ازاى اوطى او اعلى ماتور اللانوس؟؟

**moby** · 17-05-2008 07:13 PM

المشاركة الأصلية كتبت بواسطة elrasy

امال الميكانيكى الحمــ ......... عمل اية بالظبط :arghh:

اصل وهوة بيغير البوجيهات قالى حد معليلك الماتور قلتة لآ , بس بحس انها عالية شوية,,
راح جايب بنسة و ربط او فك صمولة معينة على اساس انة بيوطى العربية,,
ربنا يستر وميكنش خرب حاجة,,

أعتقد أنه يوجد مسمار عند بكرة كابل البنزين تتحكم فى السلانسيه...

**elrasy** · 17-05-2008 08:36 PM

المشاركة الأصلية كتبت بواسطة moby

أعتقد أنه يوجد مسمار عند بكرة كابل البنزين تتحكم فى السلانسيه...

ايوة بالظبط كدة,هوة مسمار عند البكرة وممكن تفكة او تربطة باى مفك صليبة,,, بس هوة اية وظيفتة ؟؟,, والفك او الربط بيفيد فى اية؟؟

**moby** · 17-05-2008 09:31 PM

المشاركة الأصلية كتبت بواسطة elrasy

ايوة بالظبط كدة,هوة مسمار عند البكرة وممكن تفكة او تربطة باى مفك صليبة,,, بس هوة اية وظيفتة ؟؟,, والفك او الربط بيفيد فى اية؟؟

المسمار يضغط على البكرة يزيد سرعة لفات الموتور بطريقة ميكانيكية بسيطة..

**MMamdouh** · 18-05-2008 10:22 AM

[quote=magomago;269658]

المشاركة الأصلية كتبت بواسطة MMamdouh

لا دة فى الانجكشن بس

المشاركة الأصلية كتبت بواسطة MMamdouh

ممكن اعرف يعنى ايه فى الانجكشن بس؟؟

يعنى المواتير الانجكشن هى اللى مينفعش تعدل سرعة السلانسية فيها

MMamdouh

**MMamdouh** · 18-05-2008 10:24 AM

المشاركة الأصلية كتبت بواسطة BomBom

طيب يا ريت حد مشكور ، يقولنا ايه هو اصلا تعلية و توطية الماتور ؟؟

تعلية و توطيه الموتور مصطلح المقصود بيه تغيير سرعة السلانسية للمحرك... فى العربيات الكربراتير بيتم تعديل السرعة دى من خلال مسمار بيتحكم فى وضع البوابة

اما فى المواتير الانجكشن فا التحكم فى سرعة السلانسية بيتم عن طريق الايدل كونترولر و بالتالى مهما تلعب فى المسمار الكمبيوتر حيرجع يعدل سرعة السلانية عشان تبقى مضبوطة على القيمة اللى الفروض يتكون عليها

MMamdouh

**ahmedateya** · 18-05-2008 12:35 PM

المشاركة الأصلية كتبت بواسطة moby

أستاذنا الفاضل
ممكن أعرف سبب وجود هذا المسمار فى الانوس ؟
وشكرا

اقولك انا و ارجو الأستاذ ممدوح يأكد كلامي او ينفيه

انا من عشاق الروقان و المشي بالراحة و طوول عمري رجلي خفية مووت على "دواسة البنزين"
و لما جبت الانوس لقيت اني بضطر ادوس اكتر من المعتاد علشان اطلع و العربية متكركرش مني و او تترجرج و لأن مشوار البدالات فيها طويل "كما قال الأستاذ سبعاوي" قمت بلف المسمار المذكور 180درجة مع حركة عقارب الساعة "ربطه زيادة يعني نص لفة"

و لاحظت ان ابسط دوسة على البنزين بتخللي العربية تقفز من مكانها و مشوار دواسة البنزين بقى اقصر و اريح ولا يوجد اي تأثيرات اخرى على الإطلاق الا ان التكييف اتحسن في السلانسيه اكثر من المعتاد بصورة ملحوظة

**MMamdouh** · 18-05-2008 02:37 PM

المشاركة الأصلية كتبت بواسطة moby

أستاذنا الفاضل
ممكن أعرف سبب وجود هذا المسمار فى الانوس ؟
وشكرا

عشان لازم البوابة تبقى فى وضعها الصحيح فى السلانسية

واحد يقولى يا كابتن لطيف تفرق ايه طالما الايدل كونترولر هو اللى بيظبط سرعة السلانية؟؟

اقولة ان وضع البوابة الصح بيخلى الايدل كونترولر فى وضعة الطبيعى للتشغيل بمعنى لو انت فتحت البوابة من المسمار عشان تزود السرعة و الايدل قفل بمقدار مساوى للفتحة اللى فتحتها حيبقى الايدل كونترولر قافل بنسبة 80% مثلا بدلا من 50% و بالتالى قدرتة على انه يفقل مجرى الهوا اصبحت 20% فقط بدلا من 50% فى ظروف التشغيل العادية

و العكس بالعكس لو قفلت حيضطر يفتح و بالتالى قدرتة على الفتح حتقل لان مبقاش فاضل فى المشوار اللى بيتحرك فيه غير 20% فقط

MMamdouh

-

الموضوع: ازاى اوطى او اعلى ماتور اللانوس؟؟

LinkBack

أدوات الموضوع

عرض

-

-

-

-

المواضيع المتشابهه

ازاى اوطى العربية بتاعتى

اللانوس 2010 بتحك فى اوطى مطب وتكسر علبه الكاتم

راجو الافادة من اهل الخبرة ازاى اعلى اداء اسبيرانزا 1600

نشع زيت من اعلى فتيس اللانوس

الكستبنات في ماتور اللانوس ؟

الكلمات الدلالية لهذا الموضوع

المفضلات

المفضلات

ضوابط المشاركة