الموضوع: شوية مشاكل للاسكورت .. ومحتاج خبير فورد

المشاركة الأصلية كتبت بواسطة egy_3assy

[gdwl]لا عمرها ما حصلت الصبح .. في الغالب لما بتحصل بتكون العربية سخنة وكانت دايرة[/gdwl] .. دة غير اني بطلت وانا واقف انتظار ابطل العربية من القلق انها ماتدورش تاني.. والبطارية معرفش تاريخها بما ان العربية لسة مكملتش شهر معايا.. بس مفيش حاجة مهيسة في كهربة العربية يعني الزينون بينور و الانوار و الكهرباء كلها شغالة الحمد لله.. هي ماوسلتش للاحمر طبعا بس كنت حاسس انها سخنة .. و عايز معلش اسال علي حاجة كمان... اعرف منين ان الزيت محتاج يتغير والردياتير عايز صيانة؟؟ .. مع العلم انو مش بيطلب مية .. بس المية صفرا جدا و عايز اغيرها لمية خضرا او زرقا زي الحج الوالد :]

كده يبقى نستبعد البطارية .... ويبقى السبب حاجة من اثنين ... ياإما المارش فيه ماس ياإما البوبينة بتسخن .
في الحالة الأولى الكهربائي هيشوف المارش ويصلحه وفي الحالة الثانية هتغير البوبينة. عموما ممكن تكشف على البوبينة لما العربية تسخن وتكون مش راضية تدور بأنك تجيب فوطة مبلولة وتحطها على البوبينة علشان تبردها وتدور العربية ، لو دارت يبقى هي وتغيرها.
بالنسبة للزيت كان المفروض تغيره اول ماجبت العربية علشان تحسب لنفسك هتمشي بيه كام كيلو بصرف النظر اللي باع لك العربية غيره امتى. غير الزيت دلوقتي احسن.
طالما الميه مش بتنقص من القربة يبقى الردياتير سليم ومفيش داعي تخلي حد يلعب فيه ... ممكن بس تخلي بتاع الردياتيرات يغسل لك دورة التبريد وطالما الحرارة ماوصلتش للأحمر حتى مع التكييف يبقى كده في الطبيعي ماتقلقش.

محدش من الاخوه الاعضاء معاه فورد اسكورد يدينى فكره عامه عليها موديلات قديمه يعنى 1998 الى 2000 عشان بفكر اشتريها ومعرفش اى حاجه عنها غير ان سعرها فى التلاتينات فقط

معلش ممكن ابعد عن الموضوع بعد اذن صاحبه
انا معروض عليا
1300سى سى | 120000كم

فورد اسكورت مو99 لون احمر فبريقا بالكامل من الداخل والخارج اول يد سنتر وانزار وكاست الفبريقا هاف باور وكاوتش جديد وحالة الموتور والعفشه ممتازين ولا تحتاج الى اى مصاريف رخصه سنه
على 29500 ج هل ده سعر كويس ولا اخرها كام؟؟لو افترضنا ان حالتها زى ما صاحبها قايل

المشاركة الأصلية كتبت بواسطة ahmed_oth

معلش ممكن ابعد عن الموضوع بعد اذن صاحبه
انا معروض عليا
1300سى سى | 120000كم

فورد اسكورت مو99 لون احمر فبريقا بالكامل من الداخل والخارج اول يد سنتر وانزار وكاست الفبريقا هاف باور وكاوتش جديد وحالة الموتور والعفشه ممتازين ولا تحتاج الى اى مصاريف رخصه سنه
على 29500 ج هل ده سعر كويس ولا اخرها كام؟؟لو افترضنا ان حالتها زى ما صاحبها قايل

صاحبها يقول ... انما انت لازم تفحص وتتأكد بنفسك ولو الحالة فعلا زي مابتقول يبقى السعر مناسب.

نسيت اسألك العربية مكيفة ولا لأ؟

المشاركة الأصلية كتبت بواسطة egy_3assy

طيب انا معرفش مكان الموبينة .. ممكن توريني صورة لو سمحت لحوض العربية و مكان الموبينة .. عشان عملتها امبارح علي اكتوبر .. التكييف كان شغال و فجأة وانا علي المطلع راحت مبطلة و فضلت احاول ادورها بتاع تلت ساعة كدة واقف ومش راضية تدور لغاية ما شلت فيشة المروحة و استنيت شوية و بعد كدة دارت .. ومشيت عادي.

تؤمر ياباشا لكن هيكون بكره لأني في الشغل من غير العربية النهارده.