بسم الله ما شاء الله ........... والله استفدت كثيرا من هذه المناقشة لكن عايز اقول حاجة
انا مبفهمش في ميكانيكا السيارات ولا تاريخ التكنولوجيا زيكم كده ... لكن اعتقد ان رأيي انا كمستهلك عادي .... مهم جدا خصوصا ان 90% من الناس زيي كده بيركبو العربية وميعرفوش ايه اللي تحت الكبوت بهذا القدر من التفاصيل .
ثانيا : لا خلاف على ان التكنولوجيا الاوربية في صناعة السيارات تتفوق على مثيلاتها في آسيا ....
لكن اعتقد اننا لما نحب نقييم سيارة لازم نقيمها في السوق بتاعها ... لانها مسألة نسبية .... يعني السيارة التي تتفوق في مصر ليس بالضرورة ان تتفوق في الخليج والعكس صحيح ايضا ...عربية زي الهيونداي رقم 1 في مصر لكنها متسواش بصلة في الخليج نظرا لظروف السوق المختلفة . ..... وليس معنى ان هناك ماركة معينة فيها تكنولوجيا عالية ان سيارتها افضل ... لأ ..انا عندي العبرة بالتجربة والخدمة الشاقة في السوق .... عشان كده اعتقد ان الحديث عن التكنولوجيا خارج حدود الزمان والمكان في غير محله .
ثالثا : حتى لو التكنولوجيا الاوروبي تتفوق بمراحل عن الاسيوي تظل هناك عدة عوامل تتدخل في نجاح السيارة في سوقها مثل التوكيل والصيانة وتوافر قطع الغيار واسعارها وسهولة اعادة البيع وسعره ..........
فمش عشان اقول ان انا بفهم في العربيات فأركب سيارة تكنولجيا عالية لكن بعد ذلك اصرف دم قلبي على تصليحها وصيانتها ولما آجي ابيعها اخسر فيها نص تمنها ...والامثلة على هذه النوعيات كتيرة في الاوروبي في الرينو والستروين ..... وأقول اصل العيب مش في العربية !!!!! العيب في التوكيل والعربية زي الفل واحنا اللي مش بنفهم ........... ماشي يا جماعة طيب ايه ترجمة ده على ارض الواقع غير ناس بتلبس عربيات وتتفحت في صيانتها ولما تيجي تبيعها تمنها يتخسف بيه الارض ؟؟؟؟ والاسم اوروبي وماركة وتكنولوجيا .
انا كتبت انطباع شخصي وتجربة شخصية جدا .... وقلت في آخرها ربما لو اتيحت لي قيادة السيارة اكتر من كده رأيي يتغير ..... وبالفعل اتيحت لي هذه الفرصة مرة اخرى ولكن هذه المرة في وسط المدينة ..... ..... العربية موتورها ضعيف دي حاجة مش محتاجة خبير عشان يعرفها ... لما اشتري عربية ب أكتر من 100 الف !!!!!!! في اعتقادي الشخصي ان لازم يكون ادائها افضل من كده ..................... وبما اني راكب اقل عربية في السوق المصري ""اسبرانزا "" المفروض اشعر بفرق واضح لما اركب عربية عريقة زي الفيات ولكن للاسف لم اشعر بده ...ودي حاجة بردو مش محتاجة خبير
رابعا هذه الانطباع الشخصي كتبته مش عشان اطعن في العربية ولا المنتج الاوروبي وانما قد يساعد شخص في اختيار السيارة المناسبة ليه .... يعني اعتقد ان السيارة حريمي جدا وتنفع للستات عامتا عشان ناعمة ومش بتعات جري وسفر
خامسا : صديقي اللي معاه الايفو !!!!! الزجاج الامامي اتشرخ راح التوكيل قالولو لازم نعملك اوردر مخصوص وتنتظر البربريز لما يجي من ايطاليا بعد اسبوعين وتسيب لنا دفعة من الفلوس ....... مش دي تعتبر مشكلة بردو ؟؟... لما حاجة اساسية زي البربريز تبقى محتاجة اوردر من ايطاليا ..... ولولا ستر الله ان الشرخ مش كبير وقادر يمشي بالعربية وهي كده ...كان حيعمل ايه لو الشرخ كبير ؟؟؟؟ ايه اللي حيستفادة من التكنولوجيا الاوربية الرهيبة لما يضطر يركن العربية اسبوعين في انتظار البربريز
اللي عايز اقوله من كلامي ان تقييم السيارة في السوق شئ خاص جدا بكل سوق على حدى ... ومش معنى ان هناك سيارات ياباني مبيعاتها اعلى في مصر او حتى في العالم ان ده مقياس للتقدم التكنولوجي فقط ... ولكنه مقياس لتقدم اليابانيين في الصناعة والتجارة والاقتصاد والتسويق اللي جعلهم يوصلوا بسياراتهم في كل سوق في العالم بعيدا عن تعقيدات التكنولوجيا .... وشئنا ام ابينا سيظل رقم المبيعات هو مقياس نجاح السيارة عالميا .
المفضلات