الموضوع: الحمد لله يا جماعة جبنا ميجان استيت

المشاركة الأصلية كتبت بواسطة Hesham A.Megid

الف مبروك يا فهد بجد عربيه جميله جدا ما شاء الله :)

عتدي سؤال بس...هو ينفع تعمل tilting للجزء الخلفي من السقف؟ عشان انا فاكر مره من زمان شفت واحده hatchback و كان معمول tilting للجزء الامامي و الخلفي. مش عارف ده كان بجد و لا انا كنت بخرف!! :D

الف شكر ليكم جدا جدا جدا

لأ يا باشا مينفعش تعمل Tilting للجزء الخلفى ! هوة ثابت الجزء الأمامى فقط ممكن تعملة Tilting او Sliding و لما تعمللة Sliding بيرجع على الزجاج الخلفى و بيبقو الأتنين فوق بعض

كان نفسى الخلفى كمان يتفتح :):):):):) ولا فى الأحلام

الف الف مبروك يا فهد
ربنا يباركلك فيها

الف مبروك يا فهد على الميجان ربنا يباركلكوا فيها ويكفيكوا شرها ومنتظرين منك الاخبار بعد التليين ان شاء الله.

الف الف مبروك يا فهد ... معلش هيه متأخره بس انا لسه شايف الموضوع دلوقتى ...
ربنا يعطيكم خيرها ويبعد عنكم شرها ........ اختيار ممتاز وهية فعلا من اجمل سيارات الاستيت فى مصر , بس بجد خلى بالك من الركنه فى الشارع ..... انتا عارف العيال الظريفه الى عندهم حقد طبقى و بتمشى بمسامير ومفكات تجرح فى عربيات الخلق .... ياتجبلها غطا ووتربروف مبطن يا تركنها فى جراج .

الله يبارك فيك يا باشا لا ولا متأخرة ولا حاجة انا سعيد جدا بمرورك

بالنسبة للركنة خلاص احنا شفنالها جراج و بنركنها فية الحمد لله

الف مبرووووك يافهد وكنت عايزاسالك على السحب اخباره ايه فى العريبه التحفه ديه لان انا بعتبرها العرييبه الاقرب الى الكمال ومش مقتنع ان السحب بتاعها يكون غير المتوقع من العربيه ديه ومن الشركه ديه ومن بلد زى فرنسا ارجو الرد وياريت تعملنا تقسم شامل للعربيه وشكرااااااااااااا

الله يبارك فيكم جميعا

بالنسبة للسحب فا هوة كويس جدا بس بعد ما الفتيس يجمع !

يعنى ممكن انت تدوس و عقبال ما الفتيس يجمع بياخد تقريبا ثانية كدة ! بعد كدة بيبقى تمام بس مش اداء رياضى يعنى بس كويس جدا

المشكلة فى الفتيس بيجمع ببطئ شوية بس كدة بس لما تعودة على الجرى حيتحسن معاك !