الموضوع: أساور الطاقة

المشاركة الأصلية كتبت بواسطة swimmer25

علي فكرة يا هشام بيه أنا عارف إنك من أكتر الناس في المنتدي اللي بتدور علي المعلومة في كل مكان...ده انت رويتر ما تجيش جنبك حاجة يا باشا
أنا فوق واخد إقتباسات من ويكيبيديا عن الموضوع ده وفعلا مفيش أي دليل طبي أو تجربة عملية عن الكلام ده خالص
أنا جربت اللي إنت قلت عليه ومحصلش معايا إهتزاز ولا نزلت رجلي علي الأرض...عشان كده قلتلك تجرب تمسك في إيدك أي حاجة تانية وحد يضربك علي ايدك وتشوف اي اللي هيحصل لان ممكن وايدك مضمومة بتقدر تتحكم في أعصابك أكتر أو حاجة وممكن تاثير الكلام اللي صاحبك قالهولك خلاك تصدق وهم مثلا(قصدي خلاك تتحكم في جسمك أكتر وبالتالي رجلك متنزلش علي الارض)
عامة أنا مش مقتنع بيه خالص لأن مفيش أي دليل عملي او علمي عليه وكله كلام في الهوا وسطحي جدا

بص يا باشا أنا فعلا مكنتش مقتنع نهائيا و مستحيل مخلوق يعرف يلعب فى دماغى بأى شكل لانى جربت كذا مرة الاول و قريبى ضرب على أيدى بقوة كذا مرة و أنا بالعند كنت بحاول أتزن جدا بصورة فى منتهى العند و زى ما قولت لك أنى و الحمد لله حتى يومنا هنا لو راكب المترو ممكن اقف على رجل واحدة و ارفع الرجل الاخرى و اربط رباط الحذاء بسهولة و ممكن ارفع رجل و ألفها فى حركة دائرية و أنا ثابت و فعلا مفيش عندى اى تفسير للى حصل خالص
و الغريبة أن فية نوع اخر بس صلاحيتة كبيرة جدا بس تمنها 1000 دولار
و الى عمل الموضوع بتاع الاختبار قريبى مش واحد غريب و لا بيبيع و لا عايزنى اشتريها أنت فاهم قصدى و بالمناسبة هو ما شاء الله طولة 199 سنتى و رياضى قديم جدا و كان لاعب بمنتخب مصر يعنى مش شخص ربع و لا ضعيف البنية

انا عايز اشتريها ولكن مش لازم ادخل في نظام غامض تشوبه شبه كتيره زي نظام كيو نت

وده في حد ذاته مريب، ان المنتج لا يمكن تشتريه الا عن طريق كيونت وبسعر عالي جدا مبالغ فيه زي 700 دولار