العربيات القديمة المستعملة افضل بكتير من الجديد الزيرو وبعد تجربة

**abou_mariam** · 07-10-2011 06:03 PM

فكرتنى بحبيبة قلبى نورماندى 3 ( فيات 128 ) مو 90 بس عاوز أقول لسيادتك تجربتى بعد نورماندى ركبت هيونداى فرنا و كنت فاكر ان بعد القديم و قرفة يجى الزيرو و دلعة و اشتريت الفرنا زيرو من غبور و اكتشف عيوبها و سوء التوكيل و قرفة تخيل عربية زيرو مش عارفين نرصهها لان الكاوتش ماركة ( نسر ) ملووح ولا نعملها ضبط زوايا المهم اختى أخذتها و رحت جبت رينو لوجان ممتازة حتى اول خبطة شفت الويل من التوكيل و الغلاء الفظيع و مش صنايعية خالص و بخاف اخرج بيها لتتخبط اروح التوكيل يقولولى مبلغ مقدرش علية يا ريتنى ابقيت على سيارتى الفيات كانت على قد يدى كنت بهدها و ابنيها بالف جنية .
الخلاصة لو معاك عربية قديمة حالتها ممتازة افضل من اى ماركة جديدة
و ارخص و تستحمل عن الجديدة و لو خدت بيها مطب او بلاعة مش هتزعل زى ما تكون جديدة ( مجرد رآى )

**maryano** · 07-10-2011 06:24 PM

جامد اخر حاجة فكرنتني ب ال127

**Donzi** · 07-10-2011 06:38 PM

واضح ان كل المصريين عربياتهم الاولى كانت يا اما 128 يا اما 127

انا برضو اول عربية ليا كانت 128 بس كانت حالة نادرة بمعنى الكلمة كالنت مو 1989 و فابريقة برة و جوة و مرفوعة معرفش كام سنة كدا و كنت شارياها ب 25 الف جنيه بحالهم من بتاع 5 او 6 سنين كدا و الحمد لله كانت زي الفل و عمرها ما عملت معايا اي حركة نقص بس انا برضو كنت محددة هدفي انها لمجرد التعليم و هي سنة واحدة او سنة و كام شهر و غيرتها و جيبت زيرو

**mohamedhfz** · 08-10-2011 03:19 AM

انا بقي الكلام ده حصل معايا في عربيتي الاولي جولف 2 موديل 86 . العربيه دي انا هدتها و عملتها من اول و جديد و كنت مسميها (الدنيئه) لانها مكنش يحللها دقات النقص الا و انا خارج خروجه حلوه و لابس اللي علي الحبل كله
و من كتر الاعطال اللي بتحصل فيها فجأه .جابتلي هسهس في دماغي لدرجه اني راكب نيسان باترول دلوقتي موديل 2008 و جايبها زيرو و كل ما اركبها ابقي حاطط ايدي علي قلبي لا تعطل مني او تعمل معايا فصل بايخ من بتوع الجولف

**mado83** · 08-10-2011 11:50 AM

من الاخر كده انته مرزق
بعد كل اللى عملته فيك ال128
جيت اتوقفت كمان من المنتدى لمده اسبوع
ههههههههههههههههههههه
مرزق مرزق يعنى

**kimotop** · 17-10-2011 09:08 PM

الف الف الف شكر يا جماعة على المشاركات الجميلة واللذيذة الي ملت الموضوع
وبعتذر اني مقدرتش ارد على كل المشاركات علشان المراقب معجبوش كلمتين في الموضوع فحظرني اسبوع !
و انا سعيد جدا ان الموضوع لاقى اعجابكم ومشاركاتكم الي احسن من الموضوع نفسه

**horas3000** · 17-10-2011 10:23 PM

تسلم ايدك يا زعيم موضوع هايل
و كله كوووم و لك هذا كووووم تاني ههههههه

انا برضه خدت ختم الجوده ده بس ايييه بقي عربيه الحج
بيجو 505 موديل 83 لكن اييييه بقي وارد الخليج و اوتوماتيك و مكيفه و مرفوعه 17 سنه و هنا نتنهي لسته المميزات
لان مشكله العربيه ده كانت الرفعه المقندله
كانت كل كام اسبوع بمشكله شكل مع اني مكنتش بمشي بيها كتييير اصلا
و غيرت حاجات كتييير من فتيس و ظفيره كهرباء و خلافه من سيور و فلاتر و طلمبات ميه و بنزين
و بعد عمره مكلفه الشيئ الفلاني جابت اربع فرد و علبه الباور في اسبوع واحد و هنا الحج اخدته الرافه بيا و قرر التخلص منها
و اللي خدها الميكانيكي

و في النهايه اهم ميزه في العربيات المستعمله انك و انت ماشي بيها في الشارع مش شايل الهم زي ما بتشيله و انت في الزيررو لانك بتبقي ماشي بمبدا ضربوا الاعور علي عينه

**SYD** · 18-10-2011 01:25 AM

انا كمان اول عربية ليا 128
وكان في واحد زميلي معاه 127
وقالي كلمة "العربيات دي وشها حلو علي صاحبها بينزل بعدها علي زيرو" ماصدقتوش
لكن بعد الحادثة والشاسيه بعتها وركبت زيرو
فهمت ساعتها ليه وشها حلو
هي بتكفر صاحبها وبتكرهه في المستعمل فبيشتري زيرو

ال128 اساسا عربية سيئة بشكل بشع ماينفعش تتباع مستعملة وواحد تاني يستعملها وتتباع وواحد تالت يستعملها وهكذا

وتقريبا مصر كلها ركبت عربيات بعضها
يعني انا بعت وانت اشتريت وبعت لحسين وحسين باع لمحمدين ومحمدين باع لأحمد وهكذا

والي انت اشتكيت منه وبعتها عشانه هو كمان باعها عشانه وهكذا

نصيحة بجد

ابعد عن الفيات بوجه عام
ابعد عن المستعمل الي فوق ال10 سنين
اشتري عربية ليها قطع غيار اصلية

والله المستعان
،
،