بواسطة egyptiandiver

بعها يا مدير و ريح دماغك. أنا كان عندي 131 موديل 82 و كل مصلحها من اليمين تضرب من الشمال أعدلها من فوق تتعوج من تحت ...ونة شايف من البروفيل بتاعك معاك لوجان الحمد لله يبئة بلاش وش واللي يشتري يصلح يا عم! هتعد تجري من مكانيكي لسمكري لبهيجي لكهربائي و التصليح يكون حلو أو لأ حسب الظروف و هتصرف و تتعب و العربية هتفضل موديل أديم بردو و مفيش حاجة مضمونة و في مصر التصليح غالي و قطع الغيار متضمنش مظبوطة ولا.... = صدقني أنا قلبي عليك وعلى تعبك و وقتك و فلوسك ربنا يعملك الخير - أحمد سامي

المشكلة ان دى عربية حمايا الله يرحمه و كان أول ايد ، والعربية فعلاً مش متهانة وكل اللى يشوفها بيبقى عايز يشتريها ، بالإضافة إلى انها من ريحة المرحوم ومجرد فكرة البيع ممكن تعمل مشاكل مع الحكومة.

**smsm_cato** · 24-09-2011 05:50 PM

العربية سحبها عامل ايه
لان لو الكاربيتير مظبوط والعربية بتاكل بنزين يبقى الحل فى 3 اتجاهات
اولها ظبط تاكيهات
ثانيا ظبط تقسيمة الكاتينة عليها بردة عامل مهم فى السحب واستهلاك البنزين
ثالثا طقم الكهرباء وعلى راسهم الكوندينسر
جرب واظبط الثلاث حاجات دول وان شاء الله المشكله هتتحل

**Egyzizo** · 24-09-2011 06:35 PM

مش شرط ان الكاربيراتير عندى يكون مظبوط ، لأن اللى الميكانيكى عمله لما فكه ان هو غسله ونضفه فقط .. وأعتقد أن فيه حد غير الميكانيكى بيكون متخصص كاربيراتير.

بخصوص طقم الكهرباء ، فأنا غيرته بالكامل اكتر من مرة فى السنوات الثلاث الماضية بدون تأثير على استهلاك البنزين.
والتاكيهات المفروض انها اتظبطتت بعد العمرة.

تنصحونى ابدأ بايه؟

**zegzaag** · 24-09-2011 07:20 PM

انا المشكلة دي كانت عندي بسبب ان الكربراتير البكات بتاعتو وسعت مع الزمن
حسب كلام حضرتك ان الراجل فك الكربراتير ونظفو ( تنظيفو ملوش علاقة ) التنظيف ده عشان مش يتسد وتبطل منك وانته ماشي مش اكتر بص نصيحه روح لاي محل قطع غيار وهات ( طقم اصلاح كربراتير ) وهو مش غالي وهيجي معاه جوان متفصل على المقاس بالظبط وبكات صغيره هتقلل من الاستهلاك كتير و لو حاجه بايظه هيشيل ويحط من الطقم اما التنظيف والكلام ده فهما بيضحكو علينا عشان ياخد فلوس ومتنساش تشوف وصلات البنزين الي طالعه من ورا لقدام لان كان فيه مره كان فيه تهريب عندي وكان ده السبب ان البنزين كان بيخلص وربنا يوفقك يا زعيم

**Egyzizo** · 24-09-2011 11:27 PM

ماشى على البركة ، هادور على حد بتاع كاربيراتير ..
بس أروحله الأول وأشوف هيعوز ايه ، واللا أشترى طقم الاصلاح وأروح له ؟ وطقم الاصلاح ده يعمل كم فلوس؟

علشان لو الموضوع مكلف ، أشترى دماغى وأشوف كاربيراتير استيراد.

الموضوع: مشكلة مكررة ، بس استحملونى: العربية غــول بنزين

LinkBack

أدوات الموضوع

عرض

مشكلة مكررة ، بس استحملونى: العربية غــول بنزين - انشر الموضوع فى :

-

-

-

-

-

-

-

المواضيع المتشابهه

مشكلة فى الفرنا 2007 .. ريحة بنزين جامدة و العربية كش بتدور على طول .

مشكلة فى الفرنا 2007 .. ريحة بنزين جامدة و العربية كش بتدور على طول .

مشكلة : العربية قطعت بنزين و موش راضية تدور بعد ما زودت 10 لتر

مشكلة فى العربية 125 لما مليت بنزين مبطلتش تقطيع كانها ماشية على التانى ده عيب بنزين؟

عندي مشكلة في بنزين العربية الاكسيل 1500

الكلمات الدلالية لهذا الموضوع

المفضلات

المفضلات

ضوابط المشاركة