الموضوع: هيونداى كانت تقليد لهوندا_'انا شايف كدة' حد معايا‎‎!‎

المشاركة الأصلية كتبت بواسطة i_am_legend

ماتهدى شوية ياعمر_فى ايه!_يا أخى وقف النترا2012_والسيراتو دى_جبن رينو فلونس_واركب ال3 وانزل منهم واكتبلنا حسيت بأيه_اقولك انا هاتحس بأيه_هاتحس ان كيا وهيونداى كنت قاعد فى لعبة بلاستيك!_حتى ريحة الخامات زى شنط المدارس!_ياراجل دة فلونس لو دخلت فى سيراتو ولا النترا _هاتنسفهاااا_شوف قفلة الباب بتاعة فلونس_سوف قفلة باب وخامات الهوندا سيفيك_شوف خامات فيات لينيا __شوف خامات سيتروين سى4_ياراجل انت بتكلم واحد شغال سيلز عربياااات_يعنى انا فاهم انا بقول ايه_وللعلم اى عميل بيجيلى مجرد مابيركب سيراتو_وينزل يركب فلونس_بينسى كأنة جالة زهايمر مفاجئ_

عمرو مش عمر يا ريس....
مفيش حاجة انا هادى اصلا انت اللى اتعصبت.....
انا ولا قولت النترا ولا سيراتو ولا فليوانس ولا سيفيك ولا لينيا ولا سيتروين عشان حضرتك تقولى اركب و انزل......
ياريس ده كلامك قبل ما تبقى سيلز عربيات ....
على فكرة انا ركبت سيراتو و نزلت وركبت فليوانس و نزلت والحمدلله مانسيتش ولا حاجة و كنت فاكر عنوانى واهلى و كل حاجة الحمدلله...
انا بس ممكن تقول اتفاجئت من تهييس مستشار شركة جنرال موتورز (سائق متقاعد) و حبيت استعجل التفاصيل اللى حضرتك هتقولها باعتبارك سيلز عربيات وفاهم انت بتقول ايه...((زى مابتقول)).....

المشاركة الأصلية كتبت بواسطة i_am_legend

ايه يعنى سائق متقاعد!_مش فاهم انا_دة شركتة نفسها بتفلس_وقفلت مصانع كتير جدا_وباعت معظم علاماتها_انت ناسى ان فياااات_اشترت كرايزلر_ياعمرو_سبب ان كيا وهيونداى بتبيع الشكل فقط لا غير_لأن بيتر شراير_الديزاينر بتاع اودى!_راح كيا_وهو اللى صمم السبورتاج الجديدة!_ياعمرو انت شخصيا راكب سيراتو تصميمها مقتبس من السيفيك النسخة الأمريكية_مع احترامى الشخصى ليك ولكل الأعضاء_إحنا بتناقش مش بنتخانق_وأى شخص هايتكلم كلمة مش تمام بنقولة شكرا_دة مش هنا_احنا مالناش فى الردح

جنرال موتورز كانت على وشك الافلاس مع ازمة امريكا الاقتصادية فعلا لكن الحكومة الامريكية تدخلت و ضخت اموال فيها و ممكن دلوقتى انت تراجع ارباحها و ترتيبها على مستوى العالم فى المبيعات.....
سبب ان كيا و هيونداى بتبيع الشكل هو بيتر شراير...؟؟!!!! معلش متهيألى تقصد ان سبب التصميمات الثورية والمبتكرة الجديدة لكيا و هيونداى هو بيتر شراير كده اوك ماشى لكن سبب البيع ده موضوع تانى خالص و هو عدة اسباب مش سبب واحد.....ولو كان سبب البيع هو الشكل بس ماكنش حد غلب سيادتك......
السيراتو تصميمها مقتبس من السيفيك الامريكانى.....النقطة دى سيادتك الوحيد اللى بتؤمن بيها وبصراحة مش عارف ايه هو دليلك او المصدر بتاعك.....
ماعتقدش اى اى رد من ردودى كان فيه تعصب او شبهة خناق او حاجة او حتى كلمة مش تمام او ردح ((زى مابتقول)) الا لو بتعتبر ان الاختلاف معاك ده خناق و ردح...!!!