هيونداى كانت تقليد لهوندا_'انا شايف كدة' حد معايا‎‎!‎

**AutoTycoon** · 04-10-2011 05:21 PM

على فكرة اسلوب هيونداى بردة فى التسويق اسلوب غير شريف ودة اللى يثبت كلامى

بصراحة انا عايز شرح للجملة دي عشان فهمي على قدي شوية

**SAMEH_FOUAD** · 04-10-2011 05:34 PM

المشاركة الأصلية كتبت بواسطة AutoTycoon

بصراحة انا عايز شرح للجملة دي عشان فهمي على قدي شوية

بتلجأ الى وضع فيديوهات عن سيارات من شركات عريقة زى البى ام والهوندا وتطلع تقارير عنهم فى الاختبار كلها خاطئة , ويتعمل اعلانات بتسىء الى السيارات المنافسة كأنها اقل منها بكتير او لاترقى لمنافستها مع انها احسن منها بمراحل ودة طبعا غلط
وانا قولت كدة واثبت كلامى ومحدش فيكوا رد

واكيد حضرتك شوفت الفيديو وشوفت بتعمل اية يعنى هو ينفع عشان اعلن عن عربية ولتكن فورد فوكاس اروح جايب سوبارو STI واصورها وهية عطلانة وانا واقف مش طايق العربية ولا اللى جايبينها واول لما اشوف الفوكاس تروح عينى متهبلة عليها واسيب السوبارو واروح للفوكاس دة ينفع اعلان

والله لو عايزة تعمل كدة يبقى تجيب عربية هيونداى قديمة وتمشى الجديدة ويارب تدوس عليها حتى اهية شركة واحدة فى الاخر
ودة بقى الاختبار الحقيقى من مجلة عالمية اختبرت السياراتين على الحياد

Compare: New 2011 Hyundai Sonata vs. 2011 Honda Accord

والنتيجة النهائية الطبيعى هية للاكورد طبعا بلا جدال

**AutoTycoon** · 04-10-2011 05:45 PM

الكلام دا عادي جداً في امريكا comparative advertising .. عادي يعني
مشوفتش إعلان الكروز مع كورولا و سيفيك و فوكاس؟

**SAMEH_FOUAD** · 04-10-2011 06:00 PM

لأ ياباشا فية فرق بين اعلان وفرق مابين اختبار يطلعوا بياناتة غلط هو مش عارفين

**hugan** · 04-10-2011 10:13 PM

المشاركة الأصلية كتبت بواسطة se_coralsea

الأخوة الكرام..

اسعد الله صباحكم بكل الخير ..

و الله الموضوع ده كنت عايز اكتب عنه خصوصا لما كنت في أيطاليا أخر مرة و شوفت حاجة غريبة جدا
معظم السيارات تقريبا شبه بعضها بس بتختلف في العلامات التجارية

و افتكرت نكتة السمنة ..
كلهم مصنع واحد و في الاخر بتتعبي في علب مختلفة الاشكال و المسميات و تطلع كل ممثلة بعد كده في أعلان مختلف و تقولك دي السمنة دي أحسن من دي و أحنا نجري و نشتري و ندفع و في الاخر الفلوس كلها بتخرج من جيوبنا لمصنع السمنة

أعتقد العربيات نفس الشئ ..
أمبارح كنت واقف في البلكونة بأتفرج علي العربيات اللي مرصوصة في الباركينج قدامي
- ألنترا
- كروز
- سيراتو
- سيفيك
- رينو فلوانس
و غيرهم
بصراحة حسيت أنها عربية واحدة بس الاختلاف في شكل العلامات و بعض التغيير في الفوانيس

بصراحة من الاخر
كلهن سواء

مع خالص تحياتي
م/ سمير الشهاوي

:b4_388::b4_388:
+11111111111
اظن ان المصريين هما الشعب الوحيد علي كوكب الارض اللي عايش في الجدل العقيم
اوروبي
ولا ياباني
لا الكوري ارخص
لا الصيني اوبشن وشكل حلو علي مفيش
وفي الاخر الاداء واحد والمشاكل واحد والشوارع اللي ما بتمشيش واحد

**superb** · 06-10-2011 07:22 AM

ببساطه لو لم تختلف الأذواق لبارت السلع .. اللى عاوز كورى يركب واللى عاوز يابانى يركب واللى عاوز المانى يركب و اللى عاوز صينى يركب .. اهو اللى اختار يابانى حرم نفسه من الأوبشنز و الشكل .. واللى ركب كورى دلع نفسه بأوبشنز دلعته و سعر حنين .. و الصينى واحد قرر يدلع نفسه بسعر حنين اكتر .. و فى كل الأحوال كلها عربيات و بتوصل و بتفسح و بتسافر و بتشيل الصحاب و بتاخد بنزين و مصاريف ... :)

العبها صح ... تركبها صح

**Haitham10** · 06-10-2011 11:16 AM

انا من رأيي هيونداي شركة ابتدت تغير نهج مسارها في اواخر الالفية بعد مااخدت الخبره اللازمة لتغيير خطوتها والي بتعمل كدة زيها الصين بس الصين ابتدت من مرحله متقدمة ومن جميع الاسواق الاوروبية والامريكية واليابانية والكورية عشان كدة عربياتها كوكتيلات بشكل واضح

انا حاسس انه مش عيب لو الشركة استفادت واتعلمت واتطورت انما غير كدة يبقي هطل لان مفيش مقارنة

والي عايز يفهم كلامي يفكر احنا لو عاوزين ندخل المجال دة كمصريين هنبدأ ازاي ونعمل ايه ماهو لازم يبقي في تخطيط و رؤية لنماذج

تقبلوا تحياتي جميعا ً

-

-

الموضوع: هيونداى كانت تقليد لهوندا_'انا شايف كدة' حد معايا‎‎!‎

LinkBack

أدوات الموضوع

عرض

-

-

-

-

المواضيع المتشابهه

مرحبا بالديموقراطية ان كانت علمانية او ليبراليه و سحقا لها ان كانت اسلاميه

هو فية تقليد للكروز

سعر الاسترا 2003 1600 لما كانت جديده في منصور كانت بكام؟؟؟؟

معايا عربية هيونداى اكسنت موديل 99 كاملة اتوماتيك وكنت عايز اعملها تعديل

معايا هيونداى اكسيل 1300 هاتش باك بس مش لاقى فانوس خلفى

الكلمات الدلالية لهذا الموضوع

المفضلات

المفضلات

ضوابط المشاركة