المشاركة الأصلية كتبت بواسطة tutankhamoun
أستاذ سم سم
ال abs
هو جزء من منظومة فرامل كاملة
يعني مثلا لما تكون عندك ديسكات و تيل رياضيين (الحاجات الغالية شديدة التحمل ) و راكب معاهم نظام الكتروني
اكيد فرملته هاتكون أحسن من فرملة عربية تانية فيها 'طنابير أو ديسكات متوسطة المستوى .
أنا هاقولك على مثال عملي فهمت منه حاجات كتيرة
أنا عندي جين 2 مش مغير فيها حاجة (مش لاعب فيها )
واحد صاحبي تاني أعرفه مغير ديسكات العربية بالكامل بديسكات مخرمة مش عارف قالي كلمة سكينة و هو بيقول على الديسكات !
و الفرملة عنده أصبحت أحسن من عندي
و كمان هو مغير الكاوتش بمقاس أقل أرتفاع أنا 65 و هو 55 و العرض عنده 205 و أنا 195
مع أنا و هو عندنا نفس نظام الفرامل و نفس abs
و ده دليل أنك ما تقدرش تحكم على جزء صغير من نظام الفرامل لأنه بيعتمد على أجزاء تانية في عمله
و ده طبعا بالاضافة لنوعية الكاوتش اللي راكب .