المشاركة الأصلية كتبت بواسطة zalantaheee
احمد يا حبيبي يا نور عيني
مش هاقوللك غير ابعتلي رقمك ضاع مع الموبايل ,, عشان اهزأك شوية !!!!!!!!!
يابني مش عارف اقولك ايه الناس قالت كل حاجة
بتسيب عربيتك
طاوعته
هات فلوس حاضر بردو
انا احمد الكهربائي عمل معايا دقة نقص في ترس مارش بلاستيك
لحمه و ركبه تاني بدل ما يغيره
كل الحكاية 60 جنيه
روحت لعبد الله و هو عشان بيعزني جاب احمد و حط عليه قدامي
المهم كان موضوع طويل بس مش اطول من موضوعك
الخلاصة ان اللي خرب عليه
الورشة اللي برا و ساب جوا الورشة لأحمد دا و الصنايعية
و الطمع و فكر انه بقا باشا و بيه و مبيحطش ايده في صنعة ولا بيتابع
بس انا لو مكانه في ظروف زي دي
بردو مش هاقلب الدنيا عليا ,, لأن الناس مبقتش تروحله خلاص وقع
و هابعت اجيب فتيس علي حسابي عشان الموضوع ميكبرش
هي خبطت معاه و خلاص ,, و مادام جربت تجيب حقك بالذوق و منفعش ,, خد اجراءاتك و اتكل علي الله
و هو بيترعش من الرتب كدا كدا ,, انا عارفه
ع العموم سيبك من اللف الكتير بعد كدا ,, انا سيبت عبد الله خالص بس مش قاطع لكن مش بروح من شهور
وقعت علي واحد قريب مني و منك
و احلي حاجة,, انك تقوله انك جاي من عند صنايعي قبله و نصب عليك ,, هايلم الموضوع و بسرعة عشان يكسبك و يجيب رجلك علي ورشته ,, و شاطر جداااااااا ,,, بحكم اللي عملته في عربيتي ,, و بحكم اني عملت كله و هابقي افهمك ليه ,,
اسمه محمود اوبل ,, مدينة عامر جنب جامعة القاهرة ,, و عنده مهندس شغال في التوكيل و بيحب يشتغل علي مياه بيضا ,, مش ضلالي ,, ع الأقل هانقول احسن الوحشين
و انا عن نفسي لو هدفع 2000 جنيه ,, لأ ادفع زيادة عشان استلم عربية ع المفتاح و انسي
و طريقتنا كشباب مش هاتنفع في معاملة صنايعية زي دول ,,
شوف اسلوب طناني او دكتور هلالي بجد
عشان من اولها اصلا تبقي عارف تحدد خطوتك قبل ما تبدأ تصليح و كمان لو حصل قدام حاجة يتحملها كاملة ,, كنت لف ع الأقل عند كله و اسأل احسن سعر و اطول فترة ضمان و اسألني و اسأل غيري
ع العموم مش وقت ندم ع اللي فات ,, اطلع من الموضوع دا و انا هابقي معاك نفوق العربيتين و مش فلوس ,, كلام فاضي يعني كمان
اسف اني طولت بس انت عارف انت بالنسبالي اكتر من اخ و الوحيد اللي واكل معاه عيش و ملح في المنتدي و تهمني
اخوك المهندس محمد حاجي :)
المفضلات