الموضوع: مفاجأة عبدالله أوبل .......هام (أرجو الدخول من الجميع)

حسبى الله ونعم الوكيل
بجد انا تخيلت نفسى مكانك واتضيفت اوى انك كملت معاه لكل ده
معرفش بنى ادام حرامى زى ده شغال ليه ما هو هتبقى سمعته زى الزفت ولاحد يعبره

حل الموضوع ده محضر فى القسم مع واسطه محترمه هتنزله وتاخد على القسم وانت تكون مستنيه فى القسم وتقوله حل الموضوع وتوصل لحل يرضك وده متخلهوش يلمس العربيه تانى ده تاخد منه قلوسك وتمشى

وقصه الفتيس الاستيراد انا كنت بصلح عربيه فى ورشه اوبل فى الحرفين عند واحد اسمه الشيخ هيثم تقريبا بس هوه شكله راجل كويس المهم كان واحد قاعد معايا اتعرفت عليه كان بيصلح الفتيس وجاب فتيس استيراد ب 2100 جينه من الحرفين وركبه كان فيكترا 2001 2000 cc فاسعار الفتيس اقل من كده بكتير
وربنا يعوض عليك خير

البقاء لله أولا
وكان الله فى عونك وده لازم توريه العين الحمرا وتأخد حقك منه حتى لو بالبلطجة

ربنا يعوض عليك أنا الصراحه دمي اتحرق وجالي الضغط من قرايه موضوعك بس حضرتك ليه صبرت عليهم كل ده باين ان هما حرميه من الاول ده غير انهم نصابين انا حصل معايا موقف مشابه الحج عمل حادثه أوأنا كنت مسافر وطبعا رجعت لقيت العربيه متبهدله وموقف مشابه لحضرتك روحت لامم العربيه على مقدرت وخدها على ناس محترمين ومعرفه نفدت بجلدي وخد العربيه وخسرنا مبلغ كان الحج سيبهم تحت الحساب بس أنا عارف أن أنا كسبان

انا مش عارف اقولك ايه ... علشان دمى اتحرق وشكلى هتوقف بسبب الموضوع ده لاول مره بس متزعلش منى انت اللى غلطان بصراحه
ازااااااااااااااااى تصبر عليه كل ده!!!!!!!!!!! ...ده كفايه كل شويه تعالى وهات ابن النصابه ده :@@@@ عالم زباله صحيح

ده ميبنفعش معاه غير البلطجه
حسبى الله ونعم الوكيل فى كل واحد مش بيراعى ضميره فى شغله

وربنا يعوض عليك

يا باشا انا مقدرتش اكمل الموضوع من حرقة دمى

ولا يلدغ المؤمن من جحر مرتين

انت غلطان انك روحتلو من تانى مرة
ربنا يعوض عليك

لا اله الا الله, عارف المشكلة اللى الوالد فيها.
بس شلة على بابا دى لازم تتاخد على السخن بالدراع و الغشومية عشان حقك مايضيعش و تحمى غيرك منهم.
بجد اكتر حاجة ضايقتنى حوار السرقة ده المعفن 4 ليتر بنزين ايه و ميمورى كارد ايه دة :@@@@@@@@.
عموما خالص التعازى لك و للوالد, و بجد مشيها عافية خصوصا لو ليك حد فى الداخلية.

يا باشا و لا يهمك من المشاكل دى بس عموما احنا جبنا فتيس من هانى العايدى اوتو 2000 سى سى من سنتين ب 1600 جنيه و شغال زى الفل الموضوع ده يا باشا كل الحاجات تترمى و تخلص الموضوع ده فلوس يعنى لو عرفت تاخد 1500 و تعمل انت حاجتك بره احسن كتير الناس القذره دى ممكن يعملك مشكله فى حته تانيه للانتقام ده مايمدش ايده تانى فى العربيه وده رايي

متشكر جدا لكل اللى قرأ الموضوع وشارك فيه وحس باللى أنا فيه
بجد والله العظيم أنا تعبان نفسيا ومش قارد أسيب حقى
من شوية كنت بغير هدومى وهروح أعمل محضر فى القسم والدى شافنى وقالى لأ مش هتنزل تعمل حاجة
وكلم واحد قريبنا (أنا بعزه جدا) وقاله أحمد عايز يعمل محضر وحكاله الحوار وإدانى التليفون أكلمه
فقريبى قالى متزعلش والدك وإسمع الكلام قولتله والنصاب دة مش هسيبه أنا هعرف أجيب حقى
قالى الحمد لله إنها جت ف الفلوس وأنا هعرف أعمل معاه الصح ملكش دعوة إنت يا أحمد
أقوله شمال يمين لأ متعملش حاجة وإسمع الكلام (والدى أصلا كلمه عشان يحاول يقنعنى)
المهم أنا مش مقتنع بكلام أى حد منهم لا والدى ولا قريبى بس مش عارف أعمل أيه (قريبى دة أصلا تقيل)
أنا كنت بفكر أمشيها بلطجة بس والدى حالف عليا إنى لو أنا عملت كدة مش هيسكت لى
أعمل إيه........... دبرونى