قدرالله وماشاء فعل : اول خبطة للعربية

**pointer** · 16-05-2008 12:21 PM

المشاركة الأصلية كتبت بواسطة Nile_Storm

قدر الله و ما شاء فعل
سيبها شويه زي ما الاخوه قالولك عشان الحسد

ايوه سبها وربنا يكفيك شر الناس الوحشه

**sameh.acc** · 16-05-2008 12:33 PM

شكرا لجميع اخوانى اللى واسونى ويارب ميوقعكم فى موقف زى دة ,,,, انا هسيبها تاخد وقتها ومش هعملها دلوقتى ,,,, الباكيتات دية بتبقى عبارة عن قطعتين جلد بيركبوا ع الاكصدامات اللى قدام وقطعتين ع الاكصدامات اللى ورا وساعات فية ناس بتعملها برضة ع الابواب فية ناس بيسموها " شنب " بس فعلا والله مع ان شكلها بيبقى ىمش ظريف شوية بس ليها لازمة جدااااااااا بتمنع اى حكات او خرابيش توصل للطلاء بتاع الاكصدامات

**دموع الثلج** · 16-05-2008 12:50 PM

قدر الله وما شاء فعل ربنا يكفيك شر الخبطات الوحشه اوووووووووى تزعل على خربشه او حكه قول الحمد لله انها جات فى كده
بص انا عربيتى قبل ما اركب نمر لقيت الفانوس الخلفى فى الارض مدشدش قلت الحمد لله جا ت فى فانوس مع انى كنت مخنوقه جدا
قالوا لى سبيه ياخد العين سبته ثانى يوم بعد ما ركبت نمر تاكسى ابن حلال اوى زنق نفسه بطريقه بهلونيه وراح جايب لى خربوش من الاكصدام للاكصدام وصل للصاج يعنى فيها رش بابين

اخر حاجه واحده طلع بمزاجها فجاءه فى تقاطع ترجع مرشدير راحت جايبه لى الرفرف الامامى واهوه محرومه من عربيتى ليا 10 ايام فى التوكيل

يبقى قول الحمد لله ومتزعلش نفسك

اقولك حاجه انا كنت كل ما ازعل على اى حاجه تحصل للعربيه ويتحرق دمى كان بيحصل لها الاكبر وكان الزعل اعتراض على اراده الله

**sameh.acc** · 16-05-2008 03:26 PM

فعلا يا اخت دموع الثلج انا مبقتش زعلان دية ارادة الله ,,, والله سبحان الله النهاردة فى خطبة الجمعة من شوية كان موضوع الخطبة " الابتلاءات " والخطيب قال ان الله اذا احب قوم ابتلاهم وان الواحد يحمد الله فى السراء والضراء و يقول " اللهم اجرنى فى بلوتى وابدلنى خير منها " و " انا لله وانا الية راجعون " والله سبحان الله حسيت كأن خطبة الجمعة دية موجهه ليا لانى لحد قبل صلاه الجمعة كنت لسة زعلان ,,,
فعلا الله يكون فى عونك على اللى حصل فى العربية عندك وربنا يقوى ايمانك وفعلا الواحد اما بيخاف ع العربية لازم بيحصل حاجة ودية فعلا ارادة الله وبيبقى تكفير للذنوب والصبر ع الابتلاءات بيرفع من درجات العبد فى الجنة وقدر الله وماشاء فعل متزعليش نفسك

**bassam nagy** · 17-05-2008 01:10 PM

قدر الله وما شاء فعل
الحمد لله بسيطة

**smsmbakr** · 18-05-2008 03:53 PM

ربنا معاك والله يعوضك ان شاء الله

**Neurovit** · 18-05-2008 07:43 PM

الحمد لله دائما على كل شئ لان القضاء وقع خلاص واتخبطت الواحد يتذكر لحظتها ويسترجع في حينها يعوضه الله خيرا عن ذلك
وربما جاءت الخبطة عشان تاخرك عن حاجة اسؤ كانت هاتحصلك واراد الله لك الخير
واللي يجي في الصاج يهون المهم صحتك انت
والحمد لله.......