اجيبها ولا ايه انا تعبت

**madinabaza** · 26-09-2011 02:35 PM

المشاركة الأصلية كتبت بواسطة ashraf_ibrahim

بصفتي احد ملاك العربيات الكوري- هيونداي فيرنا- ومن تجربتي مع الاسبيرانزا وسؤالي لسواقين التاكسي
الكل أفاد بانها عربية جميلة جدا ولكن العيب اللي الكل اشتكى منه هو انها بتحتاج تربيط عفشة كتير
ولما سالتهم كل قد ايه يعني ؟!
قالولي كل 5000 كم فضحكت وقلتلهم مهو العادي ان اي عربية تربطلها عفشة كل 5000 كم انا عربيتي بربطلها عفشة كل 5000 كم وبتبقا خلاص سايبة اساسا
الحقيقة العربية عجباني جدا ولو رجع بيا الزمن هجيبها بدل الفيرنا
النهردة سألت عليها في ابو الفتوح لأني كنت عندهم
هي عاملة 67900 جنيه
انا شايف ان سعرها منافس جدااااااااااااااااااااا بالنسبة للكماليات بتاعتها وعوامل الامان اللي فيها
اعتقد انك تتوكل على الله وتجيبها
ومتنساش تديني لفة لما تجيبها بقا
ربنا يباركلك فيها مقدما

انا خلاص اقتنعت بكلمكو يا جماعه بس في حاجه مخلياني متردد اني لو حبيت ابيعها هخسر فيها كتيير اويي يعني مش اقل من 10000 ودي حاجه مديقاني ومخلياني بفكر فلمستعمل وان شاء الله هديك اللفه بتاعتك :)

**ayman2** · 26-09-2011 04:10 PM

نصيحه لوجه الله وبدون الدخول فى مناقشات مع اى عضو فاضل ابعد عن الصينى وبالذات الاسبرانزا وليس معنى الانتشار فى مصر انها جيده ولاتنسى سياسه القطيع وانا لما بكون مسافر واجد اى حد بيجرى جنبى بسياره صينى وعاوز يشد بهدى تماما علشان والله بكون خايف عليه وممكن تسال اى ميكانيكى عنها

**shiko85** · 26-09-2011 04:29 PM

المشاركة الأصلية كتبت بواسطة ayman2

نصيحه لوجه الله وبدون الدخول فى مناقشات مع اى عضو فاضل ابعد عن الصينى وبالذات الاسبرانزا وليس معنى الانتشار فى مصر انها جيده ولاتنسى سياسه القطيع وانا لما بكون مسافر واجد اى حد بيجرى جنبى بسياره صينى وعاوز يشد بهدى تماما علشان والله بكون خايف عليه

انا متفق معك, انا معايا جيلى فروته و بجد المشكله ان العربيه سعرها بيرخص جدا عند البيع و بيتقال " دى عربيه صينى " فحين ان عند الشراء تلاقى اللى بيمجد فيها و بيشكر قوى فيها و لو قلت انا متردد علشان عربيه صينى تسمع ما كل حاجه جايه من الصين ............
مثال بسيط, العربيه الفروته هى اعاده تصنيع ديهاتسو شاريد مع تعديل فالشكل الخارجى و الداخلى , يبقى المنطق بيقول ان عربيه موديل 2006 مينفعش بأى شكل من الأشكال انها تكون ارخص من عربيه موديل 1992-1997 و لو حد قال ما دى يابانى و دى صينى يبقى ليه نقتنع بشراء سياره صينى سعرها بيقل كتير مقابل عربيات تانيه ممكن تكون ارخص منها جديد و اغلى منها مستعمل
و بعدين سوق السيارات فمصر غريب و مش مفهوم وده واضح من سعر عربيات كتير زى 128 و 127 و غيرهم يبقى لما افكر اشترى عربيه لازم اكون متأكد ان لو فيوم عايز ابيعها مش هخسر فيها نص تمنها
انا مش بتكلم على عربيتى بس لا اسبرانزا 516 كمان مع واحد صاحبى و لما فكر يبيعها لاقى سعرها نزل كتير و خساره كبيره
انا بنقلك تجربتى الشخصيه بكل امانه و مش بتكلم عن نوع معين, انا بتكلم على السوق و نظرته للسيارات الصينى (بغض النظر اذا كانت عربيات كويسه ولا سيئه) و فالنهايه ده رأى و حضرتك حر طبعا فأختيارك

**Ashraf_Ibrahim** · 26-09-2011 08:14 PM

ل ناوي تشتري عربية صيني يبقا متفكرش انك تبيع قبل 5 سنين !

**said.d.y** · 27-09-2011 01:10 AM

انا أشتريت ال516 فى نوفمبر2006 ب60000جم وعملت بيها حوالى 25000كم وبعتها فى اكتوبر2009 ب51 الف جم ، واشتريت التيجو الاتوماتيك ب105 الف جم.
يعنى من الاخر لو كنت اتلسعت من ال516 ام 60000جم ما كنتش جبت التيجو ام 105 الف جم
موش كدة ولا أة!!!!!!!!!!!!!!!!!!
فى النهاية لازم تكون مقتنع بالعربية لانها راحة نفسية،علشان متتلككش ليها
وهى مسألة اراء ، انا شخصياً شايفها افضل واحدة فى فئتها وكمان اعلى من فئتها.
صلى استخارة وتوكل على اللّه وان شاء اللّه يهديك للاصلح.

**ayman2** · 27-09-2011 08:48 AM

المشاركة الأصلية كتبت بواسطة madinabaza

aشكرا لأراءكو يا جماعه بس انا خلاص الحمدلله جبت ماتريكس 2005 وربنا يسهل وتبقي كويسه :)

الف مبروك الماتريكس عربيه اعتماديتها عاليه وقليله الأعطال وربنا يبارك لك فيها

**SAMER_ENGINES** · 27-09-2011 01:49 PM

- بصراحة أنا مقتنع جدا بالاسبيرانزا و فعلا كله صينى دى للأسف حقيقة.
- و لما بتنزل تشترى قطعة غيار لاى عربية بتلاقى منها صينى ان مكنش مفيش الا هو.
- و العربية انتشرت تاكسى و ملاكى و معنى كدة انى قطع غيارها حتبقى عند البقالين قريباً و الميكانيكية و مراكز الخدمة اللى حيشتغلوا فيها حيكونوا اكتر من الهم على القلب.
- و بالنسبة لسعر اعادة البيع فمع احترامى للأخ اللى كتب عن عربية صاحبه لكن الله و اعلم كان فيها ايه و افتكر انه ممكن يكون فيها حاجة انت متعرفهاش!
و أنا شفت سعر إعادة البيع فى مواقع و جرايد كتير و اعتقد أنه عادى زيه زى اى عربية تانية بس الناس بتبص بمنظور تانى..
بمعنى أنى الهيونداى i10 مش عارف تقريبا بـ 75000 حاجة زى كدة ان مكانش اكتر و عربية بصراحة ميتدفعش فيها الرقم ده نهائى و عشان كدة سعر اعادة البيع فيها بيكون مثلاً 65000 يعنى تمن اسبيرانزا جديدة!!!!!
لكن الاسبيرانزا لانها الفول اوبشن بـ 66000 فبيكون سعر اعادة البيع مثلا حاجة و خمسين و اول ما الناس تقرا رقم خمسين تقولك سعر اعادة البيع ميت و ده لأننا بننظر بمنظور ضيق.
- و بالنسبة للجيلى دى و الفروتة بالذات اسمح لى و مع احترامى لملاكها دى مش عربية اصلاً و لا موضوعا و لا شكلا و حتى اسماً يعنى ايه جيلى و فروتة!!
- و الكورى حصل معاه نفس اللى بيحصل دلوقتى مع الصينى و كل الناس عارفة كدة و الوالد الله يرحمه كان قدامه الاكسيل و البرايد و بعد شراء اللادا بتاعتنا بكام شهر نزلت اللانوس و كانت بنفس سعر اللادا ساعتها و الكلام ده من 15 سنة و كان الوالد و الناس كلها ملهومش الا كام جملة و كانوا كالتالى:
- انا مركبش كورى ابداً أبداً.
- هو يا بنى فيه حد يركب عربية كورى!!
- دول حتى مشهورين بسوء الصناعة و التقفيل.
- هيونداى تقليد لهوندا و حتفشل.
- دايو ايه دايو دى فيديو ده و لا عربية و لا ايه؟!
- هو احنا مستغنيين عن عمرنا عشان نركب كورى ده بيقولك المقص اللى ورا بيتكسر و هى بتجرى و فيه اتنين ماتوا حتى الان من الهيونداى اكسيل الكورى و المآساة أنى الأتنين أخوات.

و غيره و غيره من اللى كان بيتقال!!!!!!!
و بعد ما الهيونداى و الكيا و الدايو سعرهم بقى فى السما بالنسبة للادا و غيرها قلنا ياريتنا كنا جبنا دايو و لا هيونداى من الأول و أدينى أهو ما زلت و الحمد لله مغروس فى اللادا و بحاول اغيرها و كل شوية تحصل لى حاجة تعطلنى.
فأعتقد أنى قرار شراء الصينى الموثوق فيه كالإسبيرانزا و البى واى دى هو أفضل قرار حالياً قبل ما يحصلوا الكورى اللى طلع و محدش عارف يلمه.
و ابقوا افتكروا الكلمتين دول لما الاسبيرانزا توصل في يوم لأسعار و مركز اليهونداى و الكيا.
و مبروك لصاحب الموضوع على الهيونداى و بصراحة عربيات حلوة فعلا و الماتركس ناس كتير بتشكر فيها بس انا ضد هيونداى من ناحية الأسعار الرهيبة و التصاميم الأوفر اللى بندغع تمنها من جيوبنا و عامة كل واحد حر و من حكم فى ماله ما ظلم.
و الف مبروك مرة تانية و ربنا يديك خيرها و يكفيك شرها.

**hugan** · 27-09-2011 10:44 PM

:b4_388:[quote=samer_engines;3873828592]- بصراحة أنا مقتنع جدا بالاسبيرانزا و فعلا كله صينى دى للأسف حقيقة.
- و لما بتنزل تشترى قطعة غيار لاى عربية بتلاقى منها صينى ان مكنش مفيش الا هو.
- و العربية انتشرت تاكسى و ملاكى و معنى كدة انى قطع غيارها حتبقى عند البقالين قريباً و الميكانيكية و مراكز الخدمة اللى حيشتغلوا فيها حيكونوا اكتر من الهم على القلب.
- و بالنسبة لسعر اعادة البيع فمع احترامى للأخ اللى كتب عن عربية صاحبه لكن الله و اعلم كان فيها ايه و افتكر انه ممكن يكون فيها حاجة انت متعرفهاش!
و أنا شفت سعر إعادة البيع فى مواقع و جرايد كتير و اعتقد أنه عادى زيه زى اى عربية تانية بس الناس بتبص بمنظور تانى..
بمعنى أنى الهيونداى i10 مش عارف تقريبا بـ 75000 حاجة زى كدة ان مكانش اكتر و عربية بصراحة ميتدفعش فيها الرقم ده نهائى و عشان كدة سعر اعادة البيع فيها بيكون مثلاً 65000 يعنى تمن اسبيرانزا جديدة!!!!!
لكن الاسبيرانزا لانها الفول اوبشن بـ 66000 فبيكون سعر اعادة البيع مثلا حاجة و خمسين و اول ما الناس تقرا رقم خمسين تقولك سعر اعادة البيع ميت و ده لأننا بننظر بمنظور ضيق.
- و بالنسبة للجيلى دى و الفروتة بالذات اسمح لى و مع احترامى لملاكها دى مش عربية اصلاً و لا موضوعا و لا شكلا و حتى اسماً يعنى ايه جيلى و فروتة!!
- و الكورى حصل معاه نفس اللى بيحصل دلوقتى مع الصينى و كل الناس عارفة كدة و الوالد الله يرحمه كان قدامه الاكسيل و البرايد و بعد شراء اللادا بتاعتنا بكام شهر نزلت اللانوس و كانت بنفس سعر اللادا ساعتها و الكلام ده من 15 سنة و كان الوالد و الناس كلها ملهومش الا كام جملة و كانوا كالتالى:
- انا مركبش كورى ابداً أبداً.
- هو يا بنى فيه حد يركب عربية كورى!!
- دول حتى مشهورين بسوء الصناعة و التقفيل.
- هيونداى تقليد لهوندا و حتفشل.
- دايو ايه دايو دى فيديو ده و لا عربية و لا ايه؟!
- هو احنا مستغنيين عن عمرنا عشان نركب كورى ده بيقولك المقص اللى ورا بيتكسر و هى بتجرى و فيه اتنين ماتوا حتى الان من الهيونداى اكسيل الكورى و المآساة أنى الأتنين أخوات.

و غيره و غيره من اللى كان بيتقال!!!!!!!
و بعد ما الهيونداى و الكيا و الدايو سعرهم بقى فى السما بالنسبة للادا و غيرها قلنا ياريتنا كنا جبنا دايو و لا هيونداى من الأول و أدينى أهو ما زلت و الحمد لله مغروس فى اللادا و بحاول اغيرها و كل شوية تحصل لى حاجة تعطلنى.
فأعتقد أنى قرار شراء الصينى الموثوق فيه كالإسبيرانزا و البى واى دى هو أفضل قرار حالياً قبل ما يحصلوا الكورى اللى طلع و محدش عارف يلمه.
و ابقوا افتكروا الكلمتين دول لما الاسبيرانزا توصل في يوم لأسعار و مركز اليهونداى و الكيا.
و مبروك لصاحب الموضوع على الهيونداى و بصراحة عربيات حلوة فعلا و الماتركس ناس كتير بتشكر فيها بس انا ضد هيونداى من ناحية الأسعار الرهيبة و التصاميم الأوفر اللى بندغع تمنها من جيوبنا و عامة كل واحد حر و من حكم فى ماله ما ظلم.
و الف مبروك مرة تانية و ربنا يديك خيرها و يكفيك شرها.[/quote
الله ينور

-

الموضوع: اجيبها ولا ايه انا تعبت

LinkBack

أدوات الموضوع

عرض

-

-

-

-

-

-

المواضيع المتشابهه

اجيبها ولا لا؟؟؟؟؟!!!!!

اجيبها ولا لا؟؟؟؟؟!!!

اجيبها ولا لا كيا سيفيا ؟؟؟؟؟؟؟؟؟!!!!!!!!

اجيبها منين؟

مساعده ضرورى .. حاجات عايز اجيبها للجولف ومحتاج اعرف اجيبها منين

الكلمات الدلالية لهذا الموضوع

المفضلات

المفضلات

ضوابط المشاركة