عمرة الانسر 99

**shevechinco** · 16-05-2008 09:46 PM

السلام عليكم و رحمة اللة و بركاتة
انا معايا لانسر 99 بقالها فترة بتدخن علي خفبف روحت للميكانيكي قالي الماتور خف شوية المهم قالي انتي ممكن تمشي عليها سنة كمان الكلام دة من حوالي 4 شهور بس الان العربية دلوقتي بتدخن ازيد من الاول و احد صاحبي اخدني عند ميكانيكي شكلة جامد في حدائق المعادي في حسنين دسوقي لو حد يعرفة بس للاسف مش عارف اسمة قالي لازم نفتح علشان نعرف في اية جوة المشكلة الي محيراني الان و عاوز رايكم ارجوكم بسرعة انا روحت لميكانيكي تاني في المنيل الشياطين الحمر تخصص يا باني قالي الياباني ميتعمرش بيترمي و يجي غيرة استيراد و حرام تصرف عبية جنية عمرة ما يرجع زي الاول .
انا دلوقتي مش عارف اعمل اية اعمر ولا اجيب استيراد مع العلم و انا عند الميكانيكي الاول كا بيعمل عمرة لواحدة 98 و شكل شغلة جامد و نظيف ارجو الافادة بسرعة ارجوكم انا في حيرة مكن امري و شكرا

**mohamed ibiza** · 16-05-2008 09:55 PM

ليه يعني الياباني مبيتعمرش ليه يعني موتور جملي ولا 7000000000 سي سي دي 1300 سي سي بيتعمر و بيرجع زي الفل الكلام بتاعه مش داخل دماغي نهائي هو العيب بس ان لو حاجتها غالية ممكن تمن العمرة يبقي نفس تمن الموتور الاستيراد الحالة الممتازة بس غير كده بيتعمر و عادي جدا جدا مش عارف الميكانيكي ده جاب الكلام ده منين

**shevechinco** · 16-05-2008 10:04 PM

ربنا يطمنك اخي الفاضل بس يا ريت الله يكرمكم يا جماعة الردود عاوز اكون راي نهائي راعو الي انا فية

**mohamed ibiza** · 16-05-2008 10:08 PM

يا مان طمن قلبك لو انت عايز موتور الفابريقة بيتعمر عادي جدا جدا جدا ياما ياباني اتعمر عادي مفيهاش مشاكل يعني خالص انا حاسس انه عايز يسقطلك موتور و خلاص بس اطمن بيتعمر

**SAbuhashem** · 16-05-2008 10:16 PM

بص لو الموضوع مجرد طقم شنبر وخلصنا ماشي
انما هتخش في قصص ومواويل أكبر من كدة في إلبساتم أو الكرنك
ولاقتها هتعدي ٢٠٠٠ جنيه يبقى عندك حل أسهل وهو انك تجيب موتور ١٣٠٠ إنجكشن وخلي بالك من الكلمة دي إنه مش كربراتير زي اللي عندك بحوالي من ٢٥٠٠- ٣٠٠٠ جنيه على حسب شطارتك بس اعمل حسابك انك هتغير رقم الموتور في الرخصة والحل ده أضمن لأنك ممكن تعمل العمرة وتفوت منك تاني بعد كام شهر لو الشغل مش مظبوط
.
عموماً وديها الحرفيين في ناس مشهورة كتير للانسر وبس

Thanks
Eng.Sherif Shaker

**shevechinco** · 16-05-2008 10:26 PM

متشكر يا رجالة ربنا يخليكو يا رب بس لو ممكن تقولي اجيب الماتور الانجكشن دة منين بعد اذنك

**mina_ramsis** · 16-05-2008 10:30 PM

معلش ممكن اعرف العربية عاملة كام الف كيلو

**SAbuhashem** · 16-05-2008 10:31 PM

روح لسيد حماد في الحرفيين هيديهولك بضمان ١٠ أيام بعد التركيب
إن شاء الله

Thanks
Eng.Sherif Shaker

**shevechinco** · 16-05-2008 10:41 PM

العربية عاملة 138000 و شوية

**shevechinco** · 16-05-2008 10:42 PM

علي فكرة الشاطين الحمر الي في المنيل قالي اديك الماتور 1500 سي سي بضمان سنة

الموضوع: عمرة الانسر 99

LinkBack

أدوات الموضوع

عرض

-

-

المواضيع المتشابهه

تسارع موتور الانسر ارجو دخول خبراء الانسر

عايزة عمرة او نص عمرة ربنا يستر :(

الاضافات السائله لرفع كفائة المحرك او عمل عمرة اونصف عمرة

نص عمرة ولا استنى و أعمل عمرة كاملة

عمرة كاملة - نصف عمرة - أم تغيير ما هو تالف فقط؟

الكلمات الدلالية لهذا الموضوع

المفضلات

المفضلات

ضوابط المشاركة