ممكن سؤال طيب يمكن الموضوع يوضح سببه
هو في تييجو بتنزل فئات مفيهاش abs ???
عرض للطباعة
ممكن سؤال طيب يمكن الموضوع يوضح سببه
هو في تييجو بتنزل فئات مفيهاش abs ???
هوة بتاع الانوس كان عامل حاجه وحشه واخد جزاءة بالخبطه دى ----ملخص الموضوع-----
بص طبعا لو عربيه محترمه كانت عدت على خير مش عشان ال abs الى فيها انضف لا عشان هي اساسا فاملها اقوى لا ال abs كل وظيفته انه يكارك بدالك عشان العربيه متزحفش
يعني لو لانوس حطيت لها اي بي اس برضو فراملها هتفضل زي ما هي لاك كل الي عملته حطيت حاجه فقط مجرد تكاركلك عشان لو ملحقتش تكارك النظام الي فعلا بيقوي الفرامل اسمه ba break assist وده طبعا موجود ف عربيات عاليه فقط واعتقد موجود ف الكورولا الجديده اعلى فئه
انما عموما انظمه الفرامل والثبات ماهي الا ادوات لمساعدتك فقط لاغير انما حد مش بيعرف يسوق لابس لابس يامعلم وكله بامر الله وستره
مثلا abs وظيفته كدهلا بالبلدي بدل ما انت تكارك فرامل هوه بيكاركلك انما لو عربيتين نفس الموديل وحده بالنظام والتانيه بدونه هتبقى الفرامل نفس القوه الا في المواقف الحرجه لو سواق ماهر ممكن يقف قبل الى معاه abs عن طريق انه يكارك للفرامل ودي هي هي وظيفه النظام abs انما هو ك نظام مش بيقوي الفرامل
مره حصلت لي في مازدا 3 كنت في طريق البحيره ودوست فرامل في رمل ولبسا النطب كانت وظيفه ال abs انه فقط ميخليش العربيه تزحف لا غير انما الفرامل كانت ضعيفه جدا عشان الرمل
على تاني مطب بقى كاركت للفرامل ووقفت كانت هنا وظيفه ال abs انه ميخليش العربيه تزحف وانا وظيفتي اكارك عشان العربيه تهدى وبعد كده تقف
في فرق كبير بين انك تكون بتجمع يعني في حاله تجميع من 60 مثلا ل 100 وحاجه تحصل تخليك تقف هنا الفرامل تبقى ضعيفه
انما لو سرعتك 100 ثابته مش بتجمع اكتر وحصلت حاجه هتقف وانت مستريح
مااااااااااان انتا بتشكك فى امكانيات ال abs و ال abd بدونهم كانت الحياه تقف يا مان
ال abs بيطول مسافه الفرمله على فكره مش بيقللها بس السواق بتاع الاسبيرانزا هوا الى حمار ما حودش الدريكسيون لان دى وظيفه ال abs انك تقدر تتحكم فى الدركسيون وتنقذ نفسك وتلف انما بدونه هتمشى على طول وهتخبط فى الى ادامك وانتا ضاغط اقصى ضغط على الفرمله
وتانى حاجه دى اسبيرانزا يعنى جوده ال abs وال abd مش عاليه وبتختلف من عربيه لاخرى
السلام عليكم
بصفتي كان معايا التيجو وركبت عربيات كتير مجهزة بال abs و ال ebd ... وحدة ال abs بتختلف ن عيربية لعربية .. بمعنى انك لازم توصل الدواسة لدرجة معينة للاسفل ودي بتختلف من عربيه لعربية .. في التيجو عشان فكرة ال Anti lock break system تشتغل لازم تدوس على الدواسة جامد .. في البي ان بيختلف لان الحساسات اول ما بتحس برغبة الراكب في وقوف العربية بيشتغل بسرعة .. تاني حاجة سرعة الانقباضات في الفرامل بتختلف من وحدة لوحدة اخرى .. وطبعا الجماعة بتوع الصين نظرا لرداءة الخامات مش بيحبو يملو تحميل على الوحدات الاساسية زي ال abs وده يا شباب اللي مخلي العربيات الاوربي والامريكي سعرها مرتفع وده عشان عوامل الامان والسلامة بيصرفوا علها كويس و تقبلوا فائق تحياتي
الأخوة الكرام...
اسعد الله يومكم بكل الخير....
طبعا مع كامل احترامي لكل الأراء التي تحدثت عن ال abs أو اي منظومة أخري يجب أن نتذكر جميعا انها وسيلة مساعدة و أضافية و لكن من الممكن ان يتم أستخدامها بأسلوب خاطئ فلا تؤدي المطلوب منها
مشكلة معظم قائدي السيارات المزودة بتلك النظم انهم يقودون سياراتهم بسرعة و تهور و عدم حرص معتمدين علي ال ABS و غير مدركين أن جميع السيارات ستتوقف في نفس المسافة و ان التهور و الرعونة في القيادة سبب كافي لأبطال تلك الميزة الموجودة بسياراتهم.
عندما كنت امتلك سيارة بها ABS-EBD لم أستخدم تلك المنظومة سوي مرات قليلة تعد علي الأصابع طوال 3 سنوات و ذلك لأني أعرف تماما اني أمتلك وسيلة للطوارئ أو كخط ثاني و ليس أول فكنت دائما اتوقف في الوقت و المكان المناسب دون اللجوء اليه
العيب ليس في المنظومة او الألة و لكن فيمن يستخدمها بشكل خاطئ
مع خالص تحياتي
م/ سمير الشهاوي
اول مركبت عربيه فيها abs كنت مستغربه جدا وقلقان منه وفعلا حسيت ان مسافة التوقف طويلة وعلى هذا الاساس بقيت اعمل حساب مسافة اطول شويه بين وبين اللى قدامى بس لما جربت اوجه العربيه بقى وانا دايس فرامل عرفت فعلا قد ايه اتها تكنولوجيا مهمة جدا لانها ياما انقذت ناس كتير من حوادث كتير غير العربيات اللى فيها فرامل عادية كنت تفرمل والعربيه تزحف وتثبت ايدك على الدركسيون فى خط مستقيم وتستنى تشوفها بقى هتقف امتى ربنا يكفينا كلنا شر الحوادث
مشكله سواق وسوء تقدير مش مشكله عربيه وتجهيزاتها
وبرضه فى الأول والآخر ربنا هو الستار
عيب سواق السواق اتخض غالبا
انا في الافيو معنديش اي بي اس بس بدوس عالدواسه بمعلمه فبتديني نفس النتيجه الحمد الله و عن تجربه في حتت فاضيه علي 100
اهم حاجه ماتسمحش للعربيه تحدف منك لما الكاوتش يقفش