السلام عليكم
الحمد لله استلمنا رينو ميجان استيت و طبعا قلت لازم اقول لأصحابى و حبايبى فى المنتدى :)
و طبعا يرجع فضل كبير لأخونا شاركى اننا جبنها لأنى كنت من الناس المتخوفين منها من كتر الأشاعات الى عليها
احنا جبنا الأستيت لعدة اسباب
-عربية عائلية جدا
-واسعة جدا و مريحة
-فرنساوى بالكامل
-شكلها جميل جدا غير باقى العربيات الستيشن
- 5 نجوم فى الأمان و بتنزل بعوامل امان كتيير زى ال 6 ايرباجز و ال ABS و ال EBD و دول مهمين جدا لوالدى لأنة شغلة تقريبا كل يوم 100 كم على الطريق السريع
و دية الصور
معلش الجرنال الى تحت فى دة :) بس شيلناة خلاص :)
السقف يا جماعة بجد تحححححححفة ما شاء الله و انصح اى حد عاوز يجيب العربية انة يجيبها بالسقف لأنة بجد متعة جامدة جدا و بالزات للى قاعد فى الخلف ( انا والدى كان حيجيبها منغير فتحة سقف لولا انى قعدت ازن :) و كمان الى بفتحة سقف بتبقى بباركينج سينسور و طبعا مفيد جدا )
و انا كنت مستنى بس اصورهالكم علشان اعمل الموضوع
و الأنطباعات الأولى انها بجد عربية محترمة جدا جدا و ترقبو تقييم عن قريب ان شاء الله بعد التليين
المفضلات