الموضوع: نيو اكسنت سخنت و جابت جوان و ش سلندر

المشاركة الأصلية كتبت بواسطة dejavu_exara

بص ياباشا انا حصل معايا نفس الموضوع بظبط انا روحت التوكيل واول مهندس محتررررررم قابلنى قالى ده جوان وش سلندر بعد ما فتح الرادياتير ولاقى المية بتفور مع ان ده الطبيعى مع اى رادياتير فى الدنيا المهم بعدها قالى ممكن اعملها فى مركز الصيانة عندى وكدة وهتتكلف 1000 جنيه والمهندس ده كان اسمه هانى مش فاكر هانى ايه بس معايا الكارت بتاعو وعليه اسم مركز الصيانة بتاعو المهم وده كان فى توكيل قليوب اللى هو فى اول الطريق الزراعى بتاع مصر اسكندرية طبعا انا لما لاقيت الدنيا كدة فهمت ان ده اصلا مش شخصية امينة ولا محترمة ولا بيراعى ربنا فى شغله واضح ان هو بيجيب زباين من التوكيل المهم موافقتش وطبعا على حسب كلامه العربية دخلت التوكيل علشان تغير جوان وبعدها اتصلت بيهم قالو ان العربية خلاص اتعملت بعد حوالى 5 ايام كانت التكلفة بتاعة تغيير الجوان وكوعات المية والثرموستات كانت حوالى 2600 جنيه وبعدها على الساعة 3.30 بكلمهم علشان اروح اخد العربية لاقيتو بيقولى العربية فيها موبينة بايزة وكانت 850 جنيه ولما سالت على الموبينة برة الاصلى كانت عاملة 265 جنيه المهم حاولت اعرف ايه السبب اللى خلى العربية تعمل كدة معرفتش لسبب ان هو الراجل اللى هناك فى مركز قليوب مش عارف ميكانيزم العربية اصلا ولا عارف اللمبة الحمرا بتاعة العربية بتنور امتى حاولت اعمل تست للمبة الحمرا اعرف شعالة ولا محدش عرف يعملها من فترة قريبة لاقيت العربية نسبيا سخنة والتكييف مش عاجبنى المهم كنت عند الكهربائى بغير لمبة فى الفانوس اللى ورا فا بحكيلوو عن سخونة العربية والتكييف قالى شوف المراوح وهو بيشوف المراوح لاقى واحدة معكوسة بتطرد هوا وبعدها عكس السلوك بتاعة المروحة بقت العربية زى الفل الناس فى توكيل بجد مش فاهمة حاجة وقطع الغيار غالية بطريقة غير عادية منصحكش تروح التوكيل انصحك بميكانيكى كويس روحلو وغير كوعات المية كلها وثرموستات الحرارة بتاعة العربية ونصيحتى ليك اعرف كل حاجة فى العربية علشان بعد كدة متوصلش للى حصل ده وعلى فكرة فواتير الحاجات دى كلها معايا ونصيحتى ليك طول ما انت برة الضمان متروحش التوكيل تمام لان فى الضمان بتروح مضطر مش علشان هما كويسين اه وفى موقف تانى حصل معايا وانا هناك كان غطا الرادياتير بتاعى باز من السخونة فا كان مكتوب فى الفاتورة غطا رادياتير 100 جنيه المهم الغطا مش متعير فا قولت عليه اعد يلف شوية كدة وبعد كدة كان فى عربية فيرنا واقفة زيرو بتعمل صيانة 20000 الف راح فاتح الكابوت وواخد غطا الرادياتير بتاعها وحطو عندى وخلص الموضوع على كدة دى حاجة تانية خليتنى اقول ان عمرى ما هروح التوكيل تانى كنت زمان بسمع ان التوكيل وحش بس لما جربت فعلا عرفت يعنى ايه توكيل وحش وفعلا انا بحب هيونداى بس التوكيل خلانى عمرى ما هركب عربية هيونداى تانى بعد دى على فكرة انا عربيتى نيو اكسنت 2006 اتوماتيك

أنا شايف انك تكتب اللى حصل ده كله فى ايميل ل خدمة ما بعد البيع أو شكاوى العميل .. و هما أكيد عندهم قسم للشكاوى بيبص على الحالات اللى زى دى و يتخذ اللازم.