طرمبة البنزين الكهربا هتجنني ...عايز حل لو سمحتوا

**amirboulos** · 28-09-2011 12:47 PM

انا عندي عربيه اكسيل كنت مغير لها موتو بس بتاع اكسيل برضه بس انجيكشن والميكانيكي ركب الموتور وركب عليه الكرباراتير وركب له طرمبه بنزين كهربا ....الطرمبه دي بقي سبب مشاكل كتير لأنها في الصيف وفي الطرق الزحمه والإشارات الطويله بتسخن وتفصل والاقي العربيه وقفت مني في وسط الطريق ومتدورش غير لما تبرد بعد 10 دقايق مثلا ...طبعا بهدله مفيش بعدها ....غيرت ام الطرمبه دي حوالي 3 مرات وكل مره يقوللي دي يباني ودي اصلي وبرضه بتطلع زي اخواتها ...حد عنده حل وخصوصا ان الطرمبه دي مش رخيصه تمنها 150 جنيه ،،، اعمل ايه حد يفيدني

**gazzar91** · 28-09-2011 01:19 PM

هاتلها موتور بوش

في رعاية الله

**aYaBooY** · 28-09-2011 02:29 PM

طيب نشوف شوية نقط
اولا بما ان الموتور انجكشن انصحك تكمل الموضوع و تركب الانجكشن بتاعة
ثانيا انا معايا عربية فورد و ليها نفس موتور الطرمبة بتاع كل العربيات تقريبا
بشتري الالماني بوش بـ 110 و فيه ياباني بـ 160 و فيه كوري بـ 150
طيب كل دول لما جيت اغير سالت و عرفت انهم مضروب صيني و عمرهم قليل
و جيبت التركي ( و خلى بالك معايا هنا ) بـ 290 جنيه و الحمد لله ماشية كويس
فاعتقد ان بعد مقارنة الاسعار نوصل انه الماركات معظمها مضروب و الي انا بشترى منه
امين شوية و لما بيكون عنده حاجة مضروبة بيقول ديه مضروب
ثاني حاجة و سؤال مهم هو جناب الباشا الميكانيكي ركب الطرمبة الكهرباء فين بالظبط يعني في انهي حتة في العربية بالظبط

**mrastra** · 28-09-2011 02:51 PM

ركب الطلمبة فى تنك البنزين لان الطلمبات دى لازم تتبرد بسائل وعشان كدة مكانها جوة التنك
لانك لو ركبتها فى حوض الموتور السخونية بتحرق الموتور الكهربى اللى جواها وبيكون كمان عليها حمل السحب والطرد انما لو كانت فى التنك يبقى حمل واحد بس وهو الطرد

**amirboulos** · 28-09-2011 03:18 PM

جناب الميكانيكي الله يعمر بيته ركبها في حوض الموتور الناحيه الشمال فوق علبه زيت الفرامل ....قدام مروحه الريدياتير ..طبعا دي كفايه

**amirboulos** · 28-09-2011 03:23 PM

طيب العضو اللي بيقولي ركبها في تانك البنزين ؟؟؟ الموضوع ده سهل ولا هيسب فرصه لفتاوي الميكانيكيه برضه ؟؟؟؟ ويقعد يخرم ويخرب ؟؟؟ .... وشكرا للإستجابه والرد

**aYaBooY** · 28-09-2011 05:44 PM

نعم
فين يا خويا
حوض الموتور
اي مرارتي راحت خلاص
على فكرة انا كنت متوقع الموضوع ده مش عارف ليه بما انك بتقول بتسخن
بس انا كنت بسال من باب بالمرة و كنت بقول استحالة فيه صنيعي يوصل بيه الغباء للدرجة ديه
حضرتك مطلوب منك تشتري طلمبة بنزين كاملة ( استيراد ) كهرباء و تركب داخل التانك ورا في التانك
مش في الحوض و مش هايحصل اي مشكلة تاني
بس امانة عليك الموضوع ده يتعمل عند صنيعي تاني و متعديش بالعربية من عند الاخ ده خالص
سيبه خالص

**ahmedtunning** · 29-09-2011 01:57 AM

المشاركة الأصلية كتبت بواسطة ayabooy

نعم
فين يا خويا
حوض الموتور
اي مرارتي راحت خلاص
على فكرة انا كنت متوقع الموضوع ده مش عارف ليه بما انك بتقول بتسخن
بس انا كنت بسال من باب بالمرة و كنت بقول استحالة فيه صنيعي يوصل بيه الغباء للدرجة ديه
حضرتك مطلوب منك تشتري طلمبة بنزين كاملة ( استيراد ) كهرباء و تركب داخل التانك ورا في التانك
مش في الحوض و مش هايحصل اي مشكلة تاني
بس امانة عليك الموضوع ده يتعمل عند صنيعي تاني و متعديش بالعربية من عند الاخ ده خالص
سيبه خالص

+11111111111111111
كلامك مظبووووووووووووط

**amirboulos** · 29-09-2011 03:36 PM

يا بشمهندس انا اتهريت مصاريف ،،،، طيب الطرمبه الكامله دي بكام واجيبها منين وانصحني بقي بحد كويس بدل الحمار اللي عمل المصيبه دي ويبقي كتر خيرك ... معلش خليك معايا للأخر بقي :)

وبعدين هو ينفع تركب في حوض الموتور بس تتلف بحاجه تعزل عنها الحراره زي عزل مواسير التكييف مثلا ؟؟ علي اساس لو عطلت مني في الطريق اعرف اتصرف معاها ؟ علشان دي لو ركبت ورا زي ما بتقول لو عطلت او سخنت مش هاعرف اتعامل ولا ايه رائيك ؟؟؟

**aYaBooY** · 02-10-2011 06:27 PM

معلش انا مش هاعرف انصحك بحد علشان انا معايا فورد و بتعامل مع ناس متخصصة فورد
فمعرفش حد دلوقتي ممكن يعمل ديه بس لو تحب ابعتك للراجل الي بتعامل معاه تحت امرك ابعتلي على الخاص
موضوع العزل مش هاينفع علشان هيا لازم تكون في سائل علشان تبرد
و لو عاوز تبردها لو سخنت منك ممكن تلف عليها فوطة مبلولة