الموضوع: قصتي مع الفيات بونتو الايفو

موضوع 70 الف والله كلام مالك السيارة .... وانا لما سوقتها فهمت هو ليه بيقول كده ... لأنه ببساطة دفع 100 الف في عربية موتورها ضعيف وقطع غيارها وصيانتها غالية وأدائها مش عالي ... يعني بيحس انه راكب عربية غالية شوية بدون مميزات

المشاركة الأصلية كتبت بواسطة hemaa_82

و متقولش يارس بس احسن بجد بقي دي حرام فيها فلوسها ... ورق و زي الريشة ....

صحيح مريحة انما برضه حرامممممممممممممم ... هية ال 100 الف بقت ايه ... فلوس كوتشينة ؟؟؟

فعلا 132 الف على الياريس كتيييييييييييير جدا

المشاركة الأصلية كتبت بواسطة hugan

حضرتك لو كتبت الكلام ده في قسم فيات او علي العام
الحرب هاتقوم عليك
لان لسه في مصر ناس كتير جدا عايشين في اوهام الاوروبي واليابني والكوري واخيرا الصيني
مش عارفين ان المسافات بينهم اصبحت ضئيله جدا جدا
وان المصريين نايمين في العسل
الناس دي شغاله بجد
واحنا مجرد متلقي لمنتجهم
خلاص الفوارق دابت بين العربيات
كله قرب يحصل بعضه
يارب احنا اللي نصحي ونفوق
من اولاهام المزروعه جوانا

هتكلم بس كلمتين مهمين عن شوية من الأوهام اللي حضرتك بتتكلم عنها دلوقتي معلش لإني من الناس الموهومين و ربنا يشفيني يارب ....

الفوارق اللي دابت بين العربيات دي بتقولك إن الأروبيين من 2006 بيعملوا عربيات بتوصل من سرعة 0 إلى سرعة 300 كم في أقل من 14 ثانية ، و بتقف من سرعة 300 كم إلى سرعة 0 في أقل من 5 ثواني ... في حين إن أغلى و أفخم و أقوى سيارة كوري أو صيني لحد دلوقتي مش عارفه تكسر حاجز التسارع من 0 إلى 100 كم في 8 ثواني !!!

الفوارق اللي دابت بين العربيات دي يا أفندم بتقولك إن الأوروبيين من سنة 2005 عندهم تكنولوجيا توزيع الأوزان على شاسيه العربية بالتساوي بالظبط مهما كانت العربية محمله أشخاص أو حموله غير موزعه بحيث أنك لو حاولت تشيل العربية من قدام أو من ورا تلاقي الوزن واحد بالظبط 50% - 50% .... في حين إن الكوريين أو الصينيين لحد دلوقتي يا أفندم مش عارفين معنى كلمة setup مناسب للشاسيه مع جسم العربية للحفاظ اتزان العربية بقدر الإمكان!!!

الفوارق اللي دابت بين العربيات دي يا باشا بتقولك كمان إن الأوروبيين بيعرفوا يطلعوا من العربية أكتر من 1200 حصان في حين إن الكوريين و الصينيين ماعرفوش يوصلوا لأكتر من 150 حصان !!!

الفوارق اللي دابت بين العربيات كمان هتظهر لما تكبس فرامل جامد في عربية كوري على سرعة عالية فتلاقي الكاوتشات زحفت و تلاقي نفسك لزقت في الإزاز لإنهم مش عارفين يعملوا نظام ميكرو كنتورل متطور يخليك مهما كانت السرعة عالية و مهما كبست فرامل عمرك ما القصور الذاتي بتاع جسمك يرميك لقدام بقوه كده و مهما حصل استحالة الكاوتش يزحف ولا سم و العربية بتقف من سرعة 100 كم لسرعة 0 في أقل من ثانيتين و نص يعني في أقل من 30 متر بدون زحف ولا قلق ولا تعويم ولا تخبط براسك في الإزاز !!!

الفوارق اللي دابت بين العربيات كمان بتقولك إن فيه عربيات أوروبي و سعرها عادي جدا بتستهلك 3 لتر بنزين في الـ100كم مع أقل نسبةعوادم و في نفس الوقت العربية بتطلع 446 حصان !!!

الفوارق اللي دابت بين العربيات دي كمان هتشوفها كويس أوي لما تعرف إن فيه عربيات أوروبي هتنزل قريب جدا في الأسواق بتمشي على وسادة هوائية و بدون كاوتشات أصلا ... فين حين إن الكوريين حتى الآااااااان مافيش ولا عربية عرفوا يعملوا عفشتها الخلفية وصلات متعدده مستقله !!!

ده حتى الكماليات اللي الكوريين و الصينيين فرحانين بيها اللي هما آخرهم فيها إن العربية قال إيه بتفتح من غير مفتاح ... تلاقي العربية الأوربي بتعملك أسهم ثري دي ليزر جوه العربية علشان ترسملك الجي بي إس و كمان ممكن تعمل للعربية ريفيرانس تمشي عليها لوحدها وتتجنب المطبات و كل حاجة من غير مانت تسوق أساسا ، و كمان تركن لوحدها و انت بره العربية أصلا !!!!

يا أستاذي الله يكرمك خلينا نحق الحق ... انت عايز تفهمني إن الناس اللي عايشه على فتات معلومات قديمة من أكتر من 40 سنة و بيعملوا بيها في 2011 عربيات يادوب بتجري و بس ..هيتساوا مع ناس بتعمل دلوقتي عربيات بتمشي بالكهربا و بالمياه و بالنايترو ميثان بنفس كفائة البنزين و أحسن !!!!!
هل ده كلام منطقي ؟؟
يا باشا فرق العلم ده لوحده يبينلك إن حتى في العربيات الشعبية الرخيصة استحاله يكون السورس العلمي المستخدم في تمصيم العربية دي زي دي ... لما أقولك إن فيه شركة بتصرف مليار دولار سنويا أبحاث على الورق بس علشان تطلع منهم بفكره واحده بس تنفذها و تصرف عليها كمان كام مليار في المصانع علشان تطلع عربية مظبوطه صح ... هل ده يتساوى مع اللي بياخد أبحاث قديمة و يشتريها بتراب الفلوس لما يكون عدى عليها قرون من جنرال موتورز علشان يطبقها على الجاهز و خلاص و كمان مش بيعرف يعملها صح !!!!!!

أنا والله مش عايز أحبط الناس يعني ولا أتكلم بتحيز .. بس ده الواقع ... الأوروبيين دول بيفكروا في حته تانية خاااااااااااااااااااااااا لص الكوريين دول لسه قدامهم 100 سنة علشان يعرفوا يوصلوا إنهم يفكروا فيها ...

أنا معاك إن ممكن الكوريين و الصينيين يعملوا عربيات حلوه شعبيه مناسبة لينا كده في مصر وعلى قد فلوسنا و تنافس في السوق المصري و الأوروبي كمان ، و تتنافس مع عربيات أوروبي كتير ، و ممكن كمان تتفوق عليهم في حاجات كتير جدا ... لكن ماينفعش ماينفعش ماينفعش أبدااااااااااااااااا نقول إن الأوربي بقى زيه زي الكوري و الصيني !!! و نقول إن الفوارق دابت بينهم ، و إن إحنا عايشين في أوهام ...
هو إحنا فعلا عايشين في أوهام .. لإننا في 2011 و ليه بنفكر نعمل abs في عربية و نخلي التسارع بتاعها في أقل من 10 ثواني في حين إن الأوروبيين فعلا دلوقتي عندهم أبحاث بتتكلم إزاي نخلي عربية تمشي على الأرض بدون جاذبيه ... انت مستوعب .. الناس دي قدامها 3 سنين و يخترعوا عربيات ممكن تمشي على المريخ و المشترى!!!! و حضرتك عايز تقنعني إن العلم اللي متطبق في عربياتهم حتى لو كانت شعبية هيكون زيه زي الكوري!!!!!!!

كلامك مفيد جدا الحقيقة وعرفت منه معلومات كتير الحقيقة ... بس انا عن نفسي بحكم حكم واحد قاعد على الدريكسون ومش عارف ايه اللي تحت الكابوت ...بس انا ايه اللي حستفاده كده بالبلدي من كل التكنولوجيا اللي بتقول عليها دي اذا لم اشعر بها في قيادتي للسيارة ..... ,اكتر حاجات ححس بيها هي قوة الموتور والثبات وجودة تقفيل السيارة وممكن النعومة .... وبالنسبة لفرامل الام 11 اللي معايا ... ولله الحمد فرملت بيها كتير على سرعات عالية وعمرها مازحفت بيا ... طبعا عوامل الامان دي حاجة سبيل المعرفة الوحيد فيها هو اختبارات التصادم لانها نفس ظروف التصادم ....

المشاركة الأصلية كتبت بواسطة huss2000

كلامك مفيد جدا الحقيقة وعرفت منه معلومات كتير الحقيقة ... بس انا عن نفسي بحكم حكم واحد قاعد على الدريكسون ومش عارف ايه اللي تحت الكابوت ...بس انا ايه اللي حستفاده كده بالبلدي من كل التكنولوجيا اللي بتقول عليها دي اذا لم اشعر بها في قيادتي للسيارة ..... ,اكتر حاجات ححس بيها هي قوة الموتور والثبات وجودة تقفيل السيارة وممكن النعومة .... وبالنسبة لفرامل الام 11 اللي معايا ... ولله الحمد فرملت بيها كتير على سرعات عالية وعمرها مازحفت بيا ... طبعا عوامل الامان دي حاجة سبيل المعرفة الوحيد فيها هو اختبارات التصادم لانها نفس ظروف التصادم ....

يا باشا تمام جدا .. أنا مش معترض على كلامك .. عربيتك عربية كويسه و زي الفل أنا ماقولتش عكس كده ...
نقارن كل عربية بالتانية عادي .. نقول ده فيه كذا و ده فيه كذا بما يرضي الله برضه تمام جدا و عادي .. و أنا نفسي معاك إن موتور السبيرانزا أقوى من موتور الإيفو أكيد أنا فاهم و عارف كده كويس جدا ....
كل اللي بقوله .. كان تعليق على كلام الأستاذ ( هوجان ) إن ماعدش فيه فرق بين الكوري و الصيني و الألماني و الإيطالي و الياباني ... لا لا لا يا باشا فيييييييييييه فرق كبيييييييييييير أوي ، و لما تقول إن ده آي بي إس ألماني غير خالص لما تقول ده آي بي إس كوري .. لإن على سبيل المثال الآي بي إس ده نظام ميكرو كنترول بيعتمد على معادلات حركة بتتحول لإشارات كهربية و ليه لوجيك معين للعمل و ليه كمان كفاءة تنفيذ و ليه شركات و مصانع و مهندسين مخصوصوين ليه بالتالي لما نظام آي بي إس يكون متكلف فلوس و وقت و مجهود من شركة كبيره في مجال الميكركنترول أكيد مش هيكون زي اللي إحنا مش عارفين أصله ولا فصله من الكوري أو الصيني و أحيانا الياباني !!! ( ده كان مثال بسيط بس )

أما بالنسبة للمقارنه اللي حضرتك بتتكلم فيها بين الإيفو ، و الإم 11 ..
الموتور و السحب في مصلحة الاسبيرانزا ..
عوامل الأمان و الثبات و الاتزان لمصلحة الإيفو .. تكنولوجيا تصنيع الشاسيه و تصميم البودي .. يمكن تكون انت حسيت فيها بعدم الاتزان لإنك مش متعود على سواقة عربية صغيرة كده كتير خصوصا على طريق مفتوح زي طريق العين السخنة على سرعات عالية .. لكن ده مش كلامي لوحدي ده بالتقييمات العالمية للإيفو هي اللي بتقول كده..
المساحة الداخلية لمصلحة الاسبيرانزا ..
الراحة الداخلية للركاب ، الكماليات ، الشكل ، نوعية الدهان ، جودة التقفيل ، الخامات الداخلية .. كل ده أكيد في مصلحة الإيفو ..

عموما .. الموضوع أصله مش كبير .. كل واحد و ليه العربية اللي تدخل مزاجه .. يعني الإيفو لحد رايق مش فارق معاه التسارع أو بنوته رقيقة أهم حاجة عندها الشكل أو أسرة مكونه من 3 أفراد بيهتموا بالراحه .. أكيد هتكون اختيار كويسه ليهم .. و كل عربية و ليها مشتري !!!