الموضوع: مشكله فى استهلاك البنزين رغم مرور سنه كامله على السياره

المشاركة الأصلية كتبت بواسطة tarek_2005

جوا البلد مش مقياس حسب مشاويرك والاشارات والزحمة ولكن في المتوسط من 180 الي 200 كم لكل صفيحة

عملت تعديل الفيشه وشيلتها خالص وكده ظبطة ال 91 اوكتين وفولت بنزين 92 لحد الزور وجارى التجربه ويارب الاستهلاك يتظبط بقى قولوا امين

السلام عليكم اخوانى الاعزاء
كنت قد عدلت فيشة الاوكتين من كام يوم على ظبطة الـ 91 وبحط بنزين 92 علما بانى قبل ذلك عانيت جدا من استهلاك بنزين عالى جدا مع ظبطة الـ 95 .
المهم انا رحت مشوار طويل النهارده من عندنا من كفرالزيات الى بنى سويف ذهابا وايابا ومشيت حوالى 600 كم وكنت مفول التانك الصبح للزور وفولته من نفس البنزينه عندنا برده للزور لقيتها أخدت 50 لتر او 49 فكده ايه رايكم فى الاستهلاك علما بانى كنت مشغل التكييف حوالى 75% من الطريق وايضا الطريق كان جميل جدا فشديت شويه لحد ما وصلت لسرعة 180بس كان متوسط سرعتى تقريبا 140 وايضا كان فيه احيانا زحمه كتير واشارات وحجات من دى .
عايز رايكم بقى فى الاستهلاك كده اخباره ايه وبالاخص من خبيرنا الكبير الاستاذ محمد ممدوح ابو يوسف والستشارى العظيم الاستاذ طارق ايضا .
والعربيه لانوس 2011 عامله 9500 كم يعنى مكملتش ال 10 الاف
وملاحظ ان العربيه صوتها عالى
فأفيدونى ربنا يخليكم
وجزاكم الله خيرا

يا جماعه ليه صوت العربيه عالى عن اى عربيه دايو تقريبا كده 10 الاف كيلو ومغير زيت كاسترول ايدج من حوالى 4 الاف وحالته فوق الممتازه بس ايه سبب ان الموتور صوته عالى قوى ليه كده ؟ لانوس 2011 وسؤال اخير المفروض ان الزيت التخليقى اللى بيقعد ل 15 الف مثلا هل له فتره من الزمن اما تنتهى يبقى لازم ينزل بالرغم ان العربيه ممشتش المسافه دى يعنى مثلا ممكن يفضل سنه فى الماتور وينزل بعدها ولا اكتر ولا اقل ؟ وشكرا مقدما للاستاذ محمد ممدوح والاستاذ طارق:b4_388::b4_388::b4_388:

المشاركة الأصلية كتبت بواسطة ahmedalshora

يا جماعه ليه صوت العربيه عالى عن اى عربيه دايو تقريبا كده 10 الاف كيلو ومغير زيت كاسترول ايدج من حوالى 4 الاف وحالته فوق الممتازه بس ايه سبب ان الموتور صوته عالى قوى ليه كده ؟ لانوس 2011 وسؤال اخير المفروض ان الزيت التخليقى اللى بيقعد ل 15 الف مثلا هل له فتره من الزمن اما تنتهى يبقى لازم ينزل بالرغم ان العربيه ممشتش المسافه دى يعنى مثلا ممكن يفضل سنه فى الماتور وينزل بعدها ولا اكتر ولا اقل ؟ وشكرا مقدما للاستاذ محمد ممدوح والاستاذ طارق:b4_388::b4_388::b4_388:

؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟

ايه يا جماعه محدش عايز يرد ولا ايه . معلش العربيه لسه جديده فعشان كده فيه قلق واستفسارات كتيره . ياللا يا وحووووووش الدايو عايز ردوووووود ؟

بالنسبة لآستهلاك البنزين كدة كويس قوى خاصة وأنت كنت مشغل التكييف والسرعة عالية جدا .
بالنسبة لصوت اللانوس هى اللانوس كدة صوتها عالى دة طبيعى .

بالنسبة للزيت التخليقى فهو بيقعد مدة مش أقل من سنة وممكن سنة ونصف بالنسبة للزيت اللى بيعمل 15000 بس يا ريت متابعة مستوى الزيت ولزوجتة من حين لآخر وممكن لو نقص تزودة شوية .
والله الموفق والمستعان

المشاركة الأصلية كتبت بواسطة abdm

بالنسبة لآستهلاك البنزين كدة كويس قوى خاصة وأنت كنت مشغل التكييف والسرعة عالية جدا .
بالنسبة لصوت اللانوس هى اللانوس كدة صوتها عالى دة طبيعى .

بالنسبة للزيت التخليقى فهو بيقعد مدة مش أقل من سنة وممكن سنة ونصف بالنسبة للزيت اللى بيعمل 15000 بس يا ريت متابعة مستوى الزيت ولزوجتة من حين لآخر وممكن لو نقص تزودة شوية .
والله الموفق والمستعان

بارك الله فيك أخى الكريم عبدالحى واحيا الله قلبك دائما وجزاك الله خيرا