الموضوع: مركز الصفا لتحليل و معالجة العوادم وصيانة الكربراتير والانجكشن

المشاركة الأصلية كتبت بواسطة gebriloneonly

ياجماعه انا والله العظيم محتار فى المركز ده جدا علشان انا اتعملت معاه اكتر من مرة بس اخر مة اتعقدت من المركز ده
اولا انا روحت بعربيتى الشاهين وواحد صحبى راح معايا كان معاه فيرنا
بالنسبة لعربيتى نظفت الكربراتير وبعد ما مشيت من المركز العربية كانت بتبطل منى عند نقل اى غيار وطلعت عينى لغاية ما رجعت عند المركز تانى وبعد كده عملوا اللازم ومشيت بس انا كنت رايح علشان عربية كانت مش بتعدى سرعه 120كم بس الحمد لله بعد لما رحت وظبطولى كل حاجه العربية دلوقتى والله ما بتجيب 120كم اصلا ده بالنسبة لعربيتى اما بالنسبة لعربيت محمد صحبى هى عربية فيرنا وكان رايح يغير سير كاتينة وبعد لما غير قالولوا ان طرمبة المياة بايظه راح اشترى واحده وغيرنها وبعد كده لقينا فى هزة غريبة جدا مكنتش بتظهر الاول قبل لما يغير السير طبعا علشان قولنا للمكنيكى الدكتور اللى هناك فضل مقعدنا من الساعه 2.5 لغاية الساعه6 علشان يكشف على العربية وبعد كده حصل الكارثة قال ان العربية فيها وش سلندر فطبعا مشينا ورحنا لمكنيكى تانى اتضح ان فلتر الهواء هو اللى عامل الهزة اللى فى العربية علشان مفكوك وطبعا ديه كانت مقساتى مع مركز الصفا
والله الكلام ده اللى حصل بالظبط معنا حسبنا الله ونعم الوكيل

شكرا للمشاركة ولفت الانتباه لبعض الاخطاء من المركز و نعتزر لما حدث برجاء الحضور للتاكد من شكواكم و محاسبة المتسبب و رد الاعتبار لسيادتكم

المشاركة الأصلية كتبت بواسطة abosharbat

اولا مساء الفل
وسمعت عنكم كثير
انا معاى عربية 127 وعاوز اظبط الكرابتير
يتكلف كام

السلام عليكم ورحمة الله وبركاته
في حالة فك وأصلاح الكربراتير ومراجعة الكهرباء والفلاتر تكون المصنعية 100 جنيه للسيارة 127 بخلاف قيمة قطع الغيار التي تحدد خلال الإصلاح
كما يمكنك قراءة قائمة المصنعيات الخاصة بالمركز بالصفحة الأولى بالمنتدى الخاصة بمركز الصفا
http://www.nilemotors.net/Nile/249389-a.html
وشكراً على المشاركة

المشاركة الأصلية كتبت بواسطة ahmedom

بالنسبه للستروين الzx هل تبعكم برضوه , وبالنسبة للاسعار تعتبر زى مين فى القائمة ؟

مصنعية اصلاح الكربراتير الستروين 120 ج لا تشمل ق الغيار