العربيات القديمة المستعملة افضل بكتير من الجديد الزيرو وبعد تجربة

**omaroof** · 18-10-2011 03:04 AM

بصراحه العنوان خلانى عاوز اتعارك معاك بس من المضمون صعبت عليا
الحمد لله على كل شئ هى دى الخبره اللى مابتتقدرش بتمن

**Egyzizo** · 18-10-2011 03:32 AM

أنا معايا الـ 128 من ييجى 10 سنين ، وجبت الزيرو ومازلت محتفظ بيها ، والحمد لله بتقعد بالـ 6 شهور من غير ما تعتب عتبة ميكانيكى أو كهربائى ..
بس من يوم ما الحكومة أخدتها تتعلم عليها وتستخدمها .. وأنا كعب داير ، ان ماكانش للسمكرى علشان يرد خبطة ، يبقى للسروجى علشان يروق ويفرش.

**tutankhamoun** · 18-10-2011 07:25 AM

موضوع فكاهي و جميل .... أسلوبك ممتاز

**MoOoD** · 18-10-2011 09:33 AM

أسلوبك مضحك بجد ... الله يعينك على العربيه ويكرمك فى بيعها إن شاء الله
ولما تبيع عرفنا وأتحفنا بقصه البيع أكيد هتلاقى مناورات ومهاوشات فى البيع برده

**elbeheri** · 18-10-2011 10:18 AM

فكرتونى باول عربية ليا كانت 127 موديل 84 اشتريتها واتعلمت عليها سنة 2004 لما المستعمل كان سعره عال ب 16 الف جنيه و عرفت بعد ما اشتريتها ان الميكانيكى اللى خدته معايا باعنى للناس اللى اشتريتها منهم - الله يسامحه - عشان ماكنش عندى خبرة بالعربيات
وللاسف العربية كان ماتورها خفيف - كاوتش بايظ - بارومة بالشاسيه .

والعربية كرهتنى بالمستعمل كله وبعد كده عملت فيها الاتى
1- اشتريت ماتور استيراد
2- اشتريت 4 فرد كاوتش جديد + 4 جنوط استيراد
3- عملت سمكرة ودوكو
وقعدت معايا حتى 2010 ثم بعتها بعد كده بتسعة الاف جنيه فقط عشان زهقت منها وعايز اخلص منها وبعتها لاول واحد جالى .
لاكن فعلا العربية الزيرو نعمة من ربنا

**wael113** · 18-10-2011 12:18 PM

هههههههههههههه ربنا معاك يا مان

عقبال ما ابيع عربيتى انا كمان

**Abdm** · 18-10-2011 01:00 PM

العربيات القديمة هى شر لا بد منة لآنها أجبارية ولآنة لولا المستعمل مش هتشترى جديد .. لآن فعلا على قد ما المستعمل مشاكلة كتير قوى لكن بردة بيستحمل شوية دة غير أن مصاريفة حنينة شوية بس من ضمن عيوبة أن هذة المصاريف متكررة كتير فا بتعمل مبلغ بردة فى الآخر لكن على أجزاء أى واحد يقدر بأذن الله يدفعة وكمان مشكلة قطع الغيار الغير أصلية ومضروبة وكل شوية زيارة للميكانيكى والعفشجى والسمكرى .

الخلاصة : أنت بستفيد بأنك بتتعلم السواقة صح ومش هتبوظ العربية الزيرو اللى هتشتريها بعد كدة وهتقدرتحافظ عليها من مجميعة بأذن الله .
بتتعرف بردة على الصنايعية كلهم وكمان بتوع قطع الغيار اللى ممكن يبنفعوك بعد كدة .
وربنا يسترها معانا جميعا يا رب

**kimotop** · 13-02-2013 02:32 PM

بمناسبة افتتاح شركة نصر مرة اخرى و ذكريات ال 128 ههههههههههههههههههههههههه هه

**ali fikry** · 25-08-2013 12:34 PM

[SIZE="3"]هههههههههههههههههههه والله انت عسل واسلوبك جميل جدا
بس انت لمتنى ان العربية الزيرو حتى لو تقسيط افضل بكتير كفايه انها ان شاء الله كتعطلش بيك وانت معاك مراتك فى الشارع وعربية تحافظ عليك هيا بتبقي مكلفة شوية بس تستاهل بدل ما تبهدل نفسك واهلك معاك
موضوع جميل وشكرا للافادة[/SIZE ]