إستطلاع : هل أنت فخور لكونك مصرى؟

**Ralliart** · 09-10-2011 12:25 AM

المشاركة الأصلية كتبت بواسطة shaddadfalcon1

طيب خليني اسأل الناس اللي مش بتحب مصر ولا فخوره بيها:

هل عندكم استعداد تحبو مصر وتخلوها فخوره بيكم؟؟

علشان تخلي مصر فخورة بيك لازم تشتغل حاجة من اتنين
يا لعيب كورة يا فنان هابط

**ziours** · 09-10-2011 12:52 AM

من سوء الحظ اني مصري ولااشعر باي فخر اني مصري

**Nistelrooy** · 09-10-2011 01:30 AM

خالص !

**osama.m** · 09-10-2011 01:48 AM

المشاركة الأصلية كتبت بواسطة ghosts

أنت جبت من الأخر يامعلم ....
مشاركة قصيرة بس واضحة وصريحة ....
من غير لف و دوران وكلام كتير و هرى ملوش أى معنى ....
وبصراحة عندك حق لأن المصرى النهاردة معندوش أى حاجة فى بلدة ممكن يفتخر بيها ....

هايفتخر بأية يا حسرة .....
بالتعليم ....
ولا بالصحة ....
ولا الأقتصاد ....
ولا الزراعة ....
ولا الصناعة ....
ولا الرياضة ....
ولا الثقافة ....
ولا البحث العلمى ....
ولا العدالة الأجتماعية ....
ولا بالشوارع النظيفة ....
ولا بالأمن و الأنضباط ....
ولا بالوظايف و المرتبات ....

لأ دة أنا نسيت أقول لكم صحيح أن مصر أخدت المركز الأول على مستوى العااااالم ....
عارفين فى أية ؟
فى نسبة الوفيات الناتجة عن حوادث الطرق ....

مبارك الله ينتقم منة مسبلناش حاجة عشان نفتخر بيها ....

كان قاعد بيخرب فى البلد و أحنا بنسقف لة ونقولة : :b4_388:
علشان كدة أحنا أختارناك ....
لك الله يامصر ....

و اقولك كمان ..
شوف تعليقات الاجانب على البلد و اهلها عاملة ازاي .. وسيبك من تعليقات صباح الخير يا مصر .. دور على اليوتيوب و غيرة و شوف الناس بتقول علينا اية

لما يبقوا يقولوا علينا كلمة حلوة ساعتها ابقى فخور بالبلد

اقول كمان ولا بلاش !!

**alynubira** · 09-10-2011 02:04 AM

المشاركة الأصلية كتبت بواسطة hoky

مش عارف حقيقي بس اللي متاءكد منه ان الواحد مش عارف يحقق نجاح يفتخر بيه او ان الواحد قادر يحقق ذاته مع العلم ان عمري 37 سنه الحياه صعبه وضلمه مع العلم اني برضه متيسر ماديا ولله الحمد بس ساعات كتير كنت اتمني اني كنت اتخلقت في بلد تانيه

جبت اللى جوايا

**minicooper20** · 09-10-2011 04:55 AM

دنا مصر ديه ليها معيا قصه كبير دنا عندى 21 سنه لكن مشوفتش فيها حاجه عدله
بسافر و ارجع و لا بتوحشنى و لا اى حاجه
انا غير فاخور بالمره انى مصرى و لا كنت اتمنى انى اكون مصرى
يا راجل ده الواسطه وصلت للصحه
لا تفولى نظام و لا نيله ده شعب 100 نيله اهو انا اتظاهرت علشان اشيل النظام عايز مظاهره تشيل الشعب
بس ارجع و اقول ماهو البلطجى ده لو لقى حد يقولو عيب و يعلمو و ياكلو و يشربو يربيه يكفيه يمنع عنو المخدرات يتقى ربنا فيه كان طلع محترم
كل بلد فيها الطيب و الوحش
بس مصر مفيهاش حاجه تخليك تفضل طيب بلطجه و رشوه و سرقه و عيال من 5 ابتدائى بتشتم بعض بالام طيب تقولو انتا مين علمك تقول كده يقولك فكك منى
هههههههههههه و كلو كوم و الاتواه كوم تسرق منك عربيتك و تدفع فديه علشان تجبها
هتقولى امريكا فيها بلطجه بس قصاد البلطجه فيها نظام هيجبلك حقك
ها يا مصر فيكى حد يجبلى حقى ؟
فيكى حد بيخاف عليا ؟
فيكى حد عايزنى انجح ؟
فيكى حاجه مبتمشيش بالفلوس و الواسطه؟
فيكى صنايعى مبيخودش ترمادول و مخدرات و مبيشتغلش الزباين ؟ (الا من رحم ربى)
و فيكى و فيكى و فيكى و فيكى
الحاجه الوحيده الفيكى ناس غلابه اوى اوى اوى اوى اوى عايشين بدعو ربنا بالساتر و حسن الخاتمه
يا رب

**abou_ruqi** · 09-10-2011 05:16 AM

الله ! طب ما تيجي نولع فيها بجاز بقه ونخلص من قرفها ؟
بس برضه لو سمعت في الغربة سعودي بيسب مصر حتقوم تديله بالجزمة
برضه الموت اهون من انك تاذيها او تتجسس عليها للموساد
برضه لو سمعت ان اليهود دخلوا رفح الدم حيغلي في عروقك وحتموت وتروح تدافع عنها

يا راجل ده الامريكان دخلوا ام القصر كنا بنغلي وعاوزين نروح ندافع مع العراقيين مع ان العراق دي ولا سمعنا عنها الا في الاخبار !

مصر مرض متوطن لا يمكن الشفاء منه

**Ahmed Anwer** · 09-10-2011 05:30 AM

المشاركة الأصلية كتبت بواسطة abou_ruqi

الله ! طب ما تيجي نولع فيها بجاز بقه ونخلص من قرفها ؟
بس برضه لو سمعت في الغربة سعودي بيسب مصر حتقوم تديله بالجزمة
برضه الموت اهون من انك تاذيها او تتجسس عليها للموساد
برضه لو سمعت ان اليهود دخلوا رفح الدم حيغلي في عروقك وحتموت وتروح تدافع عنها

يا راجل ده الامريكان دخلوا ام القصر كنا بنغلي وعاوزين نروح ندافع مع العراقيين مع ان العراق دي ولا سمعنا عنها الا في الاخبار !

مصر مرض متوطن لا يمكن الشفاء منه

ده الغريب فعلا فعلا

تسمع حد بيقول كلمة عليها تبقي عايز تنط في بطنه

كنت في باريس ايام الثورة و يوم جمعة الغضب الأخبار علي الفضائيات إن البلد بتتنهب

قاعد في قهوة المصريين ،، واحدة سورية بتقول أيه ده ؟؟ البلد كلها حرامية ؟؟

كنا هنقوم نضربها ،،،

رغم إننا كلنا قاعدين نشتم فيها (( البلد يعني ))

و مواقف كتير بالشكل ده ،،

مالهاش تفسير غير إنها زي أمك و أبوك مهما كانوا مينفعشي تتبري منها ،، لأنك أساسا ما اخترتهمشي و لا أخترت بلدك

**shaddadfalcon1** · 09-10-2011 10:13 AM

لو كل الناس ارائها كده يبقي علي مصر السلام وهتوحشيني ياغاليه

**Ghosts** · 09-10-2011 10:45 AM

المشاركة الأصلية كتبت بواسطة Ralliart

في ناس كتير مرتاحة في الغربة عادي على فكرة
أنا عن نفسي مبيوحشنيش الزبالة ولا المياه الملوثة ولا الناس البجحة والسواقين التلمين والموظفين المرتشين والناس المنفضين بالاضافة للبلطجية وقطاع الطرق والشرطة اللي مبتعملش حاجة
ما تقولنا ايه اللي بيوحشك؟

وبالنسبة للعيوب في حاجات ممكن تستحملها وفي حاجات أساسية مينفعش تستحملها يعني لما واحد يثبتك بسلاح وياخد عربيتك ويضربك ويطلب فدية وتروح تبلغ يقولك ادفعله! يبقى دي مش عيوب دي عاهات

معلم كبير ....