نيسان تيدا سيدان معمولة تاكسي ابيض !!!

**elmkaneeki** · 05-10-2011 08:32 PM

لعلمك يا دونزى الكيا بيكانتو فى بنى سويف عاملة احلى شغل كاتاكسى

**Bishoy.Girgis** · 05-10-2011 09:14 PM

المشاركة الأصلية كتبت بواسطة ehabvet

السؤال هو ..
هل ممكن يكون محولها غاز طبيعي ؟؟؟

المشاركة الأصلية كتبت بواسطة donzi

هوا الاوتو بيتحول غاز طبيعي ؟؟

المشاركة الأصلية كتبت بواسطة elshennawy

لمحه رائعه يا دكتور ....

ساعتها فعلا تبقى افضل السيارات اعتماديه عشان تبقى تاكسي

اولا يا دونزي انتي مشكلة انا لما جيت اقرا تعليقاتك و امضيتك ناديت علي مراتي و عاملين نضحك مش عارفين نبطل ضحك هههههههههه

بالنسبة بقي لموضوع تحويل العربية للغاز الطبيعي للوتوماتيك .. الموضوع ده يا جماعة عادي جدا جدا و انا اعرف شركة من شركات الغاز الطبيعي و اتكلمت معاهم كتير في حتة التحويل للغاز الطبيعي بس طبعا مش لعربيتي بعد الشر عليها من الغاز الطبيعي

لاقيتهم محولين انواع عربيات كتيرة جدا جدا و ماركات مختلفة بالذات انهم بيطوروا من نفسهم كتير و كمان ده في عندهم امكانية بتزيد الف جنيه للعربيات الانجيكشن مخصوص و حولوا عربيات كتير و منهم علي فكرة النيسان صني و انا شوفتها بنفسي و اوتوماتيك

فأنا عن نفسي بعتبر اللي عامل النيسان صني بالذات تاكسي بدون تحويلها لغاز طبيعي يبقي ده كل معادلاته غلط في غلط لان كلنا نعرف ان الصني تكنولوجية موتورها عالي و قدام كده بيبقي استهلاك البنزين عالي شوية

بعكس التيدا معدلاتها في الاستهلاك معقولة جدا بتقارير الاعضاء هنا في القسم فلو محولهاش لعاز طبيعي اعتقد انه مش هيخسر كتير و بعدين التاكسي دلوقتي مطلوب جدا جدا في اي مكان و صعب انك تلاقي تاكسي فاضي الايام ديه

يبقي كده المعادلة اتظبطت ان مع الشغل الكتير مع عربية محترمة يبقي مش هيفرق معاه قطع غيار للعربية مع الاستخدام السليم ليها و انتوا عارفين ان اي عربية جديدة مش بتطلب قطع غيار الا بعد 5 سنين علي الاقل مع الاستخدام المحترم للعربية

هقول لكم بقي ايه اللي العربيات اللي فعلا بترخم علي شركات الغاز الطبيعي في التحويل .. مش هتصدقوني .. العربية الاسبرانزا 516 .. فعلا الشركات بيشتكوا من العربية ديه عند التحويل

**EhabVet** · 05-10-2011 11:17 PM

المشاركة الأصلية كتبت بواسطة Donzi

لا طبعا يا استاذ ايهاب دا كله مجرد هزار فقط لا اكثر

و الحمد لله و الف حمد و شكر دا احنا في نعمة كبيرة اوي ربنا يديمها علينا و يباركلنا فيها يا رب

اللهم آمين

**Ahmed.TV** · 06-10-2011 06:20 PM

ايه المواضيع والاخبار الجامدة دى يا دونزى
فعلا حاجة غريبة ان الواحد يشوف بينى وبينك تاكسى تيدا
هو بالنسبة للتاكسيات لو اتعمل مصلحة لان العربية واسعة جدا .. ومصلحة اكتر ان تنتشر اكتر العربية اللى اصبحت فى طريقها الصحيح لانتشار .. خصوصا لاى واحد عاوز عربية محترمة مفهاش وجع دماغ

بس دلوقتى فعلا مبقاش مقياس .. تويوتا وكمان سيراتو وغيره وغيره عمالين تاكسى
بس اظاهر الاغلب انهم غاز طبيعى .. عشان يقدر يتحمله السواق ويوفر معاه

مش ناوية بقا تغيرى الريو وتجيبى تيدا هاتش باك

هااااااااااااااا .. وانا اعملك صيانتها بايدى والله

**Youssef.Awad** · 06-10-2011 06:43 PM

المشاركة الأصلية كتبت بواسطة peaceman

هقول لكم بقي ايه اللي العربيات اللي فعلا بترخم علي شركات الغاز الطبيعي في التحويل .. مش هتصدقوني .. العربية الاسبرانزا 516 .. فعلا الشركات بيشتكوا من العربية ديه عند التحويل

:b4_388: صح كلامك يا معلم عربية استغفر الله العظيم فى كل حاجة
بصراحة لما باشوفها ماشية فى اى حتة بتجيبلى العصبى خاصة شنطتها اللى بتفكرنى بواحد مخبوط على قفاه
مرة كنت راكب مع تاكسى ابيض اسبيرانزا من رمسيس لمصر الجديدة ولسه بلاستيك الكراسى والتابلوه عليها
بافتح الازاز الامامى ناحيتى قدام ما فتحش الزرار بايظ والحمد لله قولتله يفتحه يمكن يكون قافل اللوك طلع الزرار معلق وفتحلى الازاز من بابه
شوية ودخل يمون غاز من غمرة قعد ييجى ربع ساعة بعدها العربية ما دارتش عالطول قولت ماشى
جاى طالع كوبرى احمد سعيد ونازل منه العربية عدت على فاصل من الكوبرى هوب ولقيت العربية بتزمر صوت انذار كده
باقوله فى ايه قالى الشنطة فتحت من المطب !!!!!!!!!!!!
ركن ونزل يقفلها قدام الكاتدرائية
المهم وصلت بالسلامة ولما نزلت حلفت 100 يمين ما انا راكب اسبيرانزا تانى تاكسى
الغريب بقى انى اعرف دكتور عنده اسبيرانزا 516 مانيوال مو2007 او 2008 وصنى اتوماتيك ex saloon مو 2010
كل ما اشوفه يسألنى ع الصنى عاملة معايا ايه ويسب ويلعن فيها وفى سواقتها وبنزينها وقعدتها وبيقول قصايد شعر فى الاسبيرانزا !!!!!!!!!!!!!!!!!!!!!
بس نقول ايه ارزاااااااق بقى

**Donzi** · 06-10-2011 07:37 PM

المشاركة الأصلية كتبت بواسطة peaceman

اولا يا دونزي انتي مشكلة انا لما جيت اقرا تعليقاتك و امضيتك ناديت علي مراتي و عاملين نضحك مش عارفين نبطل ضحك هههههههههه

ممممممممممم اعتبر دا مدح ولا ذم ؟؟

قعدتوا تضحكوا من منطلق ..... ايه البنت العبيطة دي !!!
و لا قعدتو تضحكوا من منطلق ..... والله دمها خفيف و زي العسل ؟؟؟

اصلها تفرق كتير , قول بسرعة قبل ما انتحر

عموما ربنا يجعلني سبب لضحك الناس دايما وعمري ما اكون سبب زعل او ضيق لحد يا رب

**Donzi** · 06-10-2011 07:41 PM

المشاركة الأصلية كتبت بواسطة maserati

السلام عليكم و رحمة الله و بركاته

لاااااااااااااااااااااااا أ يا فندم, كل حاجة و ليها أصول, مش سايبة هى !!!!!!!!!.

لازم يكون حاصل على دبلوم غسيل سيارات فارهة و رياضية + خبرة 3 سنين و يكون ايده ناعمة و معاه اللى يثبت أنه كان بقاله 10 سنين أو أكتر بيحط كريم نيفيا المستورد مش المصرى أو كريم جليسوليد, المستورد برضه مش المصرى.

دبلوم غسيل سيارات !!!؟؟؟ دا من انهي جامعة دا ؟؟ هارفرد ولا حاجة اعلى من كدا ؟
خبرة 3 سنين موجود يا فندم

واضح ان ثقافة حضرتك في الكريمات وقفت لحد مرحلة معينة , ينفع أولاي او أوريفلام او الست فيكتوريا ؟؟ و متقلقش كل دول بيتصنعو برة اصلا

و همتك معانا بقى تتوسطلي في الموضوع خلي الواحد يقب على وش الدنيا

**Donzi** · 06-10-2011 07:48 PM

المشاركة الأصلية كتبت بواسطة ahmed.tv

ايه المواضيع والاخبار الجامدة دى يا دونزى
فعلا حاجة غريبة ان الواحد يشوف بينى وبينك تاكسى تيدا
هو بالنسبة للتاكسيات لو اتعمل مصلحة لان العربية واسعة جدا .. ومصلحة اكتر ان تنتشر اكتر العربية اللى اصبحت فى طريقها الصحيح لانتشار .. خصوصا لاى واحد عاوز عربية محترمة مفهاش وجع دماغ

بس دلوقتى فعلا مبقاش مقياس .. تويوتا وكمان سيراتو وغيره وغيره عمالين تاكسى
بس اظاهر الاغلب انهم غاز طبيعى .. عشان يقدر يتحمله السواق ويوفر معاه

مش ناوية بقا تغيرى الريو وتجيبى تيدا هاتش باك

هااااااااااااااا .. وانا اعملك صيانتها بايدى والله

مواضيع جامدة ايه بس يا أحمد

دا انا طلعت قديمة اوي و البلد مليانة كورولا و كروز و سيراتو و صني تاكسيات و انا اللي مش دريانة

اتارينا في القاهرة فاكرين نفسنا في العاصمة بقى و متدلعين طلع مضحوك علينا

بس واضح فعلا ان موضوع تشغيل التاكسي سياحة او من و الى المطار او بالمشوار بينفع فعلا مع العربيات دي و ألا مكنوش اشتغلوا و اعتقد ان هما بيكونو مأمنين برضو و بالتالي مش شايلين هم قطع الغيار و لا قدر الله الحوادث اوي يعني

بالنسبة لموضوع التغيير فا تعمل حسابك ان شاء الله بدون مقاطعة كمان تلات سنين لما اخلص اقساط الريو

و اكون حوشت بعد ما اسافر اشتغل سايس في الجراجات السابق ذكرها فوق دي تبقى تشوفلي حتة تيدا على ذوقك كدا

**Donzi** · 06-10-2011 07:50 PM

المشاركة الأصلية كتبت بواسطة y2y1500

:b4_388: صح كلامك يا معلم عربية استغفر الله العظيم فى كل حاجة
بصراحة لما باشوفها ماشية فى اى حتة بتجيبلى العصبى خاصة شنطتها اللى بتفكرنى بواحد مخبوط على قفاه
مرة كنت راكب مع تاكسى ابيض اسبيرانزا من رمسيس لمصر الجديدة ولسه بلاستيك الكراسى والتابلوه عليها
بافتح الازاز الامامى ناحيتى قدام ما فتحش الزرار بايظ والحمد لله قولتله يفتحه يمكن يكون قافل اللوك طلع الزرار معلق وفتحلى الازاز من بابه
شوية ودخل يمون غاز من غمرة قعد ييجى ربع ساعة بعدها العربية ما دارتش عالطول قولت ماشى
جاى طالع كوبرى احمد سعيد ونازل منه العربية عدت على فاصل من الكوبرى هوب ولقيت العربية بتزمر صوت انذار كده
باقوله فى ايه قالى الشنطة فتحت من المطب !!!!!!!!!!!!
ركن ونزل يقفلها قدام الكاتدرائية
المهم وصلت بالسلامة ولما نزلت حلفت 100 يمين ما انا راكب اسبيرانزا تانى تاكسى
الغريب بقى انى اعرف دكتور عنده اسبيرانزا 516 مانيوال مو2007 او 2008 وصنى اتوماتيك ex saloon مو 2010
كل ما اشوفه يسألنى ع الصنى عاملة معايا ايه ويسب ويلعن فيها وفى سواقتها وبنزينها وقعدتها وبيقول قصايد شعر فى الاسبيرانزا !!!!!!!!!!!!!!!!!!!!!
بس نقول ايه ارزاااااااق بقى

لولا اختلاف الاذواق لبارت السلع ، بس بالنسبة للتاكسي اللي انت كنت راكبه دا ...................... تفتكر العيب في التاكسي !!؟؟

-

الموضوع: نيسان تيدا سيدان معمولة تاكسي ابيض !!!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

نيسان تيدا سيدان اول فئة ام لانسر بوما اتوماتيك أول فئة

استفسار بخصوص نيسان تيدا سيدان 2012

حجم شنطة نيسان تيدا سيدان

نيسان تيدا سيدان 2012

سوزوكى sx4 سيدان ولا نيسان تيدا سيدان الاتنين اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة