استشارة عشان اطمن اني مش مفترية عليها

**M.Alaa92** · 02-10-2011 06:51 PM

استلمى الشقة يوم 19 اضمنلك من المماطلة و دورى ع واحد ياجرها ف ساعتها عشان يبقى ارتحتى منها + غيرى كالون الباب

**nicegypt** · 02-10-2011 07:23 PM

المشاركة الأصلية كتبت بواسطة نور القمر

طيب من الناحية القانونية ممكن حقي يضيع او تضرني بأي شكل من الاشكال بسبب تأجيل تنفيذ اذن الطرد ؟؟

ياريت لو حد من الاخوة المحاميين يردو على السؤال دة
حسب معلوماتى وتعاملي مع محاميين
الكلام دة ف حالة مرور سنوات على العقد المنتهى
مش ايام او شهر حتى .. بل بالعكس الشهر الزيادة لصالح حضرتك ف الحكم لانك
اعطيتيها مهلة .. ياريت حد من الاساتذة الخبراء يعدلوا على كلامى ان وجد
فهميها ان معاها لحد اخر اكتوبر بعد كدة مفيش غير قسم الشرطة .. ولو امكن حد من السماسرة
لو حضرتك تعرفي حد فيهم يشوف لها شقة ف حدود الايجار اللى بتدفعة حاليا َ .. خصوصا ان عندها اولاد
ووحيدة .. وربنا يضع ذلك ف ميزان حساناتك .. وهانت يا استاذة نور ..
بعد كدة مفيش غير

**hussein** · 02-10-2011 07:34 PM

اخر شهر 10 هيبقى فاضل 6 ايام على العيد وطبعا هتقولك لبعد العيد ومش هالحق ومش هعرف والعمال نزلو يعيدو(ودى حقيقة) هتترمى بعد كده لاخر 11

**Ahmed A Rahman** · 02-10-2011 08:13 PM

اوعي ثم اوعي ثم اوعي تتهاوني لانك مش حتاخدي شقتك غير بالقرف

انت حكيتي بالضبط على ساكن طلع عنينا

واوعي تفتكري لما حتنفذي الانذار حيحصل حاجه برضه مش حيطلع الا بطلوع الروح

ولما حاولنا نحجز على عفشه اتقلبت الآية ومراته جت تعيط وانتوا ميرضيكوش عفشي يروح مني

والعفش ده انا اللي شارياه وانا زي اختكم الصغيرة وخلي قلبكوا حنين عليا

وفي النهاية قعدوا شهرين زيادة من غير ما يدفعوا الايجار واستلمنا الشقة فيها ازاز متكسر كتير ومخدناش حاجه

مش حقولك غير الحزم ثم الحزم ثم الحزم

**A.Saad** · 02-10-2011 08:36 PM

الشغل مفيهوش عواطف
عندى واحد زى كدة ما يدفعش الا بالطرد

هيا كدة عقدها خلص
وانتى عملتى انذار بالاخلاء
قدامك حلين
شوية ناس وعفشها يترمى فى الشارع
او تشوفى المحاكم
وممكن تقرفيها
قطع كهربا عن الشقة
لب وكبريت فى كالون الشقة
اقفلى المياة لو ليها محبس وعداد مستقل
ناس تييجى تشوف الشقة كل شوية