الموضوع: الفرق بين محرك ياباني و ألماني

أنا مش مهندس ...بس هقول اللي أنا فاهمه : الفكرة مش مين أقوى ..الفكرة في التكنولوجي المستخدم ....بمعنى : أنا في مصر موتور مروحة سقف ...بجيب عامود ومغناطيس وألف عليه سلك نحاس وأدخل تيار تطلع حركة ....هذه التكنولوجيا البدائية في التصنيع قارنها بمروحة مصنوعة في اليابان ...هيجيب مغناطيس برضو وعمود بس من سبيكة معينة هي خليط من عدة معادن مش حديد زي بتاعتي ...وسلك نحاس حر بنسبة شوتئب أقل ...أنا في مصر ماعنديش طريقة أخلص النحاس من الشوائب اللي فيه بنسبة ١٠٠٪ لكن اليابان عندها تكمولوجي يعمل ده ...وبالتالي قد يبدو أن كلا الموتورين زي بعض ( عامود ومغناطيس ونحاس ) لكن التكنولوجي المصنوع بها ومتزبط بها مواد المحركين مختلفة ....يتجلى هذا الفارق في حاجة غريبة جدا ....
البنسة : الزرادية ..... انزل شارع الجمهورية كدة ودور على بنسة صيني هتلاقيها ب ٢٥ جنيه ...والبنسة الماليزي ب ٦٠ والبنسة الإيطالي ب١٢٠ والبنسة الألماني ب ٢٧٠ جنية ...جرب بقى اشتري الصيني والماليزي ...هتعرف الفرق ...جرب هات الايطالي والألماني هتعرف الفرق ...الاتنين بِنَس والاتنين نفس المقاس ...لكن تكنولوجي التصنيع وفارق الماتيريال والبحث العلمي اللي اتصرف عليه علشان تطلع ماتيريال بالشكل ده هتعرفك الفرق بين الألماني والياباني

يعني أنا هاتكلم في نقطتين حسب خبرتي ..
أنا طول عمري كنت من ملاك الياباني ...مازدا ثم كورولا ثم سيفك ....
وجربت الأمريكاني والألماني ركبت مرسيدس وبي أم ..

وبصراحة وبوضوح عشان تقول رأيك لازم تكون جربت الأتنين ....ياباني وألماني ...
وعمر الياباني ما هيكون زي الألماني ولا بعد ميت سنة ....

الألماني أحسن بكتير وأقوي ...
الياباني إنعم بكتير وأريح ...

بس الموتور كموتور الألماني أنضف بكتير ...لأن بيطلع عزم أعلي في ار بي أم أوطي وده ديمان يعليك حاسس أنك راكب مكنه عفية ومحترمه ...لاكن لو في زحمه بيخنق ...الياباني بقة علي الأول والتاني مريح وناعم جدا وعمره ما يزهق ...

لكن وعن تجربه عمر الكوري ما هيكون زي اليباني ولا الياباني هيبقي زي الألماني ....

الألمانى معمر جدا وجبار وأداء عالى

الموضوع مش بسعه المحرك( سى سى) وبس ولكن على حسب الحصان والعزم وده معتمد على سعه وتصميم المحرك