مفاجأة عبدالله أوبل .......هام (أرجو الدخول من الجميع)

**Ruin Scud** · 06-10-2011 11:32 PM

اولا انت من الأول غلطان لأن بعد مايتم عمل العمره وتكون انت دفعت الفلوس بيبقى الفتيس مسئوليته خلال مدة الضمان اللي انت واخدها منه وده يشمل اي حاجه + المفروض من الأول خالص ماكنتش تماديت معاه للدرجه دي وضيعت وقتك ومجهودك على الفاضي.
ثانيا الفواتير اللي معاك ديه ولا ليها قيمه دي زي بيان بالأسعار فقط لاغير يعني رسميا مش معترف بيها لأن لافي ختم ولا رقم سجل ضريبي ولا اي حاجه يعني ممكن يقول ان ده بيان باسعار حاجه انت طلبت منه انك تعرف اسعارها وبناءا عليه ادالك البيان ده.
الأهم انك ماتزعلشي والدك منك وماتسلكشي طريق البلطجه والخناق لأنك اكيد مستواك محترم واعلى منه يبقى اكيد انت كمان هاتخسر وهاتخسر اكتر منه لو اتخذت طريق البلطجه وقلة القيمه معاه.
اخر حاجه زي ماقريبك قالك تهون طالما الموضوع ديته فلوس هات فتييس استيراد وركبه وريح دماغك من واحد بره يكون موثوق فيه واشتري وقتك واعصابك واحترامك لنفسك ووالدك المفروض انك تسمع كلام الوالد مهما كانت الظروف
وربنا هايعوض عليك خير إن شاء الله.
تحياتي

**mido888** · 07-10-2011 01:25 AM

يااااااااااااه كل ده حصل ده ولا فى الأفلام بجد انت ليك الجنه على كمية الصبر اللى انت صبرته ده
حسبنا الله ونعم الوكيل فى الراجل ده ربنا كبير وان شاء الله هيخلص منه وربنا يعوض عليك فى اللى اتصرف بس انت قول الحمد لله

**AbuMohammed** · 07-10-2011 02:21 AM

السلاك عليكم
انا من غير ما أكمل باقى آراء الأعضاء الأفاضل
أحب أقولك ان عبد الله اوبل ده ناس كتير محظرنى منه و منهم طنانى طبعاً
انا حصل معايا ده برده فى عربيتى الليجانزا و رسيت فى الاخر على شرا فتيس استيراد و مخدش حقى بس الصراحه مكنش فيه سرقه زى صاحبنا ده
منه لله
بصفتى محامى و تقريباً ساكن جنبك احب اقولك ان صاحبنا ده يتعملوه محضر بس بعد ما تروح الأول بعربيتك مركز صيانة محترم يعملك ريبورت ( زى بتاع عربيات الحوادث ) لاثبات النتيجة اللى وصلتلها العر بية بعد الخروج من عند عبد الله كنب و تاخد فواتير عبد الله و الريبورت و تعمل محضر بس أهم حاجة انك لما تتسأل ما هو سبب حضورك ترد و تقول لتحويله لنيابة الشئون المالية و التجارية لاتخاذ اللازم و تحريك جنحه ضد المشكو فى حقه و على فكرة دى اكتر من جنحه منها نصب و إتلاف و سرقة
آوعى ترد على امين الشرطة اللى بيعمل المحضر و تقوله اثبات حالة ، المحضر حيتحفظ .
عاوز تقفلهاله بالضبه و المفتاح
كم محضر من اصحابنا الأوبلاويه ضده تخليه يجيب مرشدير بدل العربيه
أوعى تقول الضباط حبايبه انا الكلمة بتفور دمى مفيش حد فوق القانون
انا عندى استعداد لو حطيت عبد الله فى دماغى أخليه يصلح كنب و مراجيح مولد النبى
و ربنا يخلف عليك
آى حاجة بس كلمنى و انا سكنى و مكتبى قريبين منك جداً

**AbuMohammed** · 07-10-2011 02:26 AM

على فكرة نسيت اقولك مش كل الناس يحصلها كده مع عبد الله اوبل
ده حصل معاك عشان انت بتسيب عربيتك و ترجع تاخدها زى الباشا ناقص تكلمه يبعتهالك لحد البيت زى الافلام العربى
المال السايب بيعلم السرقة
متزعلش منى بس انا حبيت اعرفك السبب و إذا عرف السبب بطل العجب
صديقك من يصادقك مش يصدقك

**cayman69300** · 07-10-2011 03:18 AM

المشاركة الأصلية كتبت بواسطة abumohammed

على فكرة نسيت اقولك مش كل الناس يحصلها كده مع عبد الله اوبل
ده حصل معاك عشان انت بتسيب عربيتك و ترجع تاخدها زى الباشا ناقص تكلمه يبعتهالك لحد البيت زى الافلام العربى
المال السايب بيعلم السرقة
متزعلش منى بس انا حبيت اعرفك السبب و إذا عرف السبب بطل العجب
صديقك من يصادقك مش يصدقك

يا باشا
انت راجل محترم
بس بالله عليك ادى رقم موبايلك على الخاص لاحمد لول
و هو يتصل بيك و امسكة من ايده و اتعب معاه
و انا كلامى على الملا اهوة
احمد لول طالب جامعى و ممكن يكون من التربية اللى اترب عليها انهم بيت فى حالهم و ملهمش فى المشاكل
و انا كدة و كلنا كدة
لكن يا احمد متزعلش منى
لما المشكلة تيجى و تتحط قدامك يا بطل لا يوجد حل لها الا المواجهه و ليس الهروب
و افتكر انك لو سبت عبد الله اوبل بكدة انت هتكون سبب فى تمادية و استمرارة فى عمل النصب دة مع غيرك
من ورا والدك يا احمد اعمل المحضر
و حط حد للموضوع دة
حرام عليك انك تسيبة طايح فى الدنيا كدة
حرام عليك
و ربنا يكرمك و يصبرك
اخوك هلالى

**Ahmed_lol2007** · 07-10-2011 04:08 AM

يا جماعة أنا شاكر ليكم كلكم
ومواستكم ليا بالدنيا كلها والله
يا أستاذ محمود أنا شاكر لحضرتك جدا جدا وكتر الف خيرك وإن شاء الله بس حالة والدى تتحسن وأنا مش هسكت
يا دكتور هلالى والله العظيم مش موضوع خوف ولا قلق ( فعلا يا دكتور والدى مش بيحب لا أنا ولا أخويا نعمل مشاكل عشان هو مسامح لابعد حد حتى لو ف حقه عشان بيخاف ربنا) ووالدى تعبان ومش قادر أعمل حاجة ضد إرادته دلوقتى
بس إذا كان على النصب اللى حصل دة أنا مش هسكت بس اليومين دول يعدو

**Ahmed_lol2007** · 07-10-2011 04:10 AM

المشاركة الأصلية كتبت بواسطة abumohammed

على فكرة نسيت اقولك مش كل الناس يحصلها كده مع عبد الله اوبل
ده حصل معاك عشان انت بتسيب عربيتك و ترجع تاخدها زى الباشا ناقص تكلمه يبعتهالك لحد البيت زى الافلام العربى
المال السايب بيعلم السرقة
متزعلش منى بس انا حبيت اعرفك السبب و إذا عرف السبب بطل العجب
صديقك من يصادقك مش يصدقك

والله العظيم أنا كنت معظم الوقت معاه هو أيام الإمتحانات بس اللى كنت بسيبه عشان ألحق إمتحانى

**hugan** · 07-10-2011 04:34 AM

ربنا يصبرك
لكن هو شاف انك مطاوعه في كل حاجه
شيل غير شيل غير وانت بتقول حاضر وتدفع زي الباشا
في الاول والاخر انت اللي غلطان
ربنا يعض عليك ومفيش حد بيتعلم ببلاش

**Mr7mix** · 07-10-2011 02:33 PM

اولاً البقاء لله وربنا يجعلها اخر الاحزان ان شاء الله
ثانياً اكبر غلط انك تسيب عربيتك وتمشى اقعد فوق ماغ الصنايعى واكبر غلط بردو انك تكن متهاون مع الاشكال دى وبالاخص انك عامل شغل وعليه ضمان وكل لما يقولك هات انت تديله ده غلط .. ده كان من تانى مره بالكتير اوى روحتله كنت تعملو واحد هيصه محترم عن الورشه وتفرج عليه امه لا اله الا الله علشان يلم نفسو وميستنصحش معاك تانى .
ومعلش كل الى حصل ده فى كفه و رضاء والدك فى كفه تانيه ،، ارضى والدك وعدى اليومين دول بس لغايه لما الظروف تتحسن ومن ورا والدك خد اجرائاتك لان مينفعش تسكت على الحيوان ده
معلش بردو فى اشكال مينفعش تعاملهم غير بأسلوب بلطجه وقله ادب وفى نوع من الصنايعيه لما تتعامل معاهم متفرضش حسن النيه فى التعامل معاهم وغير اسلوبك ل اسلوبهم علشان ميسوقش فيها
وفى الاول والاخر ربنا يعوض عليك واديك اتعلمت ،، وحسبى الله ونعم الوكيل فيه وان شاء الله على قد ما عمل فيك وربنا هايبتليه بنصيبه تجيب أجله ان شاء الله
سؤال بس هى فين ورشه الحرامى الزفت ده ؟؟؟

-

الموضوع: مفاجأة عبدالله أوبل .......هام (أرجو الدخول من الجميع)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

خبر هام رجاء من الجميع الدخول

سؤال مهم جدا ارجو من الجميع الدخول

حاير بين عربيتين ارجو الدخول من الجميع

الرجاء من الجميع الدخول والتعليق علىالصور

الكلمات الدلالية لهذا الموضوع

المفضلات

المفضلات

ضوابط المشاركة