بص موضوع الميا بتخلص ده كان عندي وطلع في الاخر جوان وش السليندر
اتاكد ان وصلات الميا سليمه
وموضوع تبطل وهي واقفه ده انت تشوفها علي الكمبيوتر و تعرف ايه الحساس االلي بايظ وتغيره
المشاركة الأصلية كتبت بواسطة farahat
شوف يا عزيزي ..
موضوع إن العربية تبطل لم تقف دة ليه أسباب كتير جداً ، بعضها مكانيكي وبعضها من الكمبيوتر (epc) ، الميكانيكي مش سهل إكتشافه ، لكن الاسباب الإلكترونية بتبان على جهاز كشف الاعطال ، خصوصاً لو الأصلي (ذي إلي بيكون في التوكيلات والمراكز المعتمدة ) لأن بيبان عليه مش بس العطل ولكن القراءة المصاحبة للعطل وبالتالي المهندس بيكتشف العطل أسهل .
لكن موضوع نقص المياه دة أكيد سبب مكانيكي ، مفيش حاجة ممكن تبوظ في ال-epc تخلي المياه تنقص أبداً ، وبالتالي ابتدي بالمشكلة دي وراجع كل الخراطيم والوصلات والجوانات ، لحد ما توصل إلى جوان وش السيلندر والصبابات (لو مكانيكي شاطر ممكن يعرفها من غير ما يفك ، جرب تبص على البجيهات وشوف شكلها إيه ) ، وبعد ما تحل المشكلة المكانيكية دي نبتدي نشوف الأداء شكله إيه ، لأن ممكن تكون هي نفسها إلي مأثرة على الموتور والتبطيل ، لو فضلت مشكلة التبطيل بعضها يبقى نكشف على ال-epc باستخدام جهاز ونشوف المشكلة فين .
جرب كدة وخذا خطوة خطوة وربنا يسهلك الأمور إن شاء الله
وده الي عملته والحمدالله لقيت واحد متخصص اسكودا ومرسيدس فقط قالي هاتلي العربيه بكره الصبح وهتستلمها مني مفيهاش الهوا وعنده كمبيوتر كمان وطمني خالص
هشو هيعمل ايه وهعرفكم بكره ان شاء الله ادعولي
المفضلات