اقتباس المشاركة الأصلية كتبت بواسطة Boshy911 مشاهدة المشاركة
صباحكم فل ...

أنا عايز أستشير الأخوه الأعضاء في أمر هـــــام جداً .

يا ترا الميكانيكي اللي يحط فلتر زيت عربيه متسوبيشي في البايك مع علمه بمدي التأثير المدمر للحركه دي , يكون عقابه إيه ؟؟؟

طبعاً أنا مش حخوض في هذا التأثير المدمر وخصوصاً إن معظم الأعضاء الحديث منهم قبل القديم يعلم هذا التأثير وكتير من الأخوه الأعضاء سبقوني وعملوا مواضيع بتتكلم عن الحركه الو..... دي ...

وطبعاً لازم يكون فيه عقوبه أخري للأخ البايكر اللي الميكانيكي بتاعه :

1- غفله وحط فلتر زيت العربيه مكان الأصلي من غير هو مياخد باله .

2- غفله وحط فلتر زيت العربيه وأوهمه إن هو ده الفلتر الأصلي اللي شركة هوندا بجلالة قدرها أوصت بيه رغم إنه أصلاً معمول للعربيات المتسوبيشي , لكن هوندا أوصت بيه لأنهم هم الأتنين ياباني ذي بعض و أن العربيات و الموتوسيكلات واحد علشان بيمشوا علي عجل وعشان موتور العربيه و موتور الموتوسيل واحد .

3- قاله بدل متحط الفلتر الأصلي الغالي حط فلتر متسوبيشي الرخيص و طظ في الموتور وهو أقتنع بكل سهوله .

4 - للأخوه اللي الميكانيكي قالهم نحط الفلتر الأصلي وهو قاله ده غالي قوي خلينا فبتاع العربيه .


أرجوا منكم أنكم تحددوا العقوبه المناسبه علشان أنا خلاص حطيت صوابعي في الشق .

علي فكرة مين أللي قال أن فلتر الزيت بتاع السيارة يدمر موتور الموتوسيكل؟
ده كلام غير صحيح بالمرة
الفكرة ببساطة أن كل فلتر له مواصفات فنية محددة و هذه المواصفات تختلف بين البايك و السيارة يعني مش مجرد أن سن الفلتر ركب يبقي خلاص المشكلة أتحلت
و ممكن تلاقي فلاتر بعض السيارات متوافقة مع البايك و ساعات بمواصفات أفضل و أعلي من فلتر البايك
الموضوع محتاج دراسة
يعني الأول تشوف مواصفات الفلتر الأصلي بتاعك أيه بالضبط و ده عن طريق أي موقع فلاتر زي مثلا ده Motorcycle Oil Filter Cross Reference
و بعد كده تشوف أيه المناسب من حيث المواصفات و تدور علي أي سيارة تستعمل هذا الفلتر

مثال عملي : لو بايك CBR900RR موديل 1999 سوف تكتشف أنه يحتاج موديل رقم 5 و في نفس الجدول تكتشف أن الرقم المتوافق معه مثلا
AC Delco PF1237
و بالدخول علي موقع AC Delco تكتشف أن فلتر النيسان الأكس تريل 2500 سي سي متوافق تماما من حيث المواصفات مع فلتر البايك

طبعا ده كلام نظري 100% و لم أجربه شخصيا

بس علي مبدأ أنفخ في الزبادي بلاش موضوع فلتر السيارة و خليك في الفلتر الأصلي أضمن و أأمن