[QUOTE=mido51eg;3873863913]

اقتباس المشاركة الأصلية كتبت بواسطة ahmed_oth مشاهدة المشاركة
الف شكر يا جميل على معلوماتك
انا اكتشفت انها محتاجه الكومبيروسر للاسف ,,يترى ممكن يعمل كام وهل بتاعها منتشر وكده اعتقد ان السعر هينزل تانى ولا ايه؟ وينفع احط بنزين 80 ؟
واحسن مكان اكشف عليها عنده كشف كمبيوتر ولا مش محتاجه؟


بص ياسيدي الفاضل ، العربية دي اساساً كانت بتنزل من بره (مجهزة فقط) للتكييف والوكيل كان بيركب التكييف هنا في مصر كنوع من تخفيض ثمن العربية علشان يكسب اكتر. والكومبريسور اللي بيركب فيها مش فورد ، ده ساندن 508 ياباني ومتوفر جدا جديد واستيراد. معرفش ثمنه جديد بكام. استيراد اعتقد ثمنه من 350-500 جنيه حسب الحالة والنضافة. وان كنت ارشح انك تجيب الجديد احسن طالما هي دي مشكلة التكييف الوحيدة عندك.
معتقدش ان في الفورد ممكن تحط بنزين 80 ، لأن اللي بيحدد نوع البنزين اللي تحطه مش اذا كانت العربية كربراتير ولا انجكشن زي ماالناس معتقدة وانما اللي بيحدد نوع البنزين حاجة اسمها نسبة الأنضغاط . في الفورد نسبة اضغاط المحرك عالية بمعنى انك لازم تحط بنزين 92. بعكس عربية زي اللوجان مثلا نسبة انضغاطها 9.5 يعني عادي جدا انها تمشي ببنزين 80 وتحصل على اداء ممتاز منها.
اقتباس المشاركة الأصلية كتبت بواسطة mido51eg مشاهدة المشاركة
ايوه طبعا المفروض انك تغير الزيت اول ماتشتري العربية لأنك متعرفش الزيت اللي فيها بقاله اد ايه.
المفروض تغير :
1- الزيت .
2- البوجيهات.
3- فلتر الهواء.
4- سير دينامو.
5- سير التكييف.

بالنسبة للزيت انا بحط زيت شل هيلكس (الأصفر) بـ 116 جم بيقعد 3000 كيلو.
البوجيهات حضرتك هتجيب بوجيهاتها الأصلية واسمها (موتور كرافت) وتخلي الميكانيكي يضبط الخلوص على 1.0 وماتخليش الميكانيكي يفتي ويركبها زي ماهي وتصر انه يضبط الخلوص.

اخيرا الأفضل انك تعمل الصيانات دي عند ميكانيكي فورد لأنه هيبقى عارف الحاجات دي من نفسه ومش هيفتي.
متشكر جدا يا جميل على المعلومات القيمه ديه
وبارك الله فيك
ممكن اتقل عليك واسئلك على محلات قطع غيارها موجوده فين فى القاهره او الجيزه
وترشحلى افضل مكان عشان اكشف عليها قبل مشتريها
انا لسان عاجز عن الشكر يا فندم