تعالوا نصلح كاوتش العربية بنفسنا (بعيدا عن الإشتغالات)

**ZALABANY** · 05-10-2011 10:47 AM

الفكرة طرأت في دماغي اذا لاقدر الله الكوتش اتخرم منك في مكان ومش قادر توصل لبتاع كاوتش او الإستبن فيه مشكله
الفكره اني اشتري عده كامله لتصليح الكاوتش طبعا خوابير مش لحام داخلي
الشوكه اللي بيدخلوا بيها الخابور
الخوابير نفسها والواحد يستنضف بأه الأمريكي اللي بيبيعوه ب 10 جنيه بتوع الكوتش
وزجاجة ميه بصابون لزوم الكشف
ومنفاخ يعمل على ولاعة العربية
حد يعرف الخوابير والشوكه ممكن تتجاب منين
انا عارف ان في ناس ما بتحبش الخوابير بس احيانا كتير ممكن تبقى مضطر والحل ده ينقذك وبعد كده ممكن نبقى نلحمها لحام تيب توب ألماني
اللي عنده معلوومه عن اماكن أو أسعار ياريت ما يبخلش بيها علينا
وانا نازل التوفيقية النهارده أسأل

**levelpower** · 05-10-2011 11:59 AM

فكره جامده
انا لسه الاسبوع الفات دخل فى الكوتش خطااااااااااف حديد
و اتبهدلت و كان وريا مقابله مهمه
ده غير ان بتوع الكوتش بقوا بيعملوا الواحد زى مكون انا المريض و هو دكتور
متااااابع

**Donzi** · 05-10-2011 12:04 PM

والله فكرة كويسة جدا

بس للاسف متنفعش للبنات

**ZALABANY** · 05-10-2011 12:17 PM

والله الفكره مش صعبه حتى للبنات لو العربيه اترفعت ممكن تكشف على الكاوتش وتلحمه وهو راكب كمان

**khaledsaad** · 05-10-2011 12:34 PM

المشاركة الأصلية كتبت بواسطة mido51eg

انا عندي المنفاخ اللي بيشتغل على ولاعة العربية. فعال جدا وممكن ينقذك في موقف بايخ بس بطئ اوووووي. المرات القليلة اللي استعملته فيها كنت يادوب بقوم العجلة من على الأرض لغاية ماأعرف اوصل بالعربية لبتاع الكاوتش وطبعا ده بيشتغل على العجل التيوبلس بس.

علي فكره هو انواع انا جربت واحد تيواني مع صاحبي بينفخ لحد30 ف اربع دقايق المهم انك تجيب واحد كويس انتين بيستم وشغال علي كله بالمناسبه تيوبليس وشمبر

**husseinsalah** · 05-10-2011 08:49 PM

المشاركة الأصلية كتبت بواسطة mido51eg

انا عندي المنفاخ اللي بيشتغل على ولاعة العربية. فعال جدا وممكن ينقذك في موقف بايخ بس بطئ اوووووي. المرات القليلة اللي استعملته فيها كنت يادوب بقوم العجلة من على الأرض لغاية ماأعرف اوصل بالعربية لبتاع الكاوتش وطبعا ده بيشتغل على العجل التيوبلس بس.

عندى منفاخ امريكة وبينفعنى جداااا خصوصا لما انزل اروح الشغل وماعنديش استعداد لتأخير ابدا فبصراحة فكرة المنفاخ دى ممتازة بس يكون نوع نضيف

**Ayman-Ahmed** · 06-10-2011 04:22 PM

المشاركة الأصلية كتبت بواسطة mido51eg

انا عندي المنفاخ اللي بيشتغل على ولاعة العربية. فعال جدا وممكن ينقذك في موقف بايخ بس بطئ اوووووي. المرات القليلة اللي استعملته فيها كنت يادوب بقوم العجلة من على الأرض لغاية ماأعرف اوصل بالعربية لبتاع الكاوتش وطبعا ده بيشتغل على العجل التيوبلس بس.

لصاحب الموضوع :

فكرة ممتازة وربنا يسهل ونقدر نعرف نشترى منين العدة اللازمة.

للاستاذ ميدو : ممكن اعرف نوعه ومواصفاته واجيبه منين ويكلفنى كام.مشكور

**Amr Axel** · 07-10-2011 01:50 AM

فكرة كويسة يا استاذ زلباني
و انا فعلا كنت اتكلمت عن الموضوع ده قبل كده انها تنفعنا وقت الزنقة لكن المهم يكون فيه منفاخ و عامة التيوبلس مش محتاج انك تعمل خبور لأنك لو نفخت ممكن تمشي عليه مسافة كويسة لكن لو الطريق طويل و لازم تعمله يبقي لا مفر و لا بد منه هههههه

بالنسبة الاماكن هتلاقي في التوفيقية تحت المفكين تقريبا بــ 5-7 جنيه
و بالنسبة كارتة الخوابير الكارتة بحوالي 3-5 جنيه و بيبقي فيه 5 خوابير و ع فكرة هو كل اللي بيحطوه واحد لكن بيبقي فرع زي ما تقول موديلات تلاقي واحد فاتح و واحد غامق شوية و هكذا

و اللي شوفته ان بتوع العجل بينصبوا في حتة ان الخابور بيبقي بحالته و عريض يقطعوه اتنين او تلاتة و يسيبوا كام واحد سليم و يجي يقولك احطلك الصيني او التيواني و لا الامريكي هتبص هتلاقي الامريكي تخين و تحس انه أصلي و تقول اه الامريكي و التاني رفيع و لا ليه لازمة لكن في الحقيقة الاتنين واحد بس الفرق انه قاطع الخابور لحتتين او تلاتة و شوفت الكلام ده بعيني

فيه حاجة خلي بالك منها ان كارتة الخوابير و هي لسه مقفولة الخوابير بيبقي فيها لزق منه فيه بس طبعا ضعيف و مع الوقت بينشف فلازم تجيب علبة الغراء و متنساش ( كتر \ قاطع ) زي بتاع الفيمية صغير عشان تقطع بيه الخابور الزائد بعد ما تعمله

و بالتوفيق ان شاء الله

**Amr Axel** · 07-10-2011 01:54 AM

المشاركة الأصلية كتبت بواسطة donzi

والله فكرة كويسة جدا

بس للاسف متنفعش للبنات:_alshmokh08[1]::_alshmokh08[1]:

و الله الموضوع بسيط حتي البنات يقدروا يعملوه هي ممكن تكون حاجة غريبة شوية بالنسبة للناس هنا لكن مش مستحيلة ع الاقل مش هتبقي زي تغيير العجلة

بس الانسب للبنات اكتر المنفاخ اللي ع الولاعة و المقياس الديجيتال توصلي و تنفخي و بما ان الكاوتش تيوبلس فممكن يتمشي عليها شوية لحد ما توصل لاقرب بنزينة

-

الموضوع: تعالوا نصلح كاوتش العربية بنفسنا (بعيدا عن الإشتغالات)

LinkBack

أدوات الموضوع

عرض

-

-

-

-

-

المواضيع المتشابهه

تعالوا نعرف ازاي نعمل جراب نضارة في سقف العربية

تعالوا نعرف ازاي ننضف فوانيس العربية الامامية و الفوجات

على هامش الأحداث .. تعالوا نحاول نصلح السلبيات

أزاى نغير البوجيهات بنفسنا ؟

الكلمات الدلالية لهذا الموضوع

المفضلات

المفضلات

ضوابط المشاركة