مشكلة عند دوران الماروتي 2008

**sab3aawy** · 16-05-2008 11:27 AM

الشفاط (خانق الهواء او التشوك) هو باب اضافى فى الكاربراتير زى الباب اللى بتتحكم فيه بدواسة البنزين، ووظيفته اعطاء كمية اضافيه من البنزين للسيارة وقت التسخين صباحا

فيه منه نوعين، نوع اوتوماتيكيى يعتمد على حساس حرارى بسيط لما بيحس ان المحرك بارد بيشتغل لوحده ولما بيحس انه المحرك سخن بيفصل لوحده، وفيه نوع تانى يدوى، بيكون له شداد صغير فى تابلوه العربية ، يتشد الشداد ده صباحا والعربية باردة لحد ما الموتور يسخن وبعد ما الموتور يسخن نرجع الشداد مكانه

الشداد بتاع الشفاط دايما بتكون عليه علامة تشبه الى حد كبير حرف N الإنجليزى(كابيتال)، وليس المقصود بها حرف الإن ولكن هى ترمز لشكل الشفاط

**maak333** · 16-05-2008 12:11 PM

طب سبعاوي باشا الشفاط ده في كذا درجة هل اسحبه كله ولا اسحبه لحد الرجرجة متروح وارجعوا امتي يعني اعرف ان العربية سخنت لما الاقي مؤشر السخونة اتحرك ومعليش في سؤال انا لو مسحبتش الشفاط ده العربية بتفصل ده طبيعي ولا دي مشكلة..وشكرا
أبو مريم

**sab3aawy** · 16-05-2008 02:56 PM

المشاركة الأصلية كتبت بواسطة maak333

طب سبعاوي باشا الشفاط ده في كذا درجة هل اسحبه كله ولا اسحبه لحد الرجرجة متروح وارجعوا امتي يعني اعرف ان العربية سخنت لما الاقي مؤشر السخونة اتحرك ومعليش في سؤال انا لو مسحبتش الشفاط ده العربية بتفصل ده طبيعي ولا دي مشكلة..وشكرا
أبو مريم

اسحب الشفاط لحد ما الرجرجة تروح، ورجعه مكانه بعد ما تمشى شوية وبالعربية وتطمئن انها دفيت، اما كونها تفصل وهى باردة فده طبيعى لأان تصميمها قديم على كاربراتير وبالتالى لا مجال لتحكم فى كمية البنزين بالكومبيوتر ،كمان مافيهاش شفاط اوتوماتيكى يسخنها لوحده ، وبالتالى هى دى طبيعتها

**maak333** · 16-05-2008 04:12 PM

ياباشا انا بجد عاجز عن الشكر لاهتمامك ولمعلوماتك القيمة جدا واللي بجد ريحتني وافادتني وانا بجد نفسي اقدملكم الشكر جمعيا بصورة عملية بس مش عارف ازاي .....شكرا جدا
أبو مريم