الموضوع: مركز الصفا لتحليل و معالجة العوادم وصيانة الكربراتير والانجكشن

بسم الله الرحمن الرجيم

دي اول مشاركة ليا في المنتدي وهخش في الموضوع علي طول , انا معايا عربية دايو نوبيرا 1 موديل 1997من سنتين

المشكلة بدات بان عداد السرعة بينزل علي الصفر وانا ماشي ويرجع تاني يشتغل وكانت بتحصل كل فين وفين وبعد كده المعدل زاد وروحت لبتاع العدادات وقالي ان العداد سليم ومفيهوش حاجة , مهتمتش طالما مش ماثرة علي العربية وكبرت دماغي

بدأ الموضوع يزيد اكتر و كمان بدأت تظهر معاه اعراض تانية ان لمبة التشيك تنور والماكنة صوتها يعلا وعداد السرعة علي زيرو والار بي ام يعلي , وكل ده يحصل في توقيت واحد وانا ماشي علي الطريق ومرة واحدة كلة يرجع طبيعي , بس كلة ده مبيأثرش علي اداء العربية غير ان لما بيحصل الحجات دي العربية بتنط مني وبين النقلات لازم اسيب رجلي كتير علي الدبرياش عشان متبطلش

انا اصلا كنت علي وش شمبر المهم ربنا كرمني وعملتة وبالمرة غيرت فلاتر وسيور وكل اللازم ونضفت الفيش والانجكشن وكل ده وبعد ما استلمت العربية بعد الشمبر مازالت نفس المشكلة بتاعة الدربكة موجودة

بعض الاصدقاء قالولي حساس من الحساسات وانا بصراحة مش عارف احدد العطل ورحت لكذا واحد معرفش يعملها وفي ناس نصحوني بمركز الصفا

يا ريت مساعدة من المنتدي بتحديد العطل واية انسب مكان اروحة واسعار الحساسات دي اية
واسف اني طولت وشكرا للاهتمام وكل سنة وانتوا طيبين

عايز اعرف المركز بيشتغل في المرسيدس موديل 2008 c200

هو المركز شغال ف الفورد عادي ،،معايا فورد كا وعاوز أغير جوان غطا التاكيهات وأضبط قواعد الموتور ،والفرامل . وجزاكم الله خيرا

انا عندى ليجانزا وبتعمل 400 فى 65 لتر دا معدل طبيعى ولا محتاج المكركز واكشف عليها

انا عندي مشكله ممكن ليها حل عندكم عربيتي كيا ريو 2013 فيها عيب عامله 6000 ك وبره الضمان ﻻنها خليجي اﻻنجيكشن بينو والعربيه بتفصل كبس بنزين واما قفلها واشغلها تاني تشتغل عادي بس تكون اللمبه اﻻنجك منوره وشويه وتعملها تاني اقغ بيها واحاول اطفي اللمبه العربيه تشتغل كويس وترجع لطبيعتا لو فيه حل قولولي انا اتخنقت بجدومش عارف امشي بيها تليفوني01118411844 شكرا

ياجماعة انا رحت المركز يوم الاربعاء 15- 5
العربية اوبل كورسا 95 بأسم عمرو محمد فهمى
العربية كانت بتاكل بنزين جامد جدا بتعمل 120 كيلو في الصفيحة وطبعا دخنة سوداء جامدة
وكسابق عهدى بكم ذهبت من التاسعة صباحا وخدت رقم 2
وبدئنا بتجربة تغيير الرشاش والحساسات والكنترول (من عندكم) والحمد لله طلع العيب مش منهم
وبعد وقت طويل (الله يكون في عون رمضان ) طلع الطرمبة وعمل فيها حاجة (قطعة غيار بـ15 جنيه)
وقالى ان خرطوم الراجع كان مسدود فالبنزين اللى بترميه الطرمبة مبيرجعش الزيادة منه وحط العربية على الجهاز وكانت النسبة 0.9% بعد ماكانت 9.9 وكان الحساب 250 جنيه مصنعية +15 جنيه للطرمبة
ومشيت من عندكم وبعد ماطلعت الدائرى بداءت حاجات غريبة
1-وانا باخد اى ملفات يمين ورجلى على البنزين فجأة كأنى فصلت دورة الوقود يعنى ابقى باخد ملف على سرعة 60 ورجلى على البنزين اول ماابتدى الف الطارة جهة اليمين قلبلا بتفصل دواسة البنزين !!!!!!!!!!!!
2-الدخنة السودا زادت كتير عن الاول
3-العربية فولتها بعد ماطلعت من عندكم 45 لتر باقى منهم 13 لتر والعربية معملتش غير 207 كيلو وكلهم طريق سريع بدون اى زحام !!!!!!!!!!!!!!!!!!!!!!!!!!
يعنى 30 لتر عملو 200 كيلو !!!!!! مع العلم ان الاستهلاك الطبيعى على الطريق السريع 300 كيلو في الصفيحة

ملحوظة اخيرة ياجماعة ومهمة جدا : اول مادخلت المركز استقبلنى المهندس هانى وقالى بالحرف العربية دى احنا حفظنها وبتاخد شغل كتيير فبتكلف 170 جنيه وطبعا انا لم اعترض وقلتله انى موافقوبعد ماخلصت وجيت احاسب لقيت الحساب 265 جنيه ولما سألت عن السبب قالولى انه فك الطرمبة وعمل حاجات في الضفيرة (لف عليها شريط لحام ) طبعا انا معنديش مانع بس حنفترض ياجماعة انى معاعيش غير المبلغ اللى اتقالى عليه كان حيبقى موقفى ايه كنت حتصرف ازاى وانتو كنتو حتعملو معايا ايه ارجو ياجماعة تقدرو النقطة دى وان اى تغيير في التكلفة يتم ابلاغ العميل عشان حتى لو المبلغ اللى معاه ميكملش يلحق يتصرف او ايا كان التصرف

واخيرا انا فعلا بشكر الراجل اللى اتسحل في عربيتى من الـ10 صباحا وحتى الـ3 عصرا بجد رمضان ده راجل جدع وكويس جدا وبيفهم وعنده ضمير