هات الشارك واتكل على الله ومش هاتندم
عرض للطباعة
هات الشارك واتكل على الله ومش هاتندم
راييى الشارك عربية تحفففففففففففففففففة بجد
هات شارك هاي لاين لو كسر زيرو حالة نادرة عشان التوكيل الجديد زود سعرها تاني
مفكرتش ليه فى الالينترا الجديده
الكروز الفئه ال هاي لاين فيها جنوط 16 و اير باج و ايه بي اس ب 138 الف (في سمير ريان ) تقريبا دي الفئه ال تتركب منها
الكروز ال توب لاين هيا ال ب 160 و فيها كماليات زياده عن اللانسر ال هاي لاين
و في راي ملهاش لازمه ال 20 الف الزياده في مقابل كماليات رفاهيه
و كماليات الكروز ال 138 كفايه اوي
لكن اللانسر الفئه ال ينفع تتركب منها ب 160 الف
واول فئه فاضيه بايرباج واحده ب 140 الف حرام الواحد يدفعهم في عربيه فاضيه
الشارك سعرها فيها وعربية جبارة ، الهوندا سيتي يابانية انتاج الهند ودا انسب شيىء لشوارعنا الكفاءة اليابانية وتقفيل هندي رائع
متشكر علي كل الردود دى بس ياريت حد يقولى سعر كل عربيه كام فى الفئه دى دلوقتى و الف شكر ليكم كلكم
اهم حاجه هات عربيه فيها ABS & Airbags بعد كده اختار براحتك
معلش كل عربية من اللى حضرتك قولتها دية فيها عيوب كتير اوى مش بس اللى حضرتك قولتها
بالنسبة للانسر الشارك : ماتورها ضعيف بالنسبة لعربيات كتير ومحدش يقارنها بالبومة من ناحية المحرك لان البومة اصلا بردة مش قوية , طبعا العربية كلها من جوة بلاستيك بس التقفيل كويس وانظف من البومة
بالنسبة للاوبشن والتجهيزات طبعا العربية غالية جدا اعلى فئة فيها ب167 الف جنية تقريبا ولحد 130 الف العربية مافيهاش abs دة اية دة ان شاء الله حرام طبعا
* الشيفرولية كروز : طبعا غنية عن التعريف اول فئة ب120 لية بدون اى كماليات من غير مااتكلم عليها استبعدها فورا وعلى فكرة ماتورها ضعيف وضيقة من جوة
* كيا سيراتو : معلش اعذرنى مش هتكلم على العربية لان الكلام بيقلب بمشكلة مع اعضاء وملاك السيراتو
* الهوندا سيتى : مش هقولك غير اقل عربية طولا وعرضا فى المجموعة دية بس اوسع واحدة فيهم وتعتبر بنفس مقاسات السيراتو بس السيراتو اعرض حاجة بسيطة , بس العربية هادية , ماتورها اغبى واحد فيهم كلهم يعنى مش عايز اقولك تفتركهم كلهم على الطريق 1500 سى سى i- vtec 118 حصان وزن العربية 1230 كم وحش بجد موفرة جدا فى البنزين واحسن واحدة فيهم , العربية معمرة جدا , عوامل الامان موجودة من اول فئة , شكلها كويس من قدام مش بحبة من الخلف , تقفيل كويس جدا بس يعيبها ان الخامات بلاستيك بردة , سعرها مبالغ فية بس تستاهل كل قرش يدفع فيها الصراحة , ثباتها كويس جدا لحد 150 بعد كدة بتبدأ تخف شوية , العربية قطع غيارها زى اى عربية فى الاسعار ولو اغلى هتلاقيها حاجة بسيطة يعنى 50 جنية او 100 فى اغلب الاحوال ومعلش انت بتقارن سعر بعمر افتراضى , ممكن اقولك ماتشتريهاش دلوقتى عشان فية face lift معمول ليها هيخلى شكلها جامد جدا
* فية عندك النيسان تيدا كويسة جدا بس ثباتها ضعيف غير كدة عربية جميلة جدا وسعرها 126 الف جنية او 130 الف جنية