الموضوع: مفاجأة عبدالله أوبل .......هام (أرجو الدخول من الجميع)

متسيبش حقك لو سمحت يا احمد

المشاركة الأصلية كتبت بواسطة tananybasha

مينفعشى تسيبة و تقول ربنا يعوض عليا
مينفعشى
زكان اول ما جبت الأوبل
وقعت فى واحد زى ده
و لبست فى الحيطه و لسه تمن العربية مدفوع
فى اكتر من 2000 جنيه
اترموا كلهم فى الأرض
طقم دبرياج فاليو
بوظ الماف و طلع عين اهلى لغاية ما عرفت اشغله تانى
كسر طرمبة المية بتاعت المساحات
غير قاعدة موتور خلتنى راكب عربية نقل

و فى الأخر و انا باحاسبة يقولى عشان خاطر الدكتور مش هنقول 1000 جنيه مصنعية
هنخليها 800
طلعت 50 جنيه او 100 مش فاكر
و قلتله دى مش مصنعية دى ادب ليا
ايه ده يا بيه دول الشاى بتوع العيال و شكلك هتخلينى اعملها معاك
انا سمعت كده
رحت ساحب الطبنجة و كنت هاضربة بالنار
لولا السواق بتاع الدكتور شبط فيا و يقوللى ل مش مستاهله
و اللذيذ انه جرى هو و الصنايعية
ساعتها والله العظيم دخلت لميت العدة اللى فى الورشة كلها و رميتها فى شنطة العربية و تلات موبيالات
رحت رميتهم فى النيل فى العجوزة
ولا اتكلم

+1+1+1+1+1

المشاركة الأصلية كتبت بواسطة mr7mix

ربنا يعوضك خير يا احمد وكويس انك اقنعت الوالد وان شاء الله تاخد حقك

ربنا يخليك يا أستاذ أحمد ومشكور على الدعوة الجميلة دى
وعلى فكرة أنا والدى إقتنع بإعجوبة

المشاركة الأصلية كتبت بواسطة neemoo

بداية البقاء لله
ثانيا الأدب مش فى كل المواقف بيكون حل .
أنا عندى فكرة غير الداخلية والكلام ده .... هو هيجيب فايدة ..... بس بردوا
أنت تشوفلك مأمور ضرايب المنطقة ...... وتجيبله طوب الأرض .... يروح خابط ورشة الزبون خبطة محترمة ويخليه يكع فلوس للصبح ..... أكتر من تمن العربية كمان ..... وصدقنى هتشفى غليلك ...... ولو منفعش ..... خد طبجة طنانى ..... وفرغها فيه .....

طب أعمل إيه أنا مش كنت عارف أعمل اى حاجة عشان والدى لكن دلوقتى الحمد لله
وطبعا فكرة الضرايب دى فكرة جامدة بس أنا مش أعرف أى حد ف الضرايب وساعتها هكون إرتحت نفسيا عشان هو خسر

المشاركة الأصلية كتبت بواسطة tananybasha

لو على الضرايب دى منطقتى
مش دى المشكله
الفكرة ان دلوقتى مفيش حاجة اسمها ملف يتفحص تقديرى
انا ممكن اوصى عليه
بس انا ممكن العب فى حتة تانى
مكافحة التهرب الضريبى
ربنا ما يوريك
ضرايب المبيعات
و معانا زميلنا هنا فى ضرايب المبيعات ممكن يقولك على ممكن يحصل فى واحد زى ده يحطوه فى دماغهم
برضوا ربنا ما يوريك

الطبنجة تحت امرك و صاحبها معاها
مش تعمل العملة و اسيبك تغوص فيها
ديتها اتنين تلاته شهود
حاول يعتدى عليا و انا فى حالة دفاع شرعى عن النفس

و للعلم انا لسه جايب حتة زيرو بحاله المصنع
مستعملتهاش خالص
فابريكا جوه وبرة

ربنا يخليك يا طنانى
عموما أنا كنت فى القسم النهاردة وهقول اللى حصل معايا بالظبط عشان تبقى بردة على علم
ولو إنت شايف إن فى حاجة ممكن أعملها تانى عشان يلبس صح قولى وأنا هحاول أعملها
وتسلم يا عمنا على موضوع الطبنجة ربنا يكفيك شرها
أنا لو معايا طبنجة مترخصة بإسمى بردة مكنتش هقدر أرفعها حتى ف وشه عشان هحس بذنب كبير لو حتى ضربت الرصاصة ف رجله

المشاركة الأصلية كتبت بواسطة mera11

الراجل ده عاوز علقة سخنة بعد ما يدفع الفلوس طبعا

إذا كان على العلقة أمرها سهل أوى أوى بس أنا عايز أمشيها قانونى وعموما أما أخلص المحضر ربنا يسهل

المشاركة الأصلية كتبت بواسطة tananybasha

ما تيجى نخطفه
علقة ايه يا عم سعيد
انت كده تركبنا الغلط

بردة أمرها سهل بس أنا اللى مستحرم أعمل معاه أى حاجة غير قانونية
وف نفس الوقت أنا قولت لوالدى مش همشيها بلطجة

المشاركة الأصلية كتبت بواسطة neemoo

يبقى يا طنانى أنا معاك فى الشهود .
والضرايب يبقى لازم تشتغل عليه
كده يتخرب بيته وش ..... والله هو ده اللى هيخليه يموت ويرجع عن اللى بيعمله ..... ومش بعيد يجيب الفتيس كله على حسابه ويركبه كمان .
ولا إنت ايه رأيك يا أحمد

والله ياباشا كلامك زى الفل بس والدى مش عارف دماغه فيها إيه بالظبط

المشاركة الأصلية كتبت بواسطة tananybasha

المشكلة تعويرة الضرايب مش هزار
دى قتل

قتل قتل ياباشا يغوووور فى 60 الف داهية

المشاركة الأصلية كتبت بواسطة amr_650

متسيبش حقك لو سمحت يا احمد

تمام يا عمرو أنا مش هسيب حقى وإنتو دعواتكم معايا

المشاركة الأصلية كتبت بواسطة kareem.elaraby

+1+1+1+1+1

إن شاء الله هعمل كدة فى الحاجة بتاعته بس هرميها فى المريوطية (قدام الورشة بدل ما أروح أخر الدنيا)

اليكم تقرير اليوم
بسم الله الرحمن الرحيم
دلوقتى أنا لبست ونزلت من البيت الساعة 11.30 روحت على قسم الهرم بعد ما قعدت فترة (تقريبا نص ساعة) قالولى إن الورشة تبع مركز كرداسة مش قسم الهرم
نزلت على مشعل وركبت كرداسة وروحت على المركز سألت على المكان اللى هعمل فيه المحضر ولقيت واحد ماسك دفتر وعلى كتفه نجمة واحدة ومش طايق الهوا اللى حواليه بسأله بيقولى العربية بإسمك قولتله لأ قالى هات تفويض أو توكيل
فبسأله توكيل بإيه بالظبط عشان مش أعمل توكيل ويقولى مش هينفع المهم قالى توكيل يابيه روحت سايبه وماشى
وأنا خارج لقيت الراجل اللى انا سألته على مكان عمل المحضر وقف إتكلم معايا شوية وقولتله على كل اللى حصل قالى دة حرامى و نصاب وقولتله العربية إتسرق منها حاجات وإتكسر حاجات وقولتله على بعض الحاجات دى قالى روح إثبت الكلام دة فى المحضر قولتله مش عملت المحضر عشان العربية مش بإسمى قالى هات توكيل وأنا هعمل معاك المحضر واللى إنت عايزه أنا تحت أمرك وكدة شكرته طبعا وسملت عليه وهو قالى أنا مستنيك فى أى وقت (الراجل قالى كدة وأنا سلمت عليه ومشيت ونسيت أساله على أسمه) المهم رجعت سألته إسم حضرتك إيه قالى الرائد .......... قولتله خلاص يا سيادة الرائد أنا هعمل التوكيل وأجى لحضرتك فى أقرب وقت قالى و أنا مستنيك ياباشا
لحد هنا الحوار خلص وأنا روحت وواصل من نص ساعة تقريبا
طبعا العربية مش بإسمى هى بإسم المالك اللى قبلى وهو قريبى و والدى قالى انا هكلمهولك يعملك توكيل لغاية أما ننقل ملكية
وهستنى الفرج لحد ما أبويا يقول لقريبى
أنا دلوقتى عايز أعرف أنا كدة ماشى صح ولا فى حاجة تانى (إتجاه تانى ممكن أمشى فيه ) مع المحضر
مستنى ردودكم

المشاركة الأصلية كتبت بواسطة ahmed_lol2007

اليكم تقرير اليوم
بسم الله الرحمن الرحيم
دلوقتى أنا لبست ونزلت من البيت الساعة 11.30 روحت على قسم الهرم بعد ما قعدت فترة (تقريبا نص ساعة) قالولى إن الورشة تبع مركز كرداسة مش قسم الهرم
نزلت على مشعل وركبت كرداسة وروحت على المركز سألت على المكان اللى هعمل فيه المحضر ولقيت واحد ماسك دفتر وعلى كتفه نجمة واحدة ومش طايق الهوا اللى حواليه بسأله بيقولى العربية بإسمك قولتله لأ قالى هات تفويض أو توكيل
فبسأله توكيل بإيه بالظبط عشان مش أعمل توكيل ويقولى مش هينفع المهم قالى توكيل يابيه روحت سايبه وماشى
وأنا خارج لقيت الراجل اللى انا سألته على مكان عمل المحضر وقف إتكلم معايا شوية وقولتله على كل اللى حصل قالى دة حرامى و نصاب وقولتله العربية إتسرق منها حاجات وإتكسر حاجات وقولتله على بعض الحاجات دى قالى روح إثبت الكلام دة فى المحضر قولتله مش عملت المحضر عشان العربية مش بإسمى قالى هات توكيل وأنا هعمل معاك المحضر واللى إنت عايزه أنا تحت أمرك وكدة شكرته طبعا وسملت عليه وهو قالى أنا مستنيك فى أى وقت (الراجل قالى كدة وأنا سلمت عليه ومشيت ونسيت أساله على أسمه) المهم رجعت سألته إسم حضرتك إيه قالى الرائد .......... قولتله خلاص يا سيادة الرائد أنا هعمل التوكيل وأجى لحضرتك فى أقرب وقت قالى و أنا مستنيك ياباشا
لحد هنا الحوار خلص وأنا روحت وواصل من نص ساعة تقريبا
طبعا العربية مش بإسمى هى بإسم المالك اللى قبلى وهو قريبى و والدى قالى انا هكلمهولك يعملك توكيل لغاية أما ننقل ملكية
وهستنى الفرج لحد ما أبويا يقول لقريبى
أنا دلوقتى عايز أعرف أنا كدة ماشى صح ولا فى حاجة تانى (إتجاه تانى ممكن أمشى فيه ) مع المحضر
مستنى ردودكم

يا حمادة خد التوكيل طبعاً و زى ما قولتلك من قبل تعمل ايه فى المحضر أهم حاجة تقرير من مركز معتمد و يا ريت يكون اللى ركبلك الفتيس و آوعى تقول فى المحضر انك بتثبت حالة بكدة يتحفظ المحضر انا قولتلك تقول انك محرر محضر ضد المذكور و يا ريت يكون اسمة ثلاثى معاك عشان المحضر مش يتحفظ لتحويله لنيابه الشئون المالية و التجارية لتحريك جنحه اقتصاديه ضده و جنحه نصب و اتلاف و تاخد صورة رسمية من المحضر مرفقة بشكوى لجهاز حماية المستهلك .